ISAIA 41:17 - PATHIAN LEKHABU IRTHIANG C.L. Bible (BSI)

¹⁷ Inrianghai le invâihaiin tui in hrang zong an ta, An hmu no khomin an dangchâr chu kei Rengpa hin sâmhai ki ta, Israelhai Pathian hin masan no ning.

ISAIA 41:17 ပူးပေါင်းရင်းမြစ်များ

ISAIA 55:1

Hong roi, tuiinhrâl murdihaio, tui hi hong pan roi. Tangka sum nei loihai khom hong unglân, nin nêk hrangin bu hi tangka sum ni loiin hor chôk unglân, uain le dûttui hi hor cho roi, a man boiin.

ISAIA 30:19

Nangni Zion tânga mi Jerusalem khuaa omhaio, chap nôk ta no chin ni; changpui innanga nin khêk irhâi an hriatin chu nangni inren a ta, nangni donsui a ti.

MATHAIA 5:6

“Felna sika phîngchâma tuiinhrâlhai chu an vân a sa e, an la ikhop hrang a ni.

ISAIA 44:3

Ramchârhai tui buak ki ta, ramna hmuna tui inluangtir ki ti. Ni’rchihai chunga ki’rtha sem ki ta, ni tû le ni nâihai satvur ki ti.

ISAIA 42:16

Mitchohai chu inhre ngai loi lampuia hruaihai ki ta, an fe loina hmuna fepuihai ki ti. Inthim chu sensâi ki ta, lampui irrual loihai irrualtir ki ta, annihai kha ki itho hranghai chu a ni, insel viat no ning.

ISAIA 61:1

Rengpa pathian irtha chu ki chunga a oma, Hriak a ni’rthûtira, Rengpa’n a ni itîr a ni. Invâihai laia Thurchi Sa hrila, nun beidong takhai inhar nôk hrangin, suaka intâng suak nôkna hrang thuhai, intângna ina omhai zalênna pe hranga inkung ki ni.

IRPHUTNA 28:15

Irngai ro, kei ni kuang om ki ta, ni fena hmun tina nang hrung ki ti; hi rama hin nang hruai nôk ki ti; ni kuanga ki ihril hi a tak a tung mâka nang irnghil no ning,” a tia.

THUPHUANG 22:17

Khan, Irtha le moi khan, “Hong roh!” an tia. An hriat murdi’n, “Hong roh!” ti sa ngêt ri se. Tukhom a tuiinhrâl murdi chu hong roi; a nuam murdi’n hringna tui hi manboiin in ri se.

THUPHUANG 21:6

Khan, ki kuang, “A’rzoi tâk! keima a maton tak le a hnungkhôn tak, a bul le a mong ki ni. Tuiinhrâlhaiin chu hringna tuikuang ata manboiin pe ki ti.

2 KORINTH 12:9

Khannisianlân, ama khan, “Ki lungkhamna hi kêng ni irhelpui tak, ni hrât loi zoro’n kêng ki sinthotheina a irkip ngai,” tiin a ni sâm. Khasikin ki chunga Krista sinthotheina ki chunga a om theina hrangin lôm takin ki hrât loinahai hi song ual ta ki ti.

LUKA 16:24

Khan, a hong sâma, ‘Ka pa Abrahama, lung nin khamin lân, Lazara kha a kut pâr hmor tuia inchie sianlân, ki milei indâi hrangin zuang tîr ro ba, hi mei choka hin a sân ki na tak tak kêng,’ a tia.

MATHAIA 5:3

“Irthaa inrianghai chu an vân a sa e, irvân Ram an ta a ni sikin.

CHAP HLA 4:4

An ipomhai tuihrâl dangchârin an oma, an nâihaiin fâk hrang an zonga, pe phal loiin;

ISAIA 66:2

Thil tinrêng hi keima kut ngêia ki isiam an nia, khanchu an hong oma, Rengpa thusuakin a ti. Ki ihmu nuamhai hi tuhai moh an ini? Lungrîla irngaiintôm le irsîra ki hê lâkhai hi kêng an ini.

ISAIA 43:20

Ram sâhaiin ni chôiindôm an ta, Sihalhai le Ostrich vâhaiin nin pâk an ti. Ki mi irtanhai in hrang ramchârna hmuna tui irtingtir ki ta, ramchâra tui kin luangtir tena chu,

INPÂKNA HLAHAI 94:14

Rengpa khan a mihai a ipaithâk hrang ni ma, A dongtum chu a irotsan hrang ni mah.

INPÂKNA HLAHAI 50:15

Khan, lungzîng nia chu ni koiin lân; Nang saninzôk ki ti, khanchu nangin ni ni ichôiindôm hrang a ni,” a tia.

INPÂKNA HLAHAI 42:2

Ki hringna hi Pathian irzukin, Pathian hring irzukin, a tui a inhrâl a ni: Itika mo Pathian makunga tungin, Ki inlang hrang o?

INPÂKNA HLAHAI 34:6

Hi mi inriang hi an insama, khan, Rengpa khan an hriata, A lunginzîngna murdihai khan a sansuak tâka.

INPÂKNA HLAHAI 22:15

Ki hnuk hi pil bêl angin a chârkhohroi zoi ta, “Ki milei khom ki danga a kop khak tâka; Nangin thina pila hin ni ni ihruai inlût tâk a ni.

FESUAKNA 17:6

Irngai ro, Horeb lungpui chunga son ni maton tiang lei ngîr ki ta; lungpui kha hong vîk ni ta, khanchu mipuihai in hrangin tui zuang luang zel a ti,” a tia. Khaang takin Mosia khan Israel hruaituhai mit hmua khan a thoa.

FESUAKNA 17:3

Khannisianlân mipuihai kha an tui an hrâl pehai hrai sikin Mosia chunga khan an la nuar pe maia, “Itho hrang sika mo nin nâihai le kin sahai leh hin tui inhrâla ni that hrangin Aigupta ram ata ni ni hong ihruai?” an tia.

INPÂKNA HLAHAI 37:25

Nâipang ki lei ni tâka, atûn chu ki hong tar tâka, Khannisianlân, mi fel chu rotsana a iom hmu ngai ma unga, A’rchihai kutdoa om khom la hmu ngai ma ung.

INPÂKNA HLAHAI 74:21

O, nêpsiana tuanghai chu mualinphoiin inom no’n lân; Inrianghai le farahai khan nir hming inpâk ri sehai.

ISAIA 48:21

Ramchârna hmuna a hruai khomin a tuiinhrâl loiin, lungpui sûng ata an hrangin tui a luang suaka, Lungpui rîl ata tuiphûl a hong suaka.

ISAIA 49:10

An phîngchâmin tuiinhrâl ta ngai no nihai, phâivua lum le sûn misa lum khom chi ual no nihai. An hruaitu’n an renhaia, tui tamna hmuna a hruaihai ngai.

ISAIA 58:11

Rengpa’n nangni hruai mai a ta, misa lum hnuaia nin dangchâr chu hek a ti. Nin irzuk murdi nangni pe sa a ti. Nin taksahai nangni inhrâttir a ta, tui tamna hmuna irhuan angin le tuikuang kang ngai loi angin ni nin ti.

ISAIA 62:12

Rengpa irtanhai chu, “Nam irthiang,” ti an ta. Nang khom, “Rengpa zong suak, khopui mâksan thei loi,” nang ti an ti.

ISAIA 65:13

Rengpa Pathianin hiang hin a ti: “Ki siahlohaiin fâk hrang nei an ta, nangni chu nin phîngchâm a ti. Ki siahlohaiin in hrang nei intam an ta, nangni’n nin tuiinhrâl a ti.

ISAIA 65:24

An ni koi mân, sâmhai ki ta, an hril zoi mân len hre ving ki ti.

EZEKIELA 47:8

Khanchu ki kuang, “Hi tuihai hi nisua tiang ata ram hi hroin Jordan phâizôla a lûta, khatak ata kha tuipui thia a luang lûta. Khan tuipui thia a luang lût tena chu kha tuipuia tui al kha tui irthiangin an changtir ngai.

1 RÊNGHAI 17:8

Khan, Rengpa’n Elija kuang,

2 THURCHI SUINA 6:17

Khanchu Rengpa, Israelhai Pathian, ni siahlo Davida kuanga ni thuhril kha hlo’nchuktir ngêt roh.

JEREMIA 31:25

Mi hrât loihai inhrâttirhai ki ta, châmsôl irveihai chu infatirhai ki ti.