ISAIA 40:31 - PATHIAN LEKHABU IRTHIANG C.L. Bible (BSI)

³¹ Rengpa nghâktuhai rêk chu, hrât inthar nôk an ta, Irmupui angin mitha leh vuang kâi an ta, Intân an ta, sôl no nihai, fe an ta, sôl inhre viat no nihai.

ISAIA 40:31 ပူးပေါင်းရင်းမြစ်များ

JOBA 17:9

Mi dikin chu a om dân intha ngai ma, kut fâihai chu an idet ual ual ngai a ni.

INPÂKNA HLAHAI 103:5

Ni bâi kha thil sa’n an khoptir ngaia; Khanchu ni thoibop kha irmupui anga siam tharin a om nôk ngai.

INPÂKNA HLAHAI 123:2

Irngai ta, siahlohai mitin an pu kut tiang an en ngai ang le, Siahlonu mitin a pi kut tiang a ien chian ngai angin, Keini mit khomin Rengpa kin Pathian tiang a ien chian a ni, Lung a nin kham mâka chu.

INPÂKNA HLAHAI 138:3

Nang kin sam ni kha nangma’n ni ni sâma; Nangma hrâtna’n ni nin hrâta.

INPÂKNA HLAHAI 20:9

Rengpa, saninhring roh: Ei koi zoro’n chu Inlaltakin ni sâm ri se.

INPÂKNA HLAHAI 25:21

Ki lungrîl satna le ki dikna’n ni saninzôk ri se. Nang ki inghâk mai a ni.

INPÂKNA HLAHAI 25:3

A ni, nangma nghâktu rêng rêng chu tûte mualinphoiin om no nihai: Asan om loia vârirlet taka thotuhai chu mualinphoiin om an ti.

INPÂKNA HLAHAI 25:5

Ni thutaka khan ni hruaiin lân, nir chutir roh, Nang chu a ni saninhringtu Pathian ni nia; Sûn sôt nang ki nghâk mai tâk hi.

INPÂKNA HLAHAI 37:34

Rengpa chu nghâkin lân, a lampui chu hro roh, Khanchu ram hi lua hrangin nang chôiindôm a ti: Mi siahai irhmangtira an om lai kha la hmu ni ti.

INPÂKNA HLAHAI 40:1

Rengpa chu ki nghâk zâm zâma; Khanchu a mikuar a zuang sunga, ki ikoi kha ar ngai ta.

INPÂKNA HLAHAI 84:7

Hrâtna ata hrât nôk ualnaa an fe ngaia, Zion-a Pathian makunga khan an inlang seng ngai.

INPÂKNA HLAHAI 84:8

O Rengpa, sipaihai Pathian, ki chongchaina hi nir ngaitua pe’n lân: O Jakoba-hai Pathian, ni mikuar lei do roh.

INPÂKNA HLAHAI 92:1

Rengpa kuang lômthu insîr le, O Anchungtak, nir hming inpâka zâi hi thil satak a nia:

INPÂKNA HLAHAI 92:13

Rengpa ina phunhai chu kin Pathian biak in hualsûng kholâia khan irsôn hlut hlut an ti.

FESUAKNA 19:4

Aigupta chunga ki sinthohai le irmupuiin a tê a mitha chunga a ichôi ngai ang khan nangni ki chôia, ki kuanga nangni ki hruai intung lam nin hmua.

THUVÂRHAI 30:19

Vânlaizôla irmupui lampui, lungpherpha chunga mirûl lampui, tuikhangliana irkuang lampui le pasal le nupang lungirthung lampuihai.

HLAHAI HLA 8:5

Ramchâr rengata lungdi irhnêlmata hong so tu mo a ini? Apple theikung hnuaia khan nang ki kai thoia, ni’rzirna hmun ngeia khan.

ISAIA 25:9

Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

ISAIA 30:15

Itinrêng Rengpa’n Israel mi irthiangin hiang hin a ti: “Hong kîr unglân, omchian ta roi, khanchu saninhring ni nin ti, chardong loiin iam unglân, kha kha nin hrâtna hrang a ni. Khannisian nuam mak chêia.

ISAIA 30:18

Rengpa inrenna’n nangni a la nghâka, a khonzâna’n nangni a la hrung lai hin, Rengpa’n diktakin roirêl a ti. Ama nghâktuhai chu hoi pehai a ti.

ISAIA 41:1

Chômbunga omhai irngai roi, Nin mihai le’rsiam ri sehai, hong unglân hril sa roi, ni roirêl sai angin.

ISAIA 64:4

Nangma nang innanghai ta hrangin mita hmu ngai loi le mikuara inhriat ngai loi, sintho ngaitu Pathian chu nangma vai ni nih.

ISAIA 8:17

Keima’n chu Rengpa hi ki nghâk maia, Jakoba irchihai laia a ni la irbîk pe viat a ni hi; keima’n chu ki sabeina hi ama vai hin ki’rnghat maia.

JEREMIA 48:15

Moab le a khopuihai chu insiatchit an ni tâka, an isong tak an ruathartehai khom thatin an om tâk. Keima hi Rengpa Itinrêngthothei ki nia, khasikin ki iti a ni.

ZAKARIA 10:12

Ki mihai chu hrât takin siamhai ki ta, ni biak an ta, Kei chu ni zôm an ti,” tiin Rengpa’n a hrila.

LUKA 18:1

Khan, beidong loia chongchai mai mai hrang a nizia chongirkhekin Jisua’n a hrila.

ROM KHUAA MIHAI KUANGA TÎRTÔN PAULA LEKHATHON 8:25

Ei ihmu loi kha ei sabeiin chu ei inghâk zâm zâm ngai a ni.

2 KORINTH 4:1

Pathianin a lungkhamna’n hi sin hi tho hrangin a ni pêka, khasikin kin zâmirzaltir ma ung.

2 KORINTH 4:16

Khasika khan kin zâmirzal viat ma ung. Kin taksa mihriam hi hong hmon tîr tîr khomsian, kin irtha mihriam chu a nitin siamintharin a iom mai a ni.

GALATIA 6:9

Thil sa tho hnông no idua, ei irtha ei inboi no’n chu a zoro taka ei la i-ât ngêt hrang a ni.

DÂN INHNINA 32:11

Irmupuiin a têhai vuang a irchuhai angin, A mitha pharhai chunga inrîm hrang ite boiin a siahai ngaia; khaangin, Rengpa’n Israelhai kha an tûkna hrang ata a hrunghai ngai.

DÂN INHNINA 33:25

Thîr le dârin an khua kha kal an ta, Dam takin lêng mai ri se,” a tia.

1 THESALONIKA 1:10

A Nâipa Jisua, mithi lai ata kaithoi, ningmurna zuang tung hrang ata ni sansuakpu kha, irvân ata zuang nghâka nin omhai an insîr sup sup a ni.

HEBRAI toc2 HEBRAI 12:1

Eini chu, a ni thîrhai mipui tamtak ihual vêlin ei om sika hin, ni khaphai le sual einia kop ngit hi pai ei ta, ei maton intân irsiatna oma hin irnak songin intân ei ti.

HEBRAI toc2 HEBRAI 12:3

Nin sôla nin irzal loina hrangin mi sualhai hnôlna irkhêltak tuangtu kha ngaitua roi.

JOSUA 14:11

Mosia’n a ni tîr lai ang tak khan a vuan sûn tena khom ki la hrât a ni. Irdoinaa khom fea, nuam nuama suak zêl theiin ki la ihrât a ni.

THUPHUANG 12:14

Khanchu, nupangnu kha dragon tôn phâk bana, kum thum le a chimrip sûng enkola a omna hrang ramchâr tiang a vuang theina hrangin irmupui lianpa mitha kianghniin an pêka.

THUPHUANG 2:3

Ni diar tak taka, ki’rhming sikin ni tuanga ni sabei dong mah.

THUPHUANG 4:7

Thilhring inkhatna chu kâmkeibaknei a anga, inhnina chu sehrâtchal a anga, an thumna chu mihriam hmêl a anga, a minlina chu irmupui vuang lai a anga.

ROIRÊLTUHAI 16:28

Khanchu, Samsona’n Rengpa a koia, “O Rengpa Pathian, nin hriat maiin lân, nin hrâttir ro ba; O Pathian, atûna vai hin ni hong inhrâttirin lân ki mitru inhni kêlsuakpaihai phuba Filistia mihai chunga hin hong la vak ki ti,” a tia.