ISAIA 37:4 - PATHIAN LEKHABU IRTHIANG C.L. Bible (BSI)

⁴ Pathian hring hrilinsiat hranga Assuria mi tîr Rab-sakea thuhril kha Rengpa ni Pathianin a len hriatsuak ta. Rengpa ni Pathianin an sîrtuhai kha soisak sian chu. Kin mihriam a dama la omhai hrangin chongchai ro, nang a ti,” an va tia.

ISAIA 37:4 ပူးပေါင်းရင်းမြစ်များ

2 SAMUELA 16:12

Rengpa’n ki dengtheizia hi zuang hmu a ta, Rengpa’n a vuana khomâk a ni isâm hi a sa lam pangin a ni thuan duai khom a ni thei,” a tia.

2 RÊNGHAI 17:18

Israel mihai chunga Rengpa ninginmur, a hmu loina hmuna a’rzûlhaia, Judahai vai an iom tâk a ni.

2 RÊNGHAI 19:4

Pathian hring êsêl hranga Assuria rêng itîr, Rab-sakea ihril ang kha, Rengpa ni Pathianin nang len hre suak a ti; Rengpa ni Pathianin inhriatin deng nan theitir khomsian, kin mihriam a la damhai ta hrangin, nangma’n chongchai ro,” an va tia.

2 THURCHI SUINA 28:19

Juda rêng Ahaza chu a mihai satna hrang ngaitua viat loiin, Rengpa chu ite bêa bê loiin Judahai an doktirhai a ni.

2 THURCHI SUINA 34:21

Hi dân bu chungchâng thua ki isanhai, Israel le Judai rama la dam sunhai hrangin, Rengpa kha ni var don pe hi roi, kin irchibulhaiin Rengpa thu zôm nuam mahaia. Hi lekhabua tho hranga a itihai hi an tho no sikin, kin chunga Rengpa ning a inmur a ni, tiin a tîra.

INPÂKNA HLAHAI 106:23

Khasikin, inboitirna ti, tia ninginmur inkîrtir hrangin, A mi inthang Mosia chu a lûtna hranga khan a makunga ngîr hong sianlân chu, Inboipai a tih ti an sîra.

INPÂKNA HLAHAI 50:21

Khaang thil kha ni thoa, Khannisianlân ki dâihreka; Khanchu nangma ang chianin ni ni bê ngai: khannisianlân nang halirchu ki ta, ni mithmua a dônte’n inlangtir ki ti.

ISAIA 1:8

Jerusalem khua vai a la zôka, an irhual hrai sikin, kul nei loia, grep irhuan a irpuk angin, fanghma irhuana a’rzâmtirna ang ma maiin.

ISAIA 1:9

Itinrêng Rengpa’n a dam sun tômte hi chu nihai no sianlân, Sodom khua ang khan irhmang zoi ei ti, Gomora khua angin om ei ti.

ISAIA 10:20

Kha ni tena Israel la dam sunhai le Jakoba irchi a thi zoi loi la omhaiin, anni soisaktuhai iam ngam zoi ta no nihaia, Rengpa Israel mi irthiang chu iam mai thei ta an ti.

ISAIA 10:22

Israel mihai chu tuikhanglian kôla chiai nêkin tam khomhai sian, tômte hong kîr an ti. Irhmang hranga inkung an nia, an irhoipui.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 36:13

Rab-sakea chu a ngîra Juda chongin inring takin a khêka, “Reng roiinpui Assuria rêng thu hi irngai roi.

ISAIA 36:18

Rengpa’n ni san a ta tiin Hezekia hin nangni huang no ri se. Nam danghai hi enhai roi; an pathianhai hin Assuria kuang ata hi an san theihai mo?

ISAIA 36:20

Anni pathianhai khan hi ramhai hih an san thei no’n teh Rengpa nin itih khom hin Jerusalem khua hi inzôk thei ni mo?” tiin a tia.

ISAIA 37:17

O Rengpa ni mikuar lei sungin lân, irngai ro: Rengpa mengin lân, en ro; Pathian hring sôt hrang soh Senakeriba’n thu a hong ihrilhai hi irngaitua roh.

ISAIA 37:31

Judai rama mi la damhai chu theikung irzung inthûk tak nei, ra tamtak ang hin la om an ti.

ISAIA 37:32

Jerusalem ata khom la dam suak hrang an oma, Zion tânga a thi zoi loi la om ngêt an ti. Itinrêng Rengpa satirngaina khan hloinchuktir a ti.

ISAIA 37:5

Reng Hezekia mi tîrhai chu Isaia kuanga an va tunga,

ISAIA 41:14

Israel mi, O Jakoba mi chînte ni khomin lân, “Chi no ro, nang san ki ti,” Rengpa thusuakin a ti. Israel mi irthianghai, irtan hrangtu ki ni.

ISAIA 46:3

Jakoba le Israel in mi la dam murdihaio, Ki thu hi irngai roi, nin suak ata nangni ki ipuak inlian nin ni.

JEREMIA 26:19

Khan rêng Hezekia le Judai ram mipuihai khan Mika kha that mahaia, Rengpa kha Hezekia a tih sikin, a nuam lam tho hrangin irnak a isong a ni. An chunga vânduaina irkhêl tak tung hranga lunginchong kha Rengpa’n a ithûlpai a ni. Atûn hin eini khomin ei chunga hin vânduaina ichiom tak ei intungtir hrang a ni ta,” an tia.

JEREMIA 42:2

“Rengpa ni Pathian kuang, keini ta hrang le hitaka hôia la omhai ta hrangin ni chongchai pe sa roh. Zoro lei fe tâka khan chu tamtak kin ni ngaia, khan atûn hin chu ni ihmu anga hin mi tômte vai imâkin kin iom a ni.

DANIELA 2:18

Babulon mi vâr danghai laia Daniela le a rualhai an irhmang loina hrangin hi thu’rthup chungchânga hin irvân Pathian kuang lungkhamna an zonga.

JOELA 2:17

Ochai, Rengpa sinthotuhai kha, bokrop le maichâm kâra khan chaphai sianlân; “O Rengpa, ni mihai hôiin lân, nir chonhai hi hrilsiata oma namhaiin an chunga roirêl pehai hrangin pe no roh: ‘An pathian kha khôn mo a om tâk’, tiin mipuihai laia khan ithoa mo an iti hrang?” ti ri se.

AMOSA 5:15

Sualna kha khôkmâk unglân, satna irngaiinhlu unglân, mikota roirêlna kha inding indet roi: Josefa-hai mi la omsunhai chunga khan Rengpa, sipaihai Pathian khan lungkhamna a inei loi ma ni.

AMOSA 7:2

Khan, kha rama sûlhna an fâk zit hnungin, “O Rengpa Pathian, ngaidam ro, hi nang ki ngên; Jakoba chu itin mo a ingîr thei hrang, ama kha a chîna?” ki tia.

ROM KHUAA MIHAI KUANGA TÎRTÔN PAULA LEKHATHON 9:27

Isaia khom khan Israel mihai thu khêkpuiin, “Israel mihai chu tuikhanglian chiai dôrin tam khomhai sianlân, a ihrem ban tômte vai saninhring ni an ti.

JAKOBA toc2 JAKOBA 5:16

Khanchu, nin sualhai thupha chôi irhlôm unglân chongchai irhlôm roi; khanchu indamin om nin ti. Sathnem irngai taka mi dik chongchaina khan thil roiinpuitak a tho thei a ni.

JOSUA 14:12

Khasikin, kei le ki ifepuihai leh ile chong kin hong intung laia Rengpa iti, hi tâng ram hi ni pe ro ba, Anak mi, milianhai chu kul lianpa pa sûnga an om tiin nangni kin hong inhril kha; Rengpa’n ni ompui mai a ta, Rengpa thupêk angin kin hnotsuak zit thei itinin,” a tia.

1 SAMUELA 12:19

Khanchu mipui murdi’n Samuela kuang khan, “Kin thi loina hrangin Rengpa ni Pathian kuang ni sinthotuhai ta hrang hin ni chongchai pe ro, hi thil saloi tak, rêng kin lei izong hi, kin sinsual danghai nêka kin insualna tak chu a ni,” an tia.

1 SAMUELA 12:23

Kha vai kha ni loiin nin ta hranga chongchai hi mongin, Rengpa chunga hin insual ual no ning, hi nêka lampui sa dik nangni irhmu ual ki ti.

1 SAMUELA 14:6

Jonathana khan a râltukfam chôitu ruathartepa kuang khan, “Tho sertan loi Filistia sipaihai omna son la va fe rei. Rengpa’n a ni san duai khom a ni thei; a ni sanin chu ei tôm khoma ei tam khoma a saninzôka om Rengpa ta hrangin ite tho thei loi om ma,” a tia.

1 SAMUELA 17:26

Khanchu Davida khan a kôla ngîrhai kha ar donhaia, “Hi Filistia mi hi that theia, Israelhai irhming siatna inboitirtu kha imo an ipêk hrang? Hi sertan loi Filistia mi hi tu ngân mo a ini, Pathian hring sipaihai a isarai ngân hi?,” a tia.

1 SAMUELA 17:36

Kâmkeibaknei le savom ki thathai suam thei ngaia, kha sertan loi Filistia mi, Pathian hring sipaihai hong saraitu kha lo pol chit ki ti.

1 SAMUELA 7:8

Khanchu Israel mihai khan Samuela kuang, “Filistia mihai kut ata nin zôk hranga Rengpa ei Pathian ni izong kha mong viat no roi,” an tia.