ISAIA 30:6 - PATHIAN LEKHABU IRTHIANG C.L. Bible (BSI)

⁶ Sim tianga ramsa chungchâng chu: Ram intak le ichiom, kâmkeibaknei nu le pa omna ram, rûlngannei le rûlvânkâi tamna rama, an irchômhai chu sakuartung an inpêltirhaia, a sumhai chu saringsei vuna an thuna. An irngeipui thei loihai nam an pêk hrang a ni.

ISAIA 30:6 ပူးပေါင်းရင်းမြစ်များ

IRPHUTNA 12:9

Khan Abrama chu sim tiang ram panin a’rson nôk thiaia.

1 RÊNGHAI 10:2

Hnung zuitu tamtak neiin, saringsei tamtak a hruaihai saa, lung mantam Mosola le rângachak hai chôiin, Solomona le an irhmua, a irdon nuam murdi ar dona,

2 THURCHI SUINA 16:2

Asa’n Tempila sum kok ata tangkarua le rângachak a lâksuaka, Damaska khuaa om Suria rêng Benhadada kuang a thona, a kuang,

2 THURCHI SUINA 9:1

Seba rêngnu’n Solomona irhming inthangzia an hriatin chu thu intakhai irdona hrilfia pe hrangin Jerusalema a fea. Hnungzui tamtak a neia, mosola pêl hrangin saringsei tamtak a hruaia, mosola hai, lungmantam hai, rângachak hai a chôi intam oka. Solomona leh an irhmuin chu irdon a inuam dôr chu ar don vinga.

JOBA 39:11

A hrât sikin, a hrâtna hmangin ni sin intak nang thopui le mo ni iam?

FESUAKNA 1:14

sin intak takhai, lungtuk le pilrôngar an insiamtirhai le loi inmân tiang khom intak taka sin inthotirin an oma. Itinrêng sinna hmun tina lungkhamna boi pitin an insintirhai a ni.

ISAIA 14:29

Filistia mihaio, nangni an ivîkna hmol a kiak ta, râiinfân mai no roi, mirûl chu thi khomsian, a tûr la hong hring thei a ta, a irtui ata rûl vânvuang la hong chang a ti.

ISAIA 15:7

Khasikin an sum la neisun sunhai leh Phoram vadung râla fe ta an ti.

ISAIA 19:4

Aigupta-hai chu hruaitu pualoi tak kuta pehai ki ta, rêng sual takin an chunga roirêl a ti, Rengpa itinrêng Rengpa thusuakin a ti.

ISAIA 35:9

Khatak khan chu kâmkeibaknei om maka, ram sahrâng khom hong ngam no ni. Hmu hrang khom om no ni. Irtan saihai fena lampui a nia.

ISAIA 5:30

Kha zoro kha a hong tungin chu, tuikhanglian irhâi nêka siatin Israel ram sûnga la hong irsok siat a ti. Ramhai chu chardong le lungzîngna’n a sipa, vâr chu zîngin a’rkhu zoi tâka.

ISAIA 57:9

A biak hrang zongin ram tina palai nin irtîra, mithi khua dênin nin infetir ngai a ni.

ISAIA 8:22

Hnuai tiang an enin chu chardongna le inthim irkhêl tak, an itong ngêt hrang inthim chu hmu an ti.

JEREMIA 11:4

Hi thuthung hi an irchibulhai Aigupta rama thîr hâl inzôitu kuang ata ki hruaisuak nia ki isiamhai an ni. Ki thu zôm hrang le sin hranga thu ki ipêk murdi tho hrangin kin hrila. An zôma ni’n chu ki mihai ni an ta, keima an Pathian ni ki tih ti ki ihril a ni.

JEREMIA 2:6

Aigupta ram ata ni hruai suaktu, ramchâr khur inthûkhai, tûte om zoi loina ramsêt, Tûte fe ngai loina, om ngai loi hruai inkhêltirtu, Rengpa chu kho tiang mo a iom?” tiin ni ngaitua mo.

EZEKIELA 20:46

“Mihriam nâipa, ni hmâi kha sim tiang irnghatin lân, sim tiang demin thu hrilin lân sim tianga ram chungthu inpuang roh.

HOSEA 12:1

Efraima khan phâivua a iama, nisua phâivua khan a zui ngaia; milak thu le irsen indarna thu an pungtir sit sita, Assuria leh thu an inkunga, Aigupta tiang khan hriak a pêl lûta.

HOSEA 12:2

Rengpa khan Juda chunga khom hnôlna hrang a nei saa, Jakoba chu a omdân zia ang dênin hrem a ti; a thiltho ang zia dênin thuanin.

MIKA 6:14

Fâk kha fa ni ta, khannisian khop no chi ni, ni phîng hong châm mai a ti, thilsia insa ni ta, inzôk ual thei no chi ni, ni inzôk sun khom irdoinaa siat a ti.

ZAKARIA 6:6

Khan, tâli sakor dukhaiin an ikai kha Babulon ram hmâr tiang an fea, khan sakor ngoihai kha nitâk tiang an fea, sakor rânghai kha chu sim tiang an pana.

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

NAMBAR 21:8

Khanchu Rengpa’n Mosia kuang, “Mirûl tûr nei kha a’rlim siamin lân, chopuia inkhâi ro, mirûl inchukhaiin chu kha kha en an ta, khanchu hong dam an ti,” a tia.

MATHAIA 12:42

Roirêl Nia chu Seba rêngnu kha ngîr a ta, atûnlai mihai leh hin thoi a ta, thiamno inchangtir a ti; rêng Solomona vârna irngaitua hrang luan kôlkung ata a honga; irngai u ta, Solomona nêka roiinpui ual hin a iom kêng!

DÂN INHNINA 17:16

Reng khan a sipaihai hrangin sakor a inei intam hrang ni ma, Aigupta rama sakor la’nsap hrangin mi a itîr hrang ni ma; Rengpa khan ‘Kha tiang khan nin ikîr nôk hrang ni ma,’ a tia.

DÂN INHNINA 4:20

Nangni chu, Aigupta ram, thîr hâl inzôina meipui ata kha, nangni a la suaka, ama dongtum ni hrangin nangni a ihruai suak a ni, atûna nin iom ang hin.

DÂN INHNINA 8:15

ama khan ramchâr irzat tak le ichiom tak taka nangni a hruai intheng sika, mirûl hai, mirûl inchukna mihai le âinuvêt tamna rama hai, tui om loina ramchâra hai nin fe khan lungpui ngar tak ata tui nangni a ipêk kha.