ISAIA 43:1 - PATHIAN LEKHABU IRTHIANG C.L. Bible (BSI)

¹ Atûn chu, Rengpa’n hiang hin a ti: “Jakoba nang ki siam, Israel nang ki inding a ni, chi no ro, nang a’rtantu ki ni, Ni’rhming irlamin nang ki koi, ki ta ni nih.

ISAIA 43:1 ပူးပေါင်းရင်းမြစ်များ

INPÂKNA HLAHAI 100:3

Rengpa chu Pathian a nih ti inhre unglân, A ni siamtu chu ama a nia; Ama ta ei ni. A mihai le a sa vâina hmuna belrahai ei ni.

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

ISAIA 43:7

An rêngin ki’rhming irput an ni, ki roiinpuina inlangtir hranga ki isiam an nia, Ki kut suak zit an ni.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.

EFESI 2:10

Thil sa tho hrangin Krista Jisuaa khan isiama omin ama kut suak ei hong nia; kha thil sa tho kha ei omna hrangin Pathianin a lei isiam irfûk a ni.

ISAIA 43:21

Keima hranga ki isiam an ni. Ni lan pâk ngêt an ti.

ISAIA 42:6

“Kei hi Rengpa chu ki ni, diktaka rêl hrangin nangni ki koisuak, ni bân irnak hrâtin nang ki san. Nangma hmangin mi tinhai laia thu ki thung ta. Nam tin invâr hrangin nang ki sia ta.

2 TIMOTHEA toc2 2 TIMOTHEA 2:19

Khannisian, Pathian lungphûm det tak kha chu inhnîng thei ma, ama khan hi chong hi irziak a om: “Rengpa’n ama tahai chu an hriat,” iti le “Tukhom Rengpa ta ki nih ti murdi’n chu sual hnung a isongsan ngêt hrang a ni,” ti hi.

ISAIA 44:2

Rengpa’n hiang hin a ti: Nangni siamtu ki nia, sul sûnga nangni inngîrtirtu ki ni, Ki siahlo Jakoba nang ki changpui maia, ki inthang sai, Jesurun chi no roh.

ISAIA 41:14

Israel mi, O Jakoba mi chînte ni khomin lân, “Chi no ro, nang san ki ti,” Rengpa thusuakin a ti. Israel mi irthianghai, irtan hrangtu ki ni.

EZEKIELA 16:8

Khan, ni kuanga ki honga nang ki ena, irngai ta, inditom ni ni tâka, ki puan ki lâka, ni korongboi chu ki’rkhû tâka: khanchu ni kuang irkhâmna ki siama, thuthunga ki lûtpui tâka, ki ta tak ni ni tâka, ti hi Rengpa pathian thusuak a ni.

JEREMIA 50:34

Anni inzôktir hrang chu mi hrât a nia, ar hming chu Rengpa Itinrêngthothei a ni. Anni chu thophai mai a ta, irnênga irngeina inlêng a ta, Babulon ram mihai chunga rêk chu buaina intungtir a ti,” a tia.

FESUAKNA 33:17

Rengpa’n Mosia chu hiang hin a ti pea, “Nang kin hriat infela ni chunga ki milung a chuk sikin ni iti ang lam takin tho ki ti,

MALAKIA 3:17

Sipaihai Rengpa khan, “Anni kha ki tahai ni an ta, irchon irkhêl bîk tak ki siamna nia chu; khan mi’n a nâipa ama sinthotu kha a isiam angin anni kha siam ki ti,

TÎRTÔNHAI SINTHO 27:25

Khasikin, puhaio, irtharngam takin om roi. Pathian ki iama, a ni ihril ang kha tung ngêt a ti.

JEREMIA 31:3

tiana ki kuanga zuang inlang Rengpa khan, “Lungthung hek ngai loiin lung nang ki thunga, phûkdâi takin nang hruai mai ki ti,” a tia.

IRPHUTNA 32:28

Khan kha mi khan, “Ni’rhming khom Jakoba nang ti ta no nihaia; Israel nang ti ta an ti; Pathian le mihriam nir buanpuia, nin hnê tâk sikin,” a tia.

INPÂKNA HLAHAI 102:18

Kha kha thoiinthar la hong om hrang khan irziak ni a ta: Nam siama la hong om hrang khan Rengpa kha inpâk an ti.

DÂN INHNINA 32:9

Rengpa khan a dongtum hrangin Jakoba irchihai a inthang a ni.

ISAIA 49:1

Chômbunghaio, ki thu hi irngai roi, ram hlataka omhai khom irngaitua roi. Sûnga ki om lai ata Rengpa’n a ni koia, Nu pum sûnga ki om lai ata ki’rhming a phuaa.

JEREMIA 33:24

“Mihaiin ki inthang, in sûngkua inhnihai Israel le Juda ki ihnôlhai ang khan an lei insîr hi nin hriat ngai mo? Khasikin ki mihai chu hmûsit takin an ni ena, nam ang khomin an ni ibe loi a ni.

ISAIA 62:12

Rengpa irtanhai chu, “Nam irthiang,” ti an ta. Nang khom, “Rengpa zong suak, khopui mâksan thei loi,” nang ti an ti.

ISAIA 48:17

Nangma inthangtu, Israel mi irthiang, Rengpa’n hiang hin a ti: ‘Keima hi Rengpa ni Pathian chu ki ni. Ni hranga sin sa nang ki’rchutira, ni fena hranga lampui chu nang irhmutir ki ti.

JEREMIA 33:26

Hihai hi ki sin a ini angin Jakoba irchihai le a ni zui Davida le ki thuthung chu hlo ki inchuktir hrang a ni. Abrahama, Isaka le Jakoba irchihai chunga roirêl hrangin, Davida irchihai laia irthokin inkhat khôk inthang ki ti. Ki mihai chunga khonzâna nei ki ta, anni chu vângsakna siamhai nôk ki ti,” a tia.

FESUAKNA 15:13

Nangma lungkhamna sika irtan sai tâk, ni mihai hruai ni ta; ni hrâtna’n ni omna hmun irthianga hruai intunghai ni ti.

ISAIA 63:16

Nang chu kin pa ni nia, Abrahama’n nin hre pha mah. Nang chu, Rengpa, kin pa ni nih. Itiklai khoma ni sûnghualtu ni nih.

TÎRTÔNHAI SINTHO 27:20

Nikho sôt tak misa khom, ârsi khom inlang maka, phâivua lakin a saterengin a nin muai maia, hring hrang rêng rêngin irsabei ta ma ung.

FESUAKNA 15:16

Chitna le ngîkna an chunga chum a ta, Ni bân irnakhrât khan lung angin omchian an ti; O Rengpa ni mihai an thang zoi mâka chu.

ISAIA 27:11

Thing ônhai khom chârin a tâka, Thingtua hrangin nupanghaiin an irkhôm a ni ta. Ite inhre thei loi nam an ni hih, a siamtuin lungthunghai loi angin, anni inren ngaitu hin lungthunghai mai ta no nih.

ISAIA 43:5

Chi no ro, nang ompui ki ti, Nisua tianga nir chi omhai hong hruaihai ki ta, Nitâk tianga omhai bukkhômhai ki ti.

ISAIA 48:20

Babulon khua ata fesuak unglân, Kaldai ram hi rotsan roh. Râifân taka khêkin ki thu hi inpuang unglân, hmun tinrênga hril mai roi, Rengpa’n a siahlo Jakoba chu ar tansuak ta,’ tiin khêk roi.

ISAIA 52:9

Jerusalem kho chîntea omhaio, raifân takin khêk unglân; Rengpa’n a mihai chu lungngam sakin, Jerusalem chu ar tan ta.

ISAIA 63:9

An chardongna tinrêng a tuangpuihaia, vântîrtôn ni loiin, ama ngêtin a sanhai ta, lungthungin, an renhai hrai sikin a’rtanhai ta.

DANIELA 10:19

Khanchu ki kuang, “O mi inditom tak, chi no’n lân, irtharngam takin om ro, a ni, hong hrât ta ro,” a tia. Ki kuang thu a hril lai takin ki hong hrât thei tâka. “Ki rêngpa’n thu hril ri se, nangin ni nin hrâttir tâka,” ki tia.

DÂN INHNINA 32:6

Mi’nvêt le mi hnanghaio, hiang hin mo Rengpa nin Pathian kha nin ithuan hrang? Nangni neitu nin pa a ni, nangni a siama, nangni a inpuihlingtir a ni.

DÂN INHNINA 32:15

Israelhai kha an hong irchonga, a sân an hong irhniang tâka, an mar tel tul tâka, Siamtu, an Pathian kha an rotsana, saninhringtu, an lungpui kha an ngainêpa.

ISAIA 45:11

Israelhai siamtu mi irthiang Rengpa’n hiang hin a ti: “Ki nâihai chungchânga hin nin nir chutira, ki itho hrang hi nangni ni irêl pe moh ki nang nin isôn?

ISAIA 49:26

Deng nang intheitirtu chu an bingin an hmê infatirhai ki ta, Uain inrui angin an thisen inrui nôk an ti, Rengpa saninhringtu ki ni, nangma irtantu, Jakoba mi hrât ki ni, Mi murdi’n inhre ving an ti,” tiin.

ISAIA 51:13

Irvân kaiphar theia, irnêng irnghatna phûm theitu, nangni siamtu Pathian hi nin irnghil ma ni ta? Dengintheitirtu ningmurna le an siat tumtuhai chi di dîpa nin iom mai hi? An ningmurna chu tuang zoi no chin ni.

CHAP HLA 3:57

Ki hong khêk tak takin chu a ni zuang nâia, ‘Chi no ro,’ a ni tia.