ISAIA 42:20 - PATHIAN LEKHABU IRTHIANG C.L. Bible (BSI)

²⁰ Thil tamtak a hmua, khannisian zôm loiin a oma, mikuar a doa, khannisian inhre thei mah.

ISAIA 42:20 ပူးပေါင်းရင်းမြစ်များ

ROM KHUAA MIHAI KUANGA TÎRTÔN PAULA LEKHATHON 2:21

Mi dang ki’rchutir nir tia, ithoa mo mâni a irchutir loi? Inru loi hrangin mi nir chutira, nangin ni inrûk mo?

EZEKIELA 33:31

Khasikin ki mipuihai chu i thu mo ni ihril hrang tih irngai hrangin an irbûm ngai, khannisian tho hranga ni ihrilhai chu tho ngai mahai. Ni thuhai chu hla papai angin an bêa, khannisian an huatirhamna lampuihaia khan an fe mai ngai.

JEREMIA 6:10

Keima’n, “An kuang ti pehai khom inlân, tu mo a ni irngai pe rêk hranga? Tukullian le ni thu chu irngai nuam loi an nia, hril pehai hranga ni nih iti hi an minui vai a inza pehai a ni.

ISAIA 58:2

A ni tin irzôm natin an ni zonga, ki inuam lam chu inhriat an nuama, diktaka sintho ngai nam ni irhoi an tuma, Pathian thilpêk zôm irkip chu tum ual loiin, diktakin roirêl lam an nir dona, Pathian nâi nuam tak anga inlang pumin.

ISAIA 1:3

Sehrâtin a chongpu an hriata, Sakuartungin a pu bu pêkna irkuang a inhriat angin, Israelhaiin chu inhre mahai, ki mihai hin inhre thei mahai.

INPÂKNA HLAHAI 107:43

Tukhom vâr ka kaiin khahai kha vong insa an ta, Rengpa lungkhamnahai ngaitua an ti.

DÂN INHNINA 4:9

Khanchu, irdîn unglân, nin mit ngeia nin thil hmuhai kha nin dam sûnga nin irnghil loina hrangin irnak song unglân, nin nâi le te khom, nin tuhai khom, hrilhai ngai roi.

NAMBAR 14:22

Aigupta ram le ramchâr ki roiinpuina le ki sinirkhêl thohai an hmu hnung khomin voisôm an ni la fiaa, ki thu la pomloi mihai hin,

MATHAIA 13:13

An kuang thu kin sîra chongirkhek ki ihmang nasan chu an ena an hmu nona hrang le an irngaia an inhriat thei loina hranga a ni.

ISAIA 6:9

Ki kuanga khan, “Fe’n lân, hi namhai hi va hrilhai ro: Irngai ngot khom unglân, inhre thei no chin ni, en mai khom unglân hmu ual no chin ni,” tiin.

EZEKIELA 33:32

Anni ta hrangin nang chu irdit hla saktu, serânda âttu, tufiam thotu ang ni nia, ni thuhai chu an irngaia, khannisian inkhat lua zôm ngai mahai.