ISAIA 42:13 - PATHIAN LEKHABU IRTHIANG C.L. Bible (BSI)

¹³ Irdoi hranga mi hrâthai irdoipui thei dôrin Rengpa chu a hor thokin a hong khêka, a hnuk a suaka, a râlhai lai ata a hrât lam chu an langtir ta.

ISAIA 42:13 ပူးပေါင်းရင်းမြစ်များ

INPÂKNA HLAHAI 78:65

Kha zoro lai khan Rengpa chu, mi an ina an ihar angin, a har tâka, Mi hrât uain sika khêk angin.

ZEFANIA 3:8

Khasikin râllâk la hranga ki thoi ni dênin ni nghâk roi, ti hi Rengpa thu suak a ni. Ki thil tum kha an chunga ki ninginmurna ichiom tak kha insum hranga inlalna ramhai irbuktira namhai koi buk hi a nia; irnêng murdi hi ki khôkmâkna meia a la ikâng fâi zit hrang a ni.

AMOSA 1:2

Khan, ama khan “Rengpa kha Zion tâng ata inrûm dur dur a ta, Jerusalem khua ata ar hâi suak a ta; belra enkoltuhai sâ lêngna hmunhai kha an char a idong a ni, Karmel tâng sîp kha châr a ta,” a tia.

ZEFANIA 1:18

Rengpa ninginmurna nia chu an rângachak mani, An tangkarua’n mani khomin anni kha sansuak thei no ni; Ram pumpui hi a khôkmâkna meia khan kâng irhmang zit a ti. Rama omhai murdi inboi a ta, A ni, inboina irkhêl tak a siam hrang sikin.

NAHUMA 1:2

Rengpa kha nunse Pathian le phuba lâk hmang mi a ni; Rengpa khan phuba a lâka, ninginmurna’n a isip a nih; Rengpa khan a doituhai chunga phuba a lâka, a râlhai ta hrangin ningmurna a irtingtir a ni.

HOSEA 11:10

Rengpa kha zui an ta, kâmkeibaknei anga inrûm hrang chu: a ni, inrûm ngêt a ta, nitâk tianga irthokin a nâihai chu keima tiang inrang takin hong an ti.

JEREMIA 25:30

“Nangma Jeremia hin ki itihai chu ni inpuang hrang a ni, hihai hi mipuihai ni ihrilhai ngêt hrang chu a ni, ‘Rengpa chu irvân ata khêk a ta, irvân hmun irsângna ata irthokin a hnuk insua a ta. A mihai doiin khêk a ta, mi grep ra chîltu angin khêk suak a ti. Irnênga mi tinin inhria an ta,

ISAIA 31:4

Rengpa’n ki kuang hiang hin a ti: kâmkeibaknei hâitaka inhrûm chu belrapuhai irhâi inhriatin, a phûkinthing loia chi viat loi angin, Itinrêng Rengpa Zion tânga hong suak khan chu, a tânghai zuang hâlhai a ta,

ISAIA 26:11

Ni kut nir lek khomin hmu nuam ngai mahai, ni mihai ni inren lam hi irhmutirhai roh. Hmuhai sian mualphoi irla ri sehai, ni râlhai hranga meiri-al laia khan, kâng irhmang ri sehai.

ISAIA 66:14

Ama kha nin hmu tena chu lômin hong har thei nin ta, ilhling incher thar angin irnoi nutin om nin ti. Kei Rengpa hin ki siahlohai ki changpuihai ngaia, ki râlhai chunga ki ning an mur ngai ti inhre ta nin ti.

ISAIA 9:7

A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.

INPÂKNA HLAHAI 118:16

“Rengpa kut chang tiang khan hâi takin a tho ngai,” an ti ngai.

JOELA 3:16

Pathianin a mihai satvur a ti. Khan, Rengpa kha Zion tâng ata inrûm dur dur a ta, Jerusalem khua ata ar hâi insua a ta; irvân le irnêng inhnîng a ta: khannisianlân Rengpa kha a mihai ta hrangin irsûnghualna ni a ta, Israel irchihai hrangin kulbang ni a ti.

ISAIA 37:32

Jerusalem ata khom la dam suak hrang an oma, Zion tânga a thi zoi loi la om ngêt an ti. Itinrêng Rengpa satirngaina khan hloinchuktir a ti.

ISAIA 63:15

Ni omna hmun irthiang le hoi, irvân irsâng lai ata khan, zuang thîrin lân, ni zuang en ro, ni sathnem irngaina le hrâtna, ni khonzana le inrenna kha a idâi zoi ma ni ta?