ISAIA 31:2 - PATHIAN LEKHABU IRTHIANG C.L. Bible (BSI)

² Ama’n chu a tho dân an hriata, thil saloi khom a tho dân an hriata, a thu sût ual no ni. Thil sual thohai chunga an kut insum an ta, anni santuhai laia khom an kut insum sa an ti.

ISAIA 31:2 ပူးပေါင်းရင်းမြစ်များ

JOBA 12:13

Pathian chu a vârin a hrâta, irfûktir dân a theia, itinrêng an hriat ngai.

JOBA 12:16

Amaa khan hrâtna le vârna irkip chu a oma, Ihuanga om le a huangtu khom ama ta a ni.

JOBA 5:13

Mi vârhai chu an vârna khan irkhit an ti, mi vârillethai thil ngaituana khan ite changpui ngai mahai.

ISAIA 1:4

O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

ISAIA 14:20

Ni ram nin siattira, nikhua le tui ni thathai sikin anni laia phûmin om no chi ni. Thil saloi thotuhai irhming chu kumtuangin sâm ni no ni.

ISAIA 21:17

Kedara mi huaisen thalkâp mihai chu, tômte vai a thi zoi loi om an ti,” Rengpa, Israelhai Pathianin a ti.

ISAIA 22:14

Itinrêng Rengpa’n ki kuang a ihril, “An dam sûng chu, hi thil sual thôna sika hin ngaidamhai no ning, kei Rengpa itinrêng Rengpa’n ki ihril tâk hi chu,” tiin.

ISAIA 28:21

Perazim tâng chunga le Gibeon phâi ram a isiat ang khan, a thil tho hrang irkhêl ta tak le a itho hrang irkhêl ta takhai chu Rengpa’n zuang tho a ti.

ISAIA 28:29

Hianga vârnahai hi Itinrêng Rengpa ipêk an ni. Pathian thil rêl hi chu a vârin a ifel a ni, hlo khom a ichuk ngêt ngai a ni.

ISAIA 30:3

Khasikin, Faroa hrâtna chu nin mualinphoina ni ta a ta, Aigupta raifân nin itûng hih nin inzakna ni ta a ti.

ISAIA 30:7

Aigupta chu ite ni ual maka, changpui thei ite nei no ni, khasikin, “Rûlpui omchian,” nang ki iti a ni.

ISAIA 31:3

Aigupta mihai hi chu mihriam pai pai an ni, Pathian ni mahai. An sakorhai khom hi sâ mai mai an ni, irtha ni mahai, Rengpa’n a kut an sumin chu changpuitu nei no nihai, an ichangpui khom irtet sa ta a ti. An ruaiin irtet that an ti.

ISAIA 32:6

Mi sualin chu thu siat a ngaituaa, thil saloi tho hrang ar ngaitua ngai. A sintho le a bâi suak chu Rengpa êsêl lam a ni; phîngchâmhai fâk hrang a lâkpaia, tuiinhrâlhai in hrang a bunpai ngai.

ISAIA 45:7

A vâr ki siama, inthim khom kin omtira, Sat ki vura, vânduainahai khom kin tungtir ngai. Hihai murdi hi keima Rengpa itho a ni.

ISAIA 9:17

Pathian inhre loiin, thil sual an thoa, an thu phorsuakhai lak, a nikhua ni pehai maka; khasikin an ruathartehai khom a ihôihai loi, farahai le meithâihai khom inrenhai loiin, kha dôra ni khomin Rengpa ningmur chum maka, a kut a la inlek mai a ni.

JEREMIA 10:12

Rengpa’n a sinthotheina’n irnêng a siama; a vârna’n rammual an dinga, irvân khom a ikai inphar a ni.

JEREMIA 10:7

Nam tinhai rêng chu tu’n mo nang chôiirsâng loi hrang? Chôiirsângna hmu inruk ni ni. Nam tina mi vârhai laia le rênghai laia khan nangma ang zel hi om mahai.

JEREMIA 36:32

Khanchu lekhabu inzuat dang ki lâk nôka, ki ziaktu Baruka chu ki pêka, ki iti pe kai a lei irziaka. Lekhabu inzuat matona chuang murdi ki lei isâm pe tâk le chongbe ir-anghai a’rziak tâka.

EZEKIELA 29:6

Khanchu, Aigupta rama mi murdihaiin Rengpa chu ki nih ti inhre ta an ti,” a tia. Khan Rengpa’n, “Israel mihaiin Aigupta mihai chu an irhnêlhaia, khannisian nangma chu khianghrol irnêm tak ang kha ni nih.

AMOSA 3:6

Khopuia mi chi loi hrangin bekul an tum thei ma ni? Rengpa itho ni no’n chu khopuia khan siatna a iom thei ma ni?

ZEFANIA 3:8

Khasikin râllâk la hranga ki thoi ni dênin ni nghâk roi, ti hi Rengpa thu suak a ni. Ki thil tum kha an chunga ki ninginmurna ichiom tak kha insum hranga inlalna ramhai irbuktira namhai koi buk hi a nia; irnêng murdi hi ki khôkmâkna meia a la ikâng fâi zit hrang a ni.

ZAKARIA 1:6

Ki thu le ki thu’nkunghai, ki siahlo deipuhai kuang, ki pêkhaia khan, nin pahai kha a innang tak khom a ini mo ni ma? khanchu, an hong irheia, sipaihai Rengpa khan kin chungchânga ti a tum ngai angin kin om dân ang zêl le kin thiltho ang zêlin keinia a ti tâk a ni, an ti kha, tiin.

NAMBAR 10:35

Khan Thuthung Bôm kha a suak hrang rikipa, Mosia’n, “O Rengpa thoiin lân, ni râlhai chu inhnotin lân, nang a hmumâktuhai chu ni makung ata rot ri sehai,” a ti ngaia.

NAMBAR 23:19

Pathian chu mihriam minlak ang hi ni maka, Ama chu mihriam milung irletkochok ngai ang hi ni ma; chong a inkung tâk chu a tho ngêt ngai. Thu a hrila, a’rzoi zel ngai.

MATHAIA 24:35

Irnêng le irvân boi a ta, ki thu chu boi no ni.

ROM KHUAA MIHAI KUANGA TÎRTÔN PAULA LEKHATHON 16:27

Pathian omsun, vâr tak, Jisua Krista sikin kumtuangin roiinpuina om ri se. Amen.

JOSUA 23:15

Rengpa nin Pathianin thil sa pêk hranga a inkung chu a tho ngai angin thil saloi a inkunga khom a tho ngai.

JUDA 1:25

Pathian omsun, a ni saninhringtu kuang khan, ei Rengpa Jisua Krista zâra, roiinpuina hai, inlalna hai, sinthotheina hai, irchamneina hai zoro theng tâk murdihai ata atûn le kumtuang dênin om mai ri se. Amen.

1 SAMUELA 2:3

Lârirpâk chong hmang irngam unglân, Ni bâi ata ite irsongna chong suak ta no ri se. Rengpa chu vârna Pathian a nia. Ama’n a nitina nin sintho kha a izêk ngai a ni.