ISAIA 42:3 - PATHIAN LEKHABU IRTHIANG C.L. Bible (BSI)

³ Lâiluang châng no nia, meiser chok vi viat khom sêmthat ual no ni, diktakin roirêl a ti.

ISAIA 42:3 ပူးပေါင်းရင်းမြစ်များ

INPÂKNA HLAHAI 147:3

Milung koihai chu an damtira, An popnahai chu a tuam pe ngai.

INPÂKNA HLAHAI 54:5

Ama khan ki sualna chu ki khôkmâkhai chunga thuan a ti: Nangin anni chu ni thu takna sika khan inboipai roh.

INPÂKNA HLAHAI 94:15

Roirêlna chu felna tiang kîr nôk a ti: Milung diktak irput murdi khan kha kha zui an ti.

INPÂKNA HLAHAI 96:13

Rengpa makunga khan: ama chu a izuang hrang a ni; Irnênga roirêl hrangin a izuang hrang a nia: Rammual hi fel takin roi rêl pe a ta, Mi tinhai chu a thu takin roi rêl pe sa a ti.

INPÂKNA HLAHAI 98:9

Rengpa makunga khan; irnêng roirêl hrangin a izuang hrang a nia: Rammual hi fel takin roi rêl pe a ta, Theibîk nei loiin mi tin roi chu rêl a ti.

ISAIA 2:4

Nam tin chunga roirêl a ta, Irngeitirhai a ti, an khandaihai bu tûna hrangin incher an ta, an ufeihai khom theipui ôn tanna hrangin sin an ti. Nam dang chunga nam danghaiin chem hrei inlek ta no nihaia, irdoi dân khom irchu ta no nihai.

ISAIA 40:11

Belra hrungtu angin Belrahai infâhai a ta, a têhai chu pomhaiin, a puihai hruaihai a ti.

ISAIA 42:2

khêksuak no nia, a hnuk inring no ni. Kholaidunga ar hâi inhre no nihai.

ISAIA 50:10

Nangni laia Rengpa chi ngai mi, A siahlo a thu irngaituahai ngai, vâr nei loiin inthima om ngai khom unglân, Rengpa irhming iam mai unglân, Pathiana khan irnghat roi.

ISAIA 50:4

Rengpa ki Pathianin thuhril theina a ni pêka, Mi irzal takhai inthor theina kin hriat theina hrangin a ni tin a ni kai inhara, a sûn a zânin mi irchutir theina ki neiin kin hriata.

ISAIA 63:1

Tu moh Edom khopui, Bozra khua ata puan sen vung sil a hong so? roiinpui takin a’rvoa, a hong vut vut so. “Keima ki ni, saninhringtu roiinpui, ki inhnê tâk thu ki inpuang a ni”.

ISAIA 66:2

Thil tinrêng hi keima kut ngêia ki isiam an nia, khanchu an hong oma, Rengpa thusuakin a ti. Ki ihmu nuamhai hi tuhai moh an ini? Lungrîla irngaiintôm le irsîra ki hê lâkhai hi kêng an ini.

ISAIA 9:7

A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.

JEREMIA 31:25

Mi hrât loihai inhrâttirhai ki ta, châmsôl irveihai chu infatirhai ki ti.

EZEKIELA 34:16

A lei irhmang tâkhai chu zonghai ki ta, a rothai khom hruai kîrhai ki ta, a pop a liamhai khom tuam pehai ki ta, dam loia omhai chu indamtirhai ki ti. Khannisian a dam le a marhai chu inboipaihai ki ti, thil dik tho ngai belrapu chu ki ni sikin.

MIKA 7:9

Rengpa chunga thil ki tho’nsual tâk sikin, a milung hoi loina tak tak kha pêl ki ti, ki chungchâng nin sîrpuia, ki ta hrangin roirêlna kha a tung mâka chu: vâra ni hruaisuak a ta, khan, a felna kha hmu ki ti.

MATHAIA 11:28

“Nangni sinsôl le puakrik pêl murdihaio, ki kuang hong unglân, keima’n nangni irngamtir ki ti.

MATHAIA 12:20

Hrât loihai chunga zâidamna nei a ta, Beiindonghai chunga khonzana nei a ta, Dikna khan inhnêna a pêk mâka chu mong no ni.

JOHANA 20:27

Khan, Thoma kuang khan, “Ni kut pârin hong inthemin lân, ki kuthai en ro; ni kutin hong inbanin lân, ki kâng hi tôn roh; iam loiin om no’n lân iam zôi zel roh,” a tia.

JOHANA 5:30

“Ki bingin ite tho thei ma ung; Pathianin a ni ihril ang takin roi ki rêla, ki roirêl khom a dik, keima nuamlam tho tum loiin a ni tîrtu nuamlam vai tho ki tum ual sikin.

THUPHUANG 19:11

Khan, irvân irhong ki hmua, sakor ngoi le a chunga chuang iamom le dik taka an iti ki hmu sa. Ama khan fel takin roi a rêla, a râl a doi ngai.