ISAIA 40:22 - PATHIAN LEKHABU IRTHIANG C.L. Bible (BSI)

²² Hi hih chu kôlkil irhual sûnga om a ni. A sûnga omhai hi chu ama ta hrangin chu kutpâr sûnga om ang a ni. Puanzâr angin irvân khi an phara, omna hrang puan in a isung ang hin.

ISAIA 40:22 ပူးပေါင်းရင်းမြစ်များ

IRPHUTNA 1:6

Khan Pathianin, “Tui le tui kâra khan boiruak liantak om sianlân, kha khan tui le tuihai chu irsen ri se,” a tia.

JOBA 22:14

“A hmu thei loina hrangin sûm irsakhakin ar khûa, Vânlaizôla, an lênga,” ni tia.

JOBA 26:7

Hmun ôla khan hmâr thing an pârtira, Inzâng dapin irnêng chu an doma.

JOBA 36:29

Sûm irlôi dânhai khi mihriamin an hriat thei ngai mo? A’rbukna hmun ata khua a inritir dânhai hi?

JOBA 37:18

Ama chu irvân khi ni kaipharpui thei moa? Thîrtang anga ngar chu!

JOBA 9:8

A bingin irvân khom khi a kaiphar theia, tuipui irsok chunga kalchôi chu.

INPÂKNA HLAHAI 104:2

Nangma’n chu vâr kha puan angin nir bela; Irvânhai khi puan in chung angin ni kaiphara:

INPÂKNA HLAHAI 18:11

Inthim hi ama irbîkna hmunin, ama irthupna dângdi tîn a sina; Sûm irsa tak tuia sip khan a hual vêla.

INPÂKNA HLAHAI 19:4

An irkhîna hrui kha irnêng murdia irzâm suakin a oma; An thu kha kôlkung dên rakin an thang suak tâka. Khahaia khan misa hranga khin puan in a zâra,

INPÂKNA HLAHAI 2:4

Rengpa khan irvâna a rêngtoihmuna ata innui a ta; An chanlamboi ngaitua kha innuina’n hmang a ti.

INPÂKNA HLAHAI 29:10

Rengpa chu tuisânglian lai khan rêngin a toia, A ni, Rengpa chu kumkhontuanga hrangin Rêngin a itoi a ni.

INPÂKNA HLAHAI 68:33

Irvânhai irvân khorsiang ata omhai chunga chuanga khan; Irngai ta, ar hâi a suak e, irhâi irkhêl tak chu.

THUVÂRHAI 8:27

Irvânhai a siam laia khan ki om tâka, Tuipui chunga fe theina a siam laia khan.

ISAIA 19:1

Aigupta ram chungchâng thu: sûm irsâtak laia chuangin Rengpa chu Aigupta ram a pana. A makunga khan Aigupta rama millimhai inthing an ta, Aigupta mihai rot an ti.

ISAIA 37:16

“Itinrêng Rengpa, Israelhai Pathian, cherub chunga toi, nang vai hi Pathian chu ni nih, ram roirêltu ni nia, irnêng irvân khom hi nangma isiam a ni.

ISAIA 40:15

Rengpa hrangin chu nam murdihai hi, baltizera tui mal tâk angin, tuala kebop kop ang hi a ni; Tuikhanglian kôla phâihai khom lung anga omin hrûtpai thei an ni.

ISAIA 40:17

Nam murdi hi ama hrangin ite ni ual maka, Ite bêin bê no ni.

ISAIA 42:4

Rammuala hin roirêlna diktak a om mân hin, sôl no nia, a bei khom indongtir no ni. Ram ronghai hin a thu an inghâk mai a ni.

ISAIA 42:5

Pathian, irvân siamtu le kaiinphartu hin, Irnêng le a sûnga om indingtirtu, hringna phûk le irtha pe theitu, Rengpa’n hiang hin a ti:

ISAIA 44:24

Sul ata nangni siamtu, nang a’rtantu Rengpa’n hiang hin a ti: “Itinrêng siamtu, keima hi Rengpa chu ki nia, ki binga irvân kaiphar theitu ki ni, irnêng ki siam lai khan tu moh om sa?

ISAIA 51:13

Irvân kaiphar theia, irnêng irnghatna phûm theitu, nangni siamtu Pathian hi nin irnghil ma ni ta? Dengintheitirtu ningmurna le an siat tumtuhai chi di dîpa nin iom mai hi? An ningmurna chu tuang zoi no chin ni.

ISAIA 66:1

Rengpa’n hiang hin a ti: “Irvân ki rêngtoihmun a nia, irnêng hi ki ke irnghatna a ni; i anga in moh nin ni isin pe hrang, khôn mo ki iom hrang?

JEREMIA 10:12

Rengpa’n a sinthotheina’n irnêng a siama; a vârna’n rammual an dinga, irvân khom a ikai inphar a ni.

ZAKARIA 12:1

Hi hi Israel chungthua Rengpa rengata thu suak chu a ni, Rengpa irvânhai kaiinzara, irnêng inding suaka, mihriamhai kuanga hringna petu’n hiang hin a tia:

NAMBAR 13:33

Khan Anaka irchi mi hrâthai khom kin hong hmuhai sa. Keini chu khâitehai ang dôrin kêng kin irbe; anni khomin khâitehai ang dôrin kêng an ni ibe,” tiin an hrila.