ISAIA 32:3 - PATHIAN LEKHABU IRTHIANG C.L. Bible (BSI)

³ Ngûk takin thil thîr an ta, ngûk takin an mikuar sung an ti.

ISAIA 32:3 ပူးပေါင်းရင်းမြစ်များ

ISAIA 29:18

Kha ni tena chu kuarsêthaiin lekha an itep irhâi inhria an ta, a zîng laia om mitchohai chu, an mit meng an ta, hmu thei an ti.

ISAIA 29:24

Irtha tiang irhmanghaiin inhre thei an ta, a chiar nuamhai khomin ar chu nuam ta an ti.

ISAIA 30:26

A mihai sâbe tuam pehai a ta, an popnahai a dam zoi tena chu, tha khi misa nêkin vâr a ta, misa khom vâr irkhêlin hapta khat vâr irthûl sûn khatin vâr hrât a ti.

ISAIA 42:16

Mitchohai chu inhre ngai loi lampuia hruaihai ki ta, an fe loina hmuna fepuihai ki ti. Inthim chu sensâi ki ta, lampui irrual loihai irrualtir ki ta, annihai kha ki itho hranghai chu a ni, insel viat no ning.

ISAIA 54:13

Ni nâihai murdi Rengpa’n irchutirhai a ta, râl irvei loiin om mai ta an ti.

JEREMIA 31:34

Rengpa chu inhre mai roi, ti’n tûte’n an rualhai le an urênghai irchutir no nihai. A chîn ata a lian dênin nin hre mai an tah ti hi Rengpa thu suak a ni. Khanchu an sin insiatnahai ngaidam ki ta, an sualnahai inhre ta no ning,” a tia.

MATHAIA 13:11

Jisua’n an kuang, “Irvân Ram thurîl inhriat theina nin kuang pêk a ni a, mi danghai kuang chu pêk ni ma,

MARKA 7:37

An hriat murdi’n ar khêl an ti tak taka, “A isin tinrêng hi ar khêl a ni! kuarsêthai khom an vâr pehaia, chong theiloihai khom a inchongtir thei hi!” an tia.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

2 KORINTH 4:6

“Inthima irthokin vâr hong vâr suak a ti,” tihtu Pathian ngêt khan a ni, Krista hmêla Pathian roiinpuina vâr suak kin inhriatna hrangin kin lungrîl a ivâr tâk a ni.