ISAIA 4:2 - PATHIAN LEKHABU IRTHIANG C.L. Bible (BSI)

² Kha ni khan chu Rengpa ata a dôn thar hong suakhai chu intuai duamin om a ta, Israel rama la omhai ta hrangin satak le tuitakin la ra a ti.

ISAIA 4:2 ပူးပေါင်းရင်းမြစ်များ

INPÂKNA HLAHAI 67:6

Irnêng hin a thil inmong kha nang a pêka: Pathian, ei Pathian ngei khan, sat ni vur a ti.

INPÂKNA HLAHAI 72:16

Irnênga, tâng chunghaia hin, bu tamtak om a ta; A vûi chu Lebanon angin inhnîng siam siam a ta, Khuaa mihai chu irnêng hloisûl angin indôn nut nut an ti.

FESUAKNA 28:2

Ni upa Arona ta hrangin ochai tukfam songkol irfual mahripom tak siam pe roh.

ISAIA 11:4

Inrianghai chu diktakin rêl pehai a ta, a ram sûnga mi irngaiin tômtehai khom chôiirsânghai a ti. Ama thua om nuamhai chu irnêng hi vîkhaina a ta, mi sualhai chu sêm thathai a ti.

ISAIA 26:1

Kha zoiin chu hi hla hih Judai rama sak an ti: “Khopui iamom taka ei lênga, ei zôkna hrangin kul bang a ni siam pea.

ISAIA 27:6

Itika mani chu, Jakoba irchihai hin irzung la tha nôk ngêt an ti, Israel chu incherin hong pâr nôk a tih. Irnêng chung hi an ra la sip a ti.

ISAIA 30:23

Loia nin chimûhai chu rua inphâtir a ta, a ra satakin hong tam a ti.

ISAIA 45:8

Irvân irsâng ata zoina rua zuang tho sianlân, ra insua ri se. Keima Rengpa hin annihai kha intungtir ki ti.

ISAIA 53:2

A makunga zuang inchersuak a ta, Ramchâra chîmu irzung thâk angin, irsôn loiin, hmêl satna khom nei loiin. Ei ta hranga ennuam ual om thei no ni.

ISAIA 60:15

Nang en nuam loiin, nang an rotsana, Tûte’n nang pan nuam ta mahai. Keima hin kho hoitak nan changtir ki ti. Kumtuanga râifânna hmunin nang siam ki ti.

ISAIA 60:21

Ni mihai chu mi dik ni ving an ta, ram chu lua mai ta nin ti. Keima iphun ki kut suak a ni sikin, ki roiinpuina mi tin mithmua kin langtirna a ni.

ISAIA 61:11

Irnênga chîmu a hong ikêi ang hin, Irhuana thil phun a hong incher ngai ang hin Rengpa kin Pathianin inhnêna intungtir a ta, Nam tinrêngin inpâk an ti.

JEREMIA 23:5

Khan Rengpa’n, “Davida irchia mi fel, rêng chang hranga kin thang zoro a hong itung thiai a ni. Rengin vâr takin sintho a ta.

JEREMIA 33:15

Kha tena chu Davida irchi fel tak kha rêng hrangin inthang ki ta, kha rêng khan a ram pumpui huapin a dikna le felna chu insua a ti.

JEREMIA 44:14

Tukhom Juda mi a la dam sunhai Aigupta rama om hranga zuang chu, zôkin dam suak thei no nihai. Inkhat lua khomin om nôk hranga an inuam Judai rama khan kîr nôk thei no ni. Mi tômte irtansuakhai ti no chu tûte kîr no nihai,” a tia.

JEREMIA 44:28

Khan a tômte chu thina ata zôk nin ta, Aigupta rama irthokin Judai rama kîr nôk nin ti. Khanchu a la dam suakhai khan, ki chong mo a dik, anni chong mo a dik ti inhre thei ta an ti.

EZEKIELA 34:29

Ram satakhai pehai ki ta, kha ram ata kha châm khom inboipai ta ki ta, nam danghaiin hmusit ta no nihai.

EZEKIELA 36:8

Khannisian Israel tânghai chunga khan chu thingkunghaiin hna la nôk an ta, nangni ki mi Israelhai ta hranga hin ra insua nôk an ti. In tiang kîr nôk lat thei ta nin ti.

EZEKIELA 7:16

Khannisianlân, khataka hong suak theihai chu, tânga om an ta, an rênga sualna chunga irtha’nvâi takin sûn an ti.

JOELA 2:32

Khan, hiang hin ni a ta, tukhom Rengpa irhming irlam murdi chu saninzôk ni an ta: Rengpa’n a insîr angin intân suakhai kha Zion tânga le Jerusalem khuaa om an ta, a la om sunhai laia khan Rengpa’n a ikoihai chu om an ti.

JOELA 3:18

Kha nikhuaa khan hiang hin hong ni a ta, tâng irsânghai khan uain thum inzungtir a ta, tânghai kha irhnutuiin luang a ta, Judai ram vadungte murdihai kha tuiin luang a ta: Rengpa in ata tuihnâr zuang pût suak a ta, Sitim irhôr irziltir a ti.

OBADIA 1:17

Zion tânga rêk chu, irtansuakhai kha om an ta, irthiang a ti. Khan, Jakoba insûng mihai khan an irchon donghai kha chang an ti.

ZAKARIA 3:8

Atûn irngai ta, O Josua ochai inlaltak: Nang le ni rualhai ni makunga toihai leh irngai roi, thil sa hong tung lei entîrna an nia: irngai roi, ki siahlo incher irnôi kha ki hong insua hrang a ni.

ZAKARIA 6:12

Khan Sipaihai Rengpa’n hiang hin a hril tiin ama chu hril ro, ‘Khan ar hming ôn an iti kha, ama chu tuanintung takin la om a ta, Rengpa biakbuk chu lan ding thar nôk a ti.

ZAKARIA 9:17

Ram kha i dôr takin mo enhoiin sa ta ni! An bu chu ruathartehaiin raiinfân an ta, An uain tharin dôngmatehai chu an raiinfântir pehai a ti.

MALAKIA 3:17

Sipaihai Rengpa khan, “Anni kha ki tahai ni an ta, irchon irkhêl bîk tak ki siamna nia chu; khan mi’n a nâipa ama sinthotu kha a isiam angin anni kha siam ki ti,

MATHAIA 24:22

Khannisianlân, Pathianin kha sûnhai kha an bong ta ni no len vâng sian chu tûte hringin suak no nihai. A mi inthanghai sikin Pathianin kha sûnhai kha inbong a ti.

LUKA 21:36

Kha thil zuang tung hranghai tuang suaka, Mihriam Nâipa makunga nin ngîr theina hrangin itiklai khomin irngaitua’n chongchai roi,” a tia.

JOHANA 1:14

Khan, Thu chu mihriam a zuang changa, ei laia a zuang om tâka. A roiinpuizia ei hmu, Pa nâi khât neisun roiinpuina chu, lungkham le thu takin a sip.

2 KORINTH 4:6

“Inthima irthokin vâr hong vâr suak a ti,” tihtu Pathian ngêt khan a ni, Krista hmêla Pathian roiinpuina vâr suak kin inhriatna hrangin kin lungrîl a ivâr tâk a ni.

2 PETERA toc2 2 PETERA 1:16

Ei Rengpa Jisua Krista, sinthotheina le, a izuang nôkna thu nangni kin ihril lai khan thonthu phuachôp mai mai nangni hril ni ma ung, a roiinpuina chu mit ngeia hmutuhai kin ni.