ISAIA 41:10 - PATHIAN LEKHABU IRTHIANG C.L. Bible (BSI)

¹⁰ Chi no ro, nang ompui mai ki ti, Ni charindong viat no ro, ni Pathian kêng ki ni, hrâtna nang pe ki tia, nang san ki ti. Ki kut chang tianga hrât tak leh hin nang chel ki ti.

ISAIA 41:10 ပူးပေါင်းရင်းမြစ်များ

IRPHUTNA 15:1

Kha zoiin chu Abrama kuang Pathianin, “Abram chi no ro, kei hi ni pho le lômman hlutak ki ni,” tiin Rengpa thu chu irmang angin an hriata.

IRPHUTNA 26:24

kha ni zân khan Rengpa’n a kuang an lâr pea, “Kei hi ni pa Abrahama Pathian kha ki ni; chi no ro, ni kuang ki om, sat nang vur ki ta, ki sinthotu Abrahama sikin, nir chi la pung an ti,” a tia.

IRPHUTNA 31:5

Khan an kuang khan, “Nin pa hmêl ki enin, matona ang khan ni ta mah ti kin hriata, khannisianlân ka pa Pathian chu ki kuang a om mai a ni.

IRPHUTNA 49:24

Khannisianlân a thalngul chu ite châng viat no ni. A kuthai khom irnak songin hrât tak ni a ti. Jakoba mi hrât kut sinthotheina khan (kha khan chu belra hrungtu, Israel lampui a lei oma).

2 SAMUELA 22:19

Anni khan ki milung zîng laiin an ni doia, khannisian Rengpa kha ki itûng zoi a ni.

1 THURCHI SUINA 12:18

An laia hruaitu inkhat Amasaia chu Pathian irthain an thuama, hiang hin chong an kung tâka: “Ni mihai kin ni, Davida, Jesaia nâipa, nangma mi kin ni. Irtharngamna ni kuang om sianlân, nang a san hrangtuhai kuanga khom om sianlân, Pathianin nang changpui ri se,” a tia. Davida’n a lei lômhaia, a sipai hruaitua a siahai ta.

2 THURCHI SUINA 20:17

Hi irdoinaa hin nin idoihai nang no ni, nin omna hranga khan lei inruanghai phot roi. Rengpa’n nangni inhnêtir a ti. Judai ram le Jerusalema mihaio, chi no roi, ngîkhai viat no roi, doi hrangin irthoksuak roi, Rengpa chu nangni tiang kop a ti,” a tia.

2 THURCHI SUINA 32:8

Ama chu mihriam hrâtnain a’rnghata, eini chu Rengpa, ei Pathianin ni san a ta, râl ni doipui a ti,” a tia. Mipuihai chu Juda rêng Hezekia thu sikin an irtha a’rngam pehai tâka.

INPÂKNA HLAHAI 144:11

Ki râl ata chu ni sansuakin lân; Ram dang mihai kut ata ni saninzôk ro, An bâi khan milak an hrila, An kut chang tiang chu kut chang tiang dik loi a ni.

INPÂKNA HLAHAI 144:8

An bâi khan milak an hrila, Khomâk irsâm pumin milak an tho ngai.

INPÂKNA HLAHAI 145:14

Rengpa khan an rîlhai murdi chu an tûk mai ngaia; Kûn riam riama omhai chu a kaithoi ngai.

INPÂKNA HLAHAI 147:12

O Jerusalem, Rengpa chu inpâk ro! O Zion, ni Pathian chu inpâk ro!

INPÂKNA HLAHAI 18:36

Ki hnuaia ki ke pêtna kha ni’rzattira, Khanchu ki kehai hi tung mah.

INPÂKNA HLAHAI 27:1

Rengpa chu ki vârna le ni saninhringtu a ni; tu mo ki ichi hrang? Rengpa chu ki hringna kulpui a ni; tu mo ki ichi hrang?

INPÂKNA HLAHAI 29:11

Rengpa khan a mihai kuang hrâtna pehai a ta, Rengpa khan a mihai kha irtharngamna’n satvurhai a ti.

INPÂKNA HLAHAI 33:12

Rengpa Pathiana nei namhai chu an vân a sa e; Ama irchon hranga a inthang mihai chu.

INPÂKNA HLAHAI 37:17

Mi sia bânhai chu khiakpaiin a iom hrang a ni: Mi fel chu Rengpa’n a chel chian ngai.

INPÂKNA HLAHAI 37:24

Tûk khomhai sianlân, tûk thengthai no nihai: Rengpa’n a kutin a chel mai sikin.

INPÂKNA HLAHAI 41:12

Kei chu lungrîl satak ki’rputnaa hin nangin ni ompui ni ta, A makunga khan kumkhua hrangin a ni siaa.

INPÂKNA HLAHAI 46:11

Sipaihai Rengpa chu ei kuang a oma; Jakoba Pathian chu ei kulpui irsâng a ni.

INPÂKNA HLAHAI 46:7

Sipaihai Rengpa chu ei kuang a oma; Jakoba Pathian chu ei kulpui irsâng a ni.

INPÂKNA HLAHAI 63:8

Ki hringna hin nang a zui ngita: Ni kut chang tiangin a ni kai ngai.

INPÂKNA HLAHAI 65:5

O a ni saninhringtu Pathian, Thil irkhêlhaiin fel takin ni sâm ni ta; Nang chu kôlkunga mi murdihai le, Tuikhanglian chung hlataka omhai iamna chu ni ni:

INPÂKNA HLAHAI 99:4

Inlaltak hrâtna khan roirêlna a’rngaiinhlua; Nang chu theibîknei loina nin det ngaia, Nang chu Jakoba-hai laia roi ni rêla, fel takin ni tho ngai.

FESUAKNA 14:13

Mosia khan mipuihai kuang khan, “Chi no unglân, lungthiriamin om roi, Rengpa saninhringna a vuan hin nangni a itho pe hrang hi a thîr vai tho roi, a vuana Aigupta mi nin ihmuhai hi, kumtuangin hmuhai nôk ta no chin ni.

FESUAKNA 20:20

Mosia khan, “Chi viat no roi, ama chitna lungrîl nin nei maia, sual sin ta loia nin omna hrangin nangni en irsin hrang vaia Pathian chu a izuang a ni,” tiin a sâma.

ISAIA 12:2

Pathian chu a ni saninhringtu a ni, Ama iam ki ta, chi ta no ning. Rengpa ki Pathian chu, a nin hrâttu, ki hla a ni. A ni saninhringtu a ni.

ISAIA 35:4

Lungrîl sôlhai chu, “Ei Pathianin phuba la a ti, Nin milung inngar unglân, chi viat no roi, nangni thuan a ta, nangni saninhring ngêt a ti,” ti roi.

ISAIA 37:6

Isaia’n an kuang khan, Rengpa’n hiang hin a ti: “Assuria rêng siahlohaiin an ni manêp dân hi chi no roh.

ISAIA 43:5

Chi no ro, nang ompui ki ti, Nisua tianga nir chi omhai hong hruaihai ki ta, Nitâk tianga omhai bukkhômhai ki ti.

ISAIA 44:2

Rengpa’n hiang hin a ti: Nangni siamtu ki nia, sul sûnga nangni inngîrtirtu ki ni, Ki siahlo Jakoba nang ki changpui maia, ki inthang sai, Jesurun chi no roh.

ISAIA 49:8

Rengpa’n hiang hin a ti: “A zorotaka nang don ki ti, a zorotaka nang sansuak ki ti, nang ki hrunga, nangma sikin nam danghai leh thu kin thunga, Ni ram indingtir nôkin, nin irchon ram chuai sai nin lua thei ving nôkna hrangin.

ISAIA 50:9

Rengpa ki Pathian hi a ni santu chu a ni, tu mo theiloi nin changtir thei hrang? Puan angin irthep an ta, irthiin fa zoi a ti.

ISAIA 52:7

Zion kuang, “Ni Pathianin roi a rêl ta,” a tia. Suaka zôkna thu lômom hmun tina inpuanga, irngeina Thurchi Sa intungtuhai ke chu en a hoi vang na!

ISAIA 60:19

Sûna misa chu ni vârna ni ta no nia, Zâna tha khom ni meiser ni no nia, Rengpa kha kumtuanga vâr nang ni pe ta a ti, Pathian roiinpuina khan nan vârtir pe ta a ti.

CHAP HLA 3:57

Ki hong khêk tak takin chu a ni zuang nâia, ‘Chi no ro,’ a ni tia.

DANIELA 10:12

Ki kuang khan, “Chi no ro Daniela, ni Pathian kuang ni’rngaiintôm hrang le inhrethei hranga nir pêk ni ata ni thuhai chu irngaitua a nia, ni thu sika zuang ki ni.

DANIELA 6:16

Khanchu rêng khan thu a pêkhaia, Daniela chu an hong hruaia, kâmkeibaknei khura an paia. Rêngin Daniela kuang, “Ni Pathian a sin ni itho pe maipu khan nang saninzôk a ti,” a tia.

HOSEA 1:9

Khan, Rengpa khan hiang hin a tia, “A’rhminga Lo-ammia phua ro: nangni hi ki mihai ni mak chêia, khan, kei nin Pathian ni no ning.

HAGAIA 1:13

Khanchu, mihai kuang Rengpa chongbe hmang khan Rengpa tîrtôn Hagaia khan an sîra, Nin kuang ki iom a nih, ti hi Rengpa thu suak a ni, tiin.

HAGAIA 2:5

Aigupta ram ata nin hong suak laia thu nangni ki inkungpui ang khan nin laia ki’rtha a la iom mai a ni, chi no roi.

ZAKARIA 10:12

Ki mihai chu hrât takin siamhai ki ta, ni biak an ta, Kei chu ni zôm an ti,” tiin Rengpa’n a hrila.

ZAKARIA 10:6

Juda mihai chu inhrâttirhai ki ta, Israel mihai chu saninzôkhai ki ti. An chunga lungkhamna nei ki ta, an rama hong hruai kîrhai nôk ving ki ti. Anni chu ki lei ihnôl tâkhai angin om no nihaia, Kei Rengpa an Pathian hin an chongchainahai chu zuang sâm ki ti.

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

LUKA 1:13

Khannisianlân, vântîrtônin chu, “Zakaria, chi no roh, ni chongchaina kha inhriat a ni, ni dôngma Elizabeti’n nâipasal nang nei pe a ti, ar hming Johana phua ni ti.

LUKA 1:30

Vântîrtôn khan, “Mari, chi no roh, Pathian ngaisakna ni dong kêng.

ROM KHUAA MIHAI KUANGA TÎRTÔN PAULA LEKHATHON 8:31

Kha thua khan imo ei insîr hrang tâk? Pathian chu eini tiang a changin chu tu’n mo ni doi thei hrang?

2 KORINTH 12:9

Khannisianlân, ama khan, “Ki lungkhamna hi kêng ni irhelpui tak, ni hrât loi zoro’n kêng ki sinthotheina a irkip ngai,” tiin a ni sâm. Khasikin ki chunga Krista sinthotheina ki chunga a om theina hrangin lôm takin ki hrât loinahai hi song ual ta ki ti.

EFESI 3:16

A’rtha zâra nin sûng tianga hringnun inhriatna hrangin a roiinpuina irkhêl tak ata sinthotheina nangni pe sianlân,

DÂN INHNINA 20:1

Irdoi hrang nin irthok suakin sakor tâli hai, sakor hai leh nangni nêka tam sipai nin hmu’n nin ichi hrang ni mah. Rengpa nin Pathian, Aigupta ram ata nangni hruaisuaktu kha nin kuang a om sikin.

FILIPI 4:13

A nin hrâttu sikin i khom tong hrangin hrâtna ki nei tâk a ni.

JOSUA 1:9

Hâitakin irnak la roh ki iti kha inhriat mai ro, chi no’n lân, rot no ro; kei Rengpa hin ni fena tina nang ki ompui mai a ni,” a tia.

ROIRÊLTUHAI 6:16

Rengpa’n, “Nang ompui mai ki ti, Midian mihai chu mi inkhat ang dôrin ol takin inhnê ni ti,” a tia.