ISAIA 32:11 - PATHIAN LEKHABU IRTHIANG C.L. Bible (BSI)

¹¹ Nuama lômhaio, chi ta roi, lungirngam taka zâlhaio, inthing ta nin ti, irkhek unglân korongin om roi, nin konga khan bora puan bom roi.

ISAIA 32:11 ပူးပေါင်းရင်းမြစ်များ

ISAIA 3:24

Mirimhoi irthûlin mirimsia, kongkhit irthûlin hruihrual, sam tam irthûlin sam kol, tukrivo sa irthûlin bora puan, hmêlsa irthûlin hmêlsia an dongtum ni a ti.

JAKOBA toc2 JAKOBA 5:5

Irnênga hin hoi tak le nuamningin nin oma, that hrang nikhuaa hrangin nin lei irvâi inmar chian nin ni.

HOSEA 2:3

khano’nchu, bomboiin inomtir ki ta, A suak nikhuaa a om ang khan inomtir ki ta, Ramchâr angin siam ki ta, ramchâr khohroi angin inomtir ki ta, tui inhrâlin that ki ti.

JEREMIA 49:3

Hesbon mihaio, khêk suak roi! Ai khua chu a siatchit ta! Reba nupanghaio, chap hrangin irsiam ta roi. Bora puan sil unglân, chap ta roi. Lungzîngin chai sup ta roi. Nin pathian Milkoma chu a ochaihai le hruaituhai leh khan sala intâng hrangin an ihruaihai hrang a ni.

JEREMIA 6:26

Rengpa’n a mihai kuang, “Bora puan sil unglân, irvut kâra inhlum roi. Nâipasal nei sûn ang takin mitrithi sômin chap roi, nangni doi hranga hong khan nangni an siat zêl hrang tâk sikin.

JEREMIA 4:8

Khasikin bora puan sil unglân, chapin inrung ta roi, Rengpa ningmur ichiom tak khan; Judai ram chu hnung a la isongsan loi a ni sikin.

ISAIA 33:14

Zion-a om mi sualhaiin an chia, sakhua ngaipoimo loihai chu inthing an ti. “Ei laia tuhai hin mo a ningmurna mei tuang thei hrang? Kumtuanga chok mai hrang hih tu mo tuang zoi hrang?” ti an ti.

ISAIA 20:4

Hiang hin Assuria rêngin Aigupta mi an ichelhai le Ethiopia mi sala hranga an ihruaihai, nâipang khom ulian khom, koronga kekok lua bun loiin an pin irlangin sehai a ti. Aigupta ram chu mualinphoi ok hrang a ni.

ISAIA 15:3

Kholâi dunghaia bora puan silin in sûnga le kholâi dunghaia khom milung hoiloi takin an chapa.

ISAIA 2:21

Irnêng nok inhnîng hranga a zuang tena chu, Rengpa inzakna roiinpui le ichiomna khêl hrangin rôl le lung ir-ônga irbi zoi an ti.

ISAIA 2:19

Irnêng nok inhnîng hranga a zuang tena chu, Rengpa inzak omna roiinpui le chiomna khêl hrangin, rôl ir-ônghaia lût an ta, khurpadopa irbi zoi an ti.

DÂN INHNINA 28:48

Phîngchâm le tuiinhrâlin, korongboi le itinrêng irsamin Rengpa itîr, nin râlhai sin tho nin ta, nin sôlneng hnungin nin ringa thîr ringkol nangni inkoltir an ti.

INPÂKNA HLAHAI 123:4

Mi hoihôkhai êsêlna le lârirpâkhai hmusitna’n Kin hringna hi a sip hrai ta.

ISAIA 22:12

Kha ni khan chu, Rengpa itinrêng Rengpa chapa khêk hrang le lu ep inkola, bora puan sil hranga titu khan;

ISAIA 47:8

Nuamninga om nuam ngainu; irngaitua ro, Lungirngam takin ni om ngaia, “Keima ti no hi tu dang moh a la om? ni ti ngaia. Meithâi ni no ning, lusûn tuang viat no ning,” ni ti ngaia.

AMOSA 4:12

Khasikin, o Israel, ni chunga hiang hin ki tho hrang sikin, o Israel ni Pathian irtongpui hrangin irsiam roh.

ZEFANIA 2:15

Hi hi khopui raifân thei tak, mâni ir-iam zoi thei tak, a lungrîla keima hi ki ni, ki chunga tûte om mahai, irti lungrîl kha a ni: Sahai riakna hmun hrangin, a ramin a’rkhêl bâk tâka na! A hong khêl murdi’n an dang inchek khum an ta, an kut irlek khum an ti.

FESUAKNA 33:4

Mipuihaiin kha thu kha an inhriatin chu an irpei a tema, tûte an irchon sa leh irvo nuam ta mahai.

JOELA 1:8

Dôngmate’n, bora puan boma, a sat lai pasal a isûn angin chap rak rak roi.