ISAIA 41:1 - PATHIAN LEKHABU IRTHIANG C.L. Bible (BSI)

¹ Chômbunga omhai irngai roi, Nin mihai le’rsiam ri sehai, hong unglân hril sa roi, ni roirêl sai angin.

ISAIA 41:1 ပူးပေါင်းရင်းမြစ်များ

JOBA 38:3

Pasal hâitak angin ngîr indetin lân, thu nang ki irdon hi ni sâm roh.

INPÂKNA HLAHAI 46:10

Dâihrek unglân, Pathian ki nih ti hi inhre roi: Nam tin laia chôiindômin om ki ta, irnênga hin chôiindômin om ki ti.

ISAIA 1:18

Rengpa khan, “Thoi hong roi lei ngaitua irhlôm rei! Nin sualhai kha seninlâr angin om ta khomsian, ivur angin la vâr a ta; senduk angin sen ta khom sianlân, belra mul angin om ta a ti.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 34:1

Nam tinrênghai hong nâi unglân, irngai hrangin hong roi. Irnêng le a sûnga omhai hong unglân, nin rêngin irngai roi.

ISAIA 40:31

Rengpa nghâktuhai rêk chu, hrât inthar nôk an ta, Irmupui angin mitha leh vuang kâi an ta, Intân an ta, sôl no nihai, fe an ta, sôl inhre viat no nihai.

ISAIA 41:5

Chômbunghaiin ki sintho hmu an ta chi an ti, Kôlkunga omhai chu chi an ta inthing an ti. An irbuka, an hong irthok ta.

ISAIA 43:26

Ni doi hrangin hong unglân, nin thiam thu hong hril roi.

ISAIA 43:9

Nam tinrêng irbukhai sianlân, chi tinrêng hong ri sehai. An laia hi hih tu mo a hril, tianlai ata lei insîr ta sai, an hril indik inhriatpuitu hong hruaihai sian, mihai inhriatin “A dik,” hong ti ri se.

ISAIA 48:16

Hong nâi unglân, ama hi inhre roi, a phut ata a rûkin thu ki hrila, thil hong tung hranga hin om mai ki ti. Rengpa Pathianin a ni tîra, Irtha khom a ni ipêk a ni.

ISAIA 49:1

Chômbunghaio, ki thu hi irngai roi, ram hlataka omhai khom irngaitua roi. Sûnga ki om lai ata Rengpa’n a ni koia, Nu pum sûnga ki om lai ata ki’rhming a phuaa.

ISAIA 50:8

A ni changpuitu chu a hong nâia, Tu mo ni doi ngam hrang? thiamthu hril hong ngîr an ta, a ni doitu chu hong nâi ri se.

HABAKUKA 2:20

Rengpa chu a in irthianga khan a oma; Irnênga mi murdihai kha a makunga khan dâihrek ri sehai.

ZAKARIA 2:13

Mi murdihaio, Rengpa makunga khan dâichit roi: Ama kha a hmun irthiang ata a hong thoi tâka, tiin va hril ro, a tia.