ISAIA 40:26 - PATHIAN LEKHABU IRTHIANG C.L. Bible (BSI)

²⁶ Irvân tiang khin nin mit inlêngtir unglân, nin ihmuhai khi tu isiam mo an ini? Sipai rualhai anga hruaisuak ngaitu, ar hminga koi thei vingtu isiam ving an ni; thil a thothei hraia, ite irhmang ngai mah.

ISAIA 40:26 ပူးပေါင်းရင်းမြစ်များ

ISAIA 51:6

Irvân tiang nin mit inlêngtir unglân, Hnuai tiang irnêng hi en unglân, irvân khi meikhu angin irzâm zoi a ti, puan angin irnêng hi milui a ta, a sûnga omhai khom thoivâi angin, thi pher phurin om an ti. Ki saninhringna hi chu, kumtuanga hrang a ni, ki inhnêna khom hek thei no ni.

ISAIA 48:13

Irnêng irnghatna, ki kuta ki isiam a ni, Ki kut chang tiang irvân khi ki kaiphara, ki hong koia, an lei iom ngai a ni.

ISAIA 44:24

Sul ata nangni siamtu, nang a’rtantu Rengpa’n hiang hin a ti: “Itinrêng siamtu, keima hi Rengpa chu ki nia, ki binga irvân kaiphar theitu ki ni, irnêng ki siam lai khan tu moh om sa?

ISAIA 45:7

A vâr ki siama, inthim khom kin omtira, Sat ki vura, vânduainahai khom kin tungtir ngai. Hihai murdi hi keima Rengpa itho a ni.

ISAIA 42:5

Pathian, irvân siamtu le kaiinphartu hin, Irnêng le a sûnga om indingtirtu, hringna phûk le irtha pe theitu, Rengpa’n hiang hin a ti:

ISAIA 34:16

Rengpa lekha bu zongin lân tep ro, inkhat khom irhmang no ni, chanpui an inei ving hrang a ni. Rengpa’n thu a pêk tâka, a’rtha’n hruai khôm a ti.

INPÂKNA HLAHAI 19:1

Irvân khin Pathian roiinpuizia an langtira, Boiruak irzat tak khin a kut suak chu an langtir ngai.

DÂN INHNINA 4:19

Irvân tiang hong thîr nin ta, misa, tha, ârsihai le irvâna thil dang om tinrênghai khi chubai mûkin a sintho irzuk chin ni; a sân irdîn roi. Rengpa nin Pathian khan khihai khi nam dang biak hrang vaia a isia a ni.

INPÂKNA HLAHAI 102:25

Irnêng irnghatsan chu tianlaia ni phûm tâk a ni; Irvânhai khom ni kut suak a ni.

IRPHUTNA 1:16

Khan Pathianin vâr roiinpuitak inhni khi a siama, vâr roiinpui ual kha sûn roirêltu hrangin a tia, vâr roiinpui loi ual kha zân roirêltu hrangin; ârsihai khom khi a siam sa.

INPÂKNA HLAHAI 121:1

Tâng tianghai khin ki mit inlêngtir ki ta; “Kho tianga mi mo ni changpuitu hrang zuang tung hrang?” tiin.

ISAIA 48:12

O ki ikoi ngai Israel, O Jakoba ki thu hi irngai ro, kei hi a bul le a mongna ki ni.

ISAIA 66:2

Thil tinrêng hi keima kut ngêia ki isiam an nia, khanchu an hong oma, Rengpa thusuakin a ti. Ki ihmu nuamhai hi tuhai moh an ini? Lungrîla irngaiintôm le irsîra ki hê lâkhai hi kêng an ini.

IRPHUTNA 1:14

Khan Pathianin, “Sûn le zân irsentir hrangin irvân boiruak lian taka khan vârhai om sianlân; khahai kha irsinsiana hai, zoro hai, sûn hai le kumhai inhriatna hrang ni ri se,

INPÂKNA HLAHAI 66:3

Pathian kuang, “Ni sinthohai kha ar khêl bâka! Ni sinthotheina irkhêlzia sikin nang a doituhai chu ni kuang irpelût an ti.

INPÂKNA HLAHAI 119:91

Khahai kha nangma thupêkin atûn ten an om maia, Thil tinrêng chu ni suak an ni.

ISAIA 45:12

Keima hih ki ni, irnêng siamtu chu, A sûnga om mihriamhai hi ki isiam an ni. Keima kutin irvân khom khi ki kaiphara, Thil om murdihai khi, keima ircham taka om an ni.