ISAIA 32:14 - PATHIAN LEKHABU IRTHIANG C.L. Bible (BSI)

¹⁴ Reng in an inronga, khua inlaltak chu a ram zoi ta. A mualhai le a irhrungna ngai in irsânghai chu rama sakuartunghai lêngna a chang zoi ta sikin ramsâ lêng ta an ti.

ISAIA 32:14 ပူးပေါင်းရင်းမြစ်များ

ISAIA 27:10

Khopui kul neihai chu a chim zoi ta, kho ram a ni tâka, ramchâr hmun a chang ta. Khatak khan sâhai an lênga, an riakbuk, an lêngna a chang zoi ta.

ISAIA 25:2

Khopuihai chu nin siattir theia, A kulhai khom nin chimtira, Nam dang khopuihai ram zoiin, siam insa ni ta no ni.

ISAIA 24:12

An khopuihai a siat zoi tâka, kul mikothai khom an suk siat zoi ta.

ISAIA 24:10

Khopuihai khom a siatin a ngûi zoi ta, an inhai an kala, lût thei ni ta mah.

LUKA 21:24

Khandaiin thi an ta, nam tin kuang suaka hruai indarin om an ta, khan, Jentailhai zoro a mong mâka chu Jerusalem hi Jentailhai isirbe ni a ti.

LUKA 21:20

“Khan, sipaihaiin Jerusalem an irhual nin hmu tika chu a siat hrang anai tah ti inhre roi.

ISAIA 6:11

Keima’n chu “Rengpa i dôr ten mo khaang khan an iom hrang?” ki tia. Ama’n chu, “Khopuihai chu a luatu om loiin a ram zoia, inhai khom an lumtu om loiin a ram zoi mâka chu!

ISAIA 5:9

Itinrêng Rengpa’n ki mikuar inhriata hin, “Hi in lian le satak takhai hi, ram zoi a ta, a lua hrang mi om no nihai.

INPÂKNA HLAHAI 104:11

Khahai khan ramsa tinrênghai in hrang an pêk ngai; Ram sakuartunghai khan an tui inhrâl an inchantir ngai.

2 RÊNGHAI 25:9

Tempil chu a hâla, rêng inhai le Jerusalema mi lianhai in khom a hâl pehaia.

ISAIA 7:23

Kha nikhua a hong tungin chu tangka varh sângkhat man, grep kung sângkhat omna murdihai khom hloitharpa le hloi ilhlingneiin inbôk khum a ti.

ISAIA 22:2

Khopui lu chung a rika, an khêkin an chiar lul ta, nin mithihai khom khandaia that chu ni mahaia, irkâpnaa thi khom ni mahaia.

JEREMIA 6:5

Zâna doi ei ta; khopui kulhai insiatchit ei ti,” ti sa an ti.

JEREMIA 14:6

Tâng chârna rama sakuartunghai an ngîra, Sihal angin an inrunga; sûlhring fa hrang an hmu ta no sikin, an mit a inthim zoi a ni ta.

JEREMIA 33:4

Keima, Rengpa Israelhai Pathianin ki iti a ni, Jerusalema inhai le Juda rêng inhai chu isetpai ni a ti. Fesuaka Babulon-haiin khopui irkulna hranga irnêng an ibuk va sia kha chu itea hmangna boi a ni. Kha sin khan ki ningmura ki ithathai hrang rêng ruakhai vai kha khopui a isip hrang a ni. Hi khopui hi a sûnga mihai sual sinthohai sika khan hnung ki isongsan a ni tâka.

JEREMIA 52:27

Hamath ram hual sûnga om Ribla khuaa khan a fepuia, kha khan rêngin anni chu dûk a thoa, a that tâka. Khaangin Juda mihai chu sala intâng hranga hruaiin an om tâka.

HOSEA 2:3

khano’nchu, bomboiin inomtir ki ta, A suak nikhuaa a om ang khan inomtir ki ta, Ramchâr angin siam ki ta, ramchâr khohroi angin inomtir ki ta, tui inhrâlin that ki ti.

ZEFANIA 2:7

Khanchu, tuipui kam kha Juda sûnghaia la omsunhai ta hrang ni a ta; kha khan an belra rualhai kha tâk an ta, khohloi tiang chu Askelon khua inhaia riak an ti; Rengpa an Pathian khan hong hro a ta, An sal intângna kha irletpai a ti.

ZEFANIA 2:15

Hi hi khopui raifân thei tak, mâni ir-iam zoi thei tak, a lungrîla keima hi ki ni, ki chunga tûte om mahai, irti lungrîl kha a ni: Sahai riakna hmun hrangin, a ramin a’rkhêl bâk tâka na! A hong khêl murdi’n an dang inchek khum an ta, an kut irlek khum an ti.

2 THURCHI SUINA 33:14

Kha zoiin chu Davida khopui nisua tianga kul bang pên tiang khan Manasea’n in a zom irsânga, Gihon tui omna irhôr hmâr tianga Nga mikot kôla ‘Ofel’ an itihna dênin a sina. Judai rama kul nei khua tina sipai pâl khat, hruaitu inkhatin a siahaia.

NEHEMIA 3:26

Nethinim haiin nisua tianga tui mikot irdîn dênin in irsâng irlôina dênin an siam insa nôka.

ISAIA 3:26

Kho sûnga hruaituhai khom chap khêka inrûmin om an ta, kho sûnga mihai khom korongin toi ta an ti.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.