ISAIA 31:1 - PATHIAN LEKHABU IRTHIANG C.L. Bible (BSI)

¹ Changpui hrang zonga Aigupta rama fe sakor hrâtna irnghattuhaio! sakor tâlia irnghat, an sakor chungchuanghai dârsuam a ngar sika ir-iam an ni. Israel mi irthianghai tiang irnghat nuam loiin, Rengpa lak irdon nuam mahaia.

ISAIA 31:1 ပူးပေါင်းရင်းမြစ်များ

INPÂKNA HLAHAI 20:7

Senkhatin tâlihai an iama, senkhatin sakorhai an iam. Eini rêkin chu Rengpa ei Pathian irhming kha irlam ual ei ti.

JEREMIA 17:5

Khan Rengpa’n, “Mi’n hnung ni songsana, mihriam chunga irnghat chu, a fam thei mihriam hrâtna irnghattu chu thiam loi ki inchangtir hrang a ni.

DÂN INHNINA 17:16

Reng khan a sipaihai hrangin sakor a inei intam hrang ni ma, Aigupta rama sakor la’nsap hrangin mi a itîr hrang ni ma; Rengpa khan ‘Kha tiang khan nin ikîr nôk hrang ni ma,’ a tia.

DANIELA 9:13

Mosia dâna irziak angin hi thil saloi murdihai hi kin chunga a hong itung a ni; khannisian kin dik loinahai mâksanin, ni thudik inhriat theina kin nei theina hrangin Rengpa kin Pathian milung chukna zong loiin.

JEREMIA 2:13

Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

ISAIA 36:9

Aigupta sakor tâli leh sakora irnghat ni ni’n chu itin mo ka pu sipai hrât loihai ni idoi thei hrang?

ISAIA 30:16

Nuam ma ung, sakor chunga chuang kin ti,” nin tia, chuang ta unglân rot ta roi, Sakor intân hrât chunga chuang kin ti, nin tia. Kha nêka hrâtin nangni irzûl an ti.

ISAIA 36:6

Hi lailuang khianghrol hi, a sintu kut sun hrangin Aigupta rêng Faroa chu a iamtuhai hranga khianghrol intung ang hi a ni.

HOSEA 14:3

Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

HOSEA 7:7

Irtap ang dênin an lum zita, an roirêltuhai an hong irhmang tâka, an inlaltak murdi an tûka, an laia tûte mi khêk om mahai.

EZEKIELA 17:15

Khannisian, Judai ram rêng chu tehelin, sakorhai le sipai tamtakhai a hong tîr theina hrangin Aigupta rama palai a tîra. Hlochukin mo om ni! khaanga thotu khan a irsaninzôk thei hrang ma ni?

ISAIA 9:13

Israel namhai chu anni soisaktuhai tiang kîr nuam loiin, itinrêng Rengpa kuang tiang fe nuam mahai.

ISAIA 22:11

Khokul chunga tuipang nin siama; dîl milui ata tui zuang zôk nin sianaa. Tian ata hi thu tung hrang lei hriltu hi taksôn mak chêia.

2 THURCHI SUINA 16:7

Kha laia khan deipu Hanania chu rêng Asa kuang a honga, a kuang, “Pathian Rengpa iam loiin Suria rêng iampumin ni oma; khasikin, Israel rêng sipaihai chu nin suahai tâka.

ISAIA 57:9

A biak hrang zongin ram tina palai nin irtîra, mithi khua dênin nin infetir ngai a ni.

ISAIA 5:12

Zu hmuna serânda le perkhuang hmanga, têngrep le belemhai hmanga, zu inruia omhai chu, Rengpa sintho en nuam loiin. A kut sintho khom en nuam loiin.

ISAIA 2:7

Annihai ram chu tangka le rângachakin a sipa, an sum nei dân khom inhre phâk zoi loi a ni. An ram sûnga sakor in an bita, an tâli nei dân khom tep zoi zât ni maka.

HOSEA 11:5

Khannisian an irlet nuam no sikin, Aigupta rama tîr nôk ki ti, Assuria kha an rêng ni a ti.

ISAIA 64:7

Ni’rhming zong zel om ta ma unga, changpui zong hranga thoi nuam zel om ma ung, keini ata hi ni hmêl ni thupa, kin sualnahai hin a ni idelpha khak a ni.

DÂN INHNINA 20:1

Irdoi hrang nin irthok suakin sakor tâli hai, sakor hai leh nangni nêka tam sipai nin hmu’n nin ichi hrang ni mah. Rengpa nin Pathian, Aigupta ram ata nangni hruaisuaktu kha nin kuang a om sikin.

ISAIA 10:17

Israelhai invârtu chu mei chang pehai a ta, an mi irthiang chu meiri-al chang a ti. Sûn khat khomin tinrêng kâng zoi thei a ni. Hloitharpa le ilhlingnei sûl khom kâng zoi a ti.

ISAIA 20:5

Ethiopia lei tûng hraia, Aigupta lei song ngaihai chu, beidong rakin an chardong ok a ti.

ISAIA 43:15

Keima hi, mi irthiang Rengpa ki ni, Israelhai siamtu nin rêng ki ni.

JEREMIA 37:7

a nin hrila, “Aigupta ram sipai pâl nang san hrangin an ihong mai a nia, khanchu in tiang kîr nôk a ti.

EZEKIELA 29:16

Israel khom changpuina zongin irhnêl ta ngai no nihai, Aigupta ngîrhmun siatzia khan Israelhaiin anni lei irhnêl kha a dik loizia inhriattir ni tah a ti. Khanchu Israela’n Rengpa Pathian chu ki nih ti inhre ta an ti,” a tia.

HOSEA 11:9

Ki ningmurna irkhêltak kha sua no ninga, Efraima kha irhmangtir tum nôk ta no ning. Keima chu mihriam ni loiin, Pathian ki nia, Nangmaa om mi irthiang kha, khopui kha hong lût khum no ning.

HABAKUKA 1:12

O Rengpa ki Pathian, ki mi Irthiang, kumtuang mi ni ini loi ma ni? Thi ngai mak che. O Rengpa, nangin anni kha roirêlna hrangin nin thang tâka, O Lungpui, nangin anni kha ni sep hrangin ni inkunghai an ni.

HABAKUKA 3:3

Temana ram ata Pathian a honga, Mi Irthiang kha Paran tâng ata, A roiinpuina’n irvânhai khi a tuama, An pâknain irnêng hi a isip a ni.

IRPHUTNA 47:17

Khanchu an neinunhai kaiin Josefa kuanga an pêka: khanchu Josefa’n, an kêl, belra, sâ, sakuartunghai man leh khan annihai chu fâk hrang a pêkhaiin kha kum kha chu a infâhai a ni ta.

2 THURCHI SUINA 16:9

Rengpa’n ama iamzoi loihai chu changpui hrangin rammual pumpuia a mit a inlêngtir ngai a ni. Atûn ata chu doi hrang nei mai ta ni ti, inzakpuiom takin thil ni itho a ni hi,” a tia.

JOBA 39:11

A hrât sikin, a hrâtna hmangin ni sin intak nang thopui le mo ni iam?

ISAIA 9:12

Nisua tianga Suria, nitâk tianga Filistia Israelhai doi hrangin an bâi an âng khumhaia. Kha dôr khom khan Rengpa ningmurna hek maka, a kut a la irlek mai a ni.

ZAKARIA 10:5

Sipaihaiin an râlhai lampuia dialdôka an ichîlhai angin, Juda mihai chu zoina changin la om an ti. Rengpa chu anni tiang a om sikin la doihai an ta, râlhai sakor chung chuang mihai ten khom lan hnêhai an ti.