ISAIA 40:15 - PATHIAN LEKHABU IRTHIANG C.L. Bible (BSI)

¹⁵ Rengpa hrangin chu nam murdihai hi, baltizera tui mal tâk angin, tuala kebop kop ang hi a ni; Tuikhanglian kôla phâihai khom lung anga omin hrûtpai thei an ni.

ISAIA 40:15 ပူးပေါင်းရင်းမြစ်များ

JEREMIA 10:10

Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

ISAIA 40:22

Hi hih chu kôlkil irhual sûnga om a ni. A sûnga omhai hi chu ama ta hrangin chu kutpâr sûnga om ang a ni. Puanzâr angin irvân khi an phara, omna hrang puan in a isung ang hin.

ISAIA 29:5

Ram doihai ngai, nam dang irrualhai chu, vâiphin indi angin indarh an ta, mi nunsiathai khom bu’rsi vuang angin irthekindarh an ti.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 59:18

An sintho ang takin thuanhai a ta, ama doituhai chu ningmurna’n thuanhai a ta, a râlhai chunga chu phuba la a ti, chômbung hmuna omhai khom thuanhai ving a ti.

ZEFANIA 2:11

An chunga khan Rengpa kha ichiom tak ni a ta; irnêng chunga pathianhai murdi kha a inboipai hrang a nia; kha khan mihriamhai khan ama kha biak ta an ta, mi tinin mâni hmun seng ata chubai mûk an ti.

DANIELA 11:18

Hi zoia hin chu ramchârna tiang irhei a ta, tamtak lâk a ta; khannisian hruaitu inkhatin insîrsiatna sapsuakna chu mong a ta, an sîrinsiatna chu ama chunga irlet a ti.

ISAIA 66:19

Annihai kha irsinsiana inentirhai ki ta, an laia senkhat chu hôihai ki ti, nam dang laia, Tarsis, Pul,. Luda haia tîrhai ki ta, thal kâp theihai chu Tubala, Javan-hai chômbung hlataka ki’rhming lan hre ngai loihai laia le ki roiinpuina la hmu loihai laia tîrhai ki ta, nam tinrêng laia ki roiinpuizia lan puang an ti.

ISAIA 41:5

Chômbunghaiin ki sintho hmu an ta chi an ti, Kôlkunga omhai chu chi an ta inthing an ti. An irbuka, an hong irthok ta.

IRPHUTNA 10:5

Annihai ata irthoka hin kêng, Jentail ramchârna hmuna an ram omna hrang hmun chita an indara; an chong hmang ang hrang le an nam om hrang ang chitin an om tâk.

INPÂKNA HLAHAI 62:9

Mi chîn tete hi ite ni mahai, mi lianhai khom hi milak chian an ni: Irtênaa khan indom pat an ta; Ite ni loi mai mai nêkin an izâng ual a ni.

ISAIA 2:22

A thi thei mihriamhai chunga irnghat no roi. Ite lua ni mahai.

ISAIA 17:13

Nam tinhai chu tui irhâi inring angin khêk an ti. Rengpa’n hâlhai a ta, irngam an ti, tânga bu’rsi phâivua’n a isêm inlênga nêngpila a isêm inthek ang hin.

DANIELA 4:35

Khan irnêng luatu murdihai hi ite bêa bê loi a ni. Irvân sipai rualhai laia chu ama thutak a nia, tûte’n ama kut chu irngamtir thei ni ma, nangin te itin mo ni ti? ti lua irdon ngam mahai.

INPÂKNA HLAHAI 62:10

Irsualnaa hin irnghat no’n lân; Inrûka hin sabeina se no roi. Irchongna a pung khomin kha khan irnghat sa no roi.

DANIELA 4:32

Mihriam lai ata inhnotsuak ni ni ta, ni omna hrang chu ramsahai laia nih a ti: sehrât angin hloisûl fa ta ni ta, ni chunga zoro sari hek a ti; anchungtak khan mihriamhai inlalna ram chunga thu a neia, a inuam takhai a pêk ngai a nih ti nin hriat mân chu” tiin.