ISAIA 3:9 - PATHIAN LEKHABU IRTHIANG C.L. Bible (BSI)

⁹ A nuama omin, an thei loina an langa, Sodom mihai angin an sualna mualinphoitirin, irthup thei ta mahai. An chung a rikin, a binga siatna an intungtir a ni.

ISAIA 3:9 ပူးပေါင်းရင်းမြစ်များ

IRPHUTNA 13:13

Khan, Sodom khua mihai chu Rengpa mithmua a satêrenga sual sin tho an nia.

IRPHUTNA 19:34

Khanchu zîng nôka chu a unu’n, a sangnu kuang khan, “Irngai ro, mizân zân khan ei pa ki zâlpuia, a vuan zân khom uain in intir ei ta; nangma lûtin lân, ei pa irchi pung hrangin va zâlpui ro,” a tia.

IRPHUTNA 4:5

Kaina le a thilinhlan kha chu lôm maka. Khanchu Kaina chu a sate’n a ning an mur pe tâka, a hmêl kha an khukhak tâka.

2 RÊNGHAI 9:30

Jehua’n, Jezreel a hong tung ti Jezebeli’n an hriatin chu a mit an hânga, a sam sinsiam indanglamin rêng in irsângtak ata a thîra.

INPÂKNA HLAHAI 10:4

Mi sia chu lârirpâk hmêl irputin, “Inphût no ni,” a ti ngai. A ngaituana murdi chu, “Pathian zel om mah,” ti inzen a ni.

THUVÂRHAI 15:32

Irchûna nuam loi chu mâni irhmusit a nia, irchutirna pom rêk chu hong vâr a ti.

THUVÂRHAI 30:13

Mi senkhat anni irngaia sa oka irbe an oma, o, i dôra sa’n mo an irbe tâkna!

THUVÂRHAI 8:36

Khannisianlân, ni hmu loi kai chu mânia dûk irtho ni an ta; tukhom ni hnôl kai chu thina lungthung an ni,” tiin.

ISAIA 1:10

Roirêltu Sodom khuaa mi anga omhaio! Rengpa thuhril hi irngai unglân, nangni Gomora khua mi anga omhaio, kin Pathian thu hi nin mikuar lei sung roi.

ISAIA 3:16

Rengpa’n hiang hin a ti: Jerusalem nupanghai chu an irpâk bâka na! ir-ân otin an fea, an mit leh mi an kâp thiaia, silniang irhâi sirim sirim tiin an ke an thîna.

ISAIA 57:20

Mi sualhai zonga tuipui irsok lai, irngai loi ang hi a ni, tui irsokin sahrok sahrâi a ikêlsua ngai angin.

ISAIA 59:12

Ni makunga chu kin pualoinahai hi irthup thei ni mah: Kin sualnahaiin mual an phoia, kin pualoina chu kin inhriat maia, kin inchâinahai khom irnghil ma ung.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 3:3

Annihai tak sika hin kêng rua tho maka, rotui hnungkhôn khom a itho ta loi a ni. Kha tena khom khan notizuar ni la hmang maia. Inzakin ni biang sen zel suak maka.

JEREMIA 6:15

hi thil intiromhai an tho sika khan an inzak ma ni? Inzak mahai; an zak dân lua an inhriat loi a ni. Khasik taka khan mi dang an rîl tâkhai angin inrîl an ta, dûk ki thohai ni taka chu an mongna ni a ti,” keima Rengpa’n ki iti a ni.

JEREMIA 8:12

Ki mihaio, hi thil porinchehai nin tho sikin nin inzak mo? a ni, ite inzak viat mak chêi; nin hmâi ten lua sen thei mah! Khasika khan mi dang an rîl tâkhai angin inrîl nin ta, dûk nangni ki tho ni tâka chu, nin mongna ni a ti, keima Rengpa’n ki iti a ni.

CHAP HLA 5:16

Ki lu ata rênglukhum a tâka; kin chung a rik, kin lei tho insual tâka.

EZEKIELA 16:30

Ni lungrîla inzakna nei viat mak chea, ni nunzia chu nupang tukullian sual tak thil ni thoa, ti hi Rengpa pathian thusuak a ni.

EZEKIELA 16:49

Khan, ni zuarpui Sodom sualna chu hi hi a ni: omlianna hai, fâk nêk khop hrai hai, ama le a nâinuhai inhoihôkna mai mai thohai an nia, mi inriang hai le fâk nêk irsamhai chu changpuihai mah.

EZEKIELA 23:16

Khanchu khahai kha a hmu tena chu, taksa irzukna’n a sipa, Babulon-a khan mi a tîrhaia.

DANIELA 7:20

a lua irki sômkhat le irki dang hong suak, a matona inthum irtethai chungchâng le, kha irki mit nei thil tamtak hriltu, bâi neia an langdân khom a rual danghai nêka roiinpui ualhai leh khan.

HOSEA 13:9

O Israel, nangma changpuitu ni doi hi ni siatna a ni e.

HOSEA 5:5

Israel kôkpoploihai khan a makunga an inhriattira, khanchu Israel le Efraima kha an pualoinaa tûk an ta, Juda khom an kuang tûk sa a ti.

ROM KHUAA MIHAI KUANGA TÎRTÔN PAULA LEKHATHON 6:23

Sual man chu thina a nia; Pathian thilmanboi pêk chu ei Rengpa Krista Jisuaa khan kumtuang hringna a ni.

THUPHUANG 11:8

An ruak kha an Rengpa hembea a omna Jerusalem lamliana khan om a ti. Kha kho roiinpui kha irtha tiang thua chu Sodom le Aigupta ti a ni.

1 SAMUELA 15:32

Khaang khan, Samuela’n, “Amalek mihai rêng Agaga kha keima kuang hong hruai roi,” a tia. Khanchu Agaga kha irlo’nthing puma chiin a va fea, a lungrîlin, “Thina chu ki zôk tâk chu ni a ti,” a tia.