ISAIA 3:8 - PATHIAN LEKHABU IRTHIANG C.L. Bible (BSI)

⁸ Jerusalem chu a ichim a ni ta hi, Judai ram khom a isiat zoi a ni ta. Rengpa doiin an chonga, sin an tho ngai a ni, a roiinpuina an êsêl sikin.

ISAIA 3:8 ပူးပေါင်းရင်းမြစ်များ

2 THURCHI SUINA 28:18

Filistia-hai lakin nitâk tianga tâng mongna phâi khuahai le Judai ram Negeb-hai an hong doi nôka. Anni len vâng chu Beth-Semes hai, Aijalon hai, Gederot hai, Soko le a kôlvêla khuahai, Timna le a kôlvêla khuahai Gimzo le a kôlvêla khuahai an lâka, an lua pehaia.

2 THURCHI SUINA 33:11

Manasea chu an chela, zîngziri hrui leh an vîka, Babulon-a thîrhrui leh an kaia.

THUVÂRHAI 26:27

Tukhom mi dang in-ôkna hrang châng kamhai chu anni in-ôk an ti.

ISAIA 1:7

Nin ramhai khom ar hmang zoi ta, nin khua khom a kâng irhmang ta, nin mithmua nam danghaiin nin ram an lua zoi ta, nin râlhaiin an insiat zoi a ni ta.

ISAIA 49:19

Nin ramhai a siat zoiin a iram chit a ni kha te, A lua hranghai an hong tungin chu, chîn pehai hrai a ta, nangni inramtirtuhai chu irhmang zoi an ti.

ISAIA 57:4

Tu mo nin innuisan, tu mo nin ichiarkhum, nin milei nin inter khum? khosâlna suak le irhuang hnuaia nâi nin inih loi mo?

ISAIA 59:3

Nin kuta thisen a kâi neng nunga, nin kut zaphaa dik loina a sipa, nin hmûr le minlak nin thoa, nin mileiin thu saloi nin hrila.

ISAIA 6:11

Keima’n chu “Rengpa i dôr ten mo khaang khan an iom hrang?” ki tia. Ama’n chu, “Khopuihai chu a luatu om loiin a ram zoia, inhai khom an lumtu om loiin a ram zoi mâka chu!

ISAIA 9:17

Pathian inhre loiin, thil sual an thoa, an thu phorsuakhai lak, a nikhua ni pehai maka; khasikin an ruathartehai khom a ihôihai loi, farahai le meithâihai khom inrenhai loiin, kha dôra ni khomin Rengpa ningmur chum maka, a kut a la inlek mai a ni.

JEREMIA 23:36

Khaangin Rengpa puakrik ti chongbâi an ihmang viat hrang ni ma, a san chu mi’n an hmangin chu, ki chongbe chu a ta hrangin puakrik takin siam pe ki ti. Mipuihaiin an Pathian, Pathian hring itinrêng sinthei Pathian thuhai chu dik loitakin an hmang tâka.

JEREMIA 26:18

“Hezekia kha Judai ram rêng a ni laiin, Moreset mi deipu Mika khan Rengpa itinrêng thothei iti kha mipuihai kha a hrila, ‘Zion chu loi anga inrît inphit chit ni a ta, Jerusalem chu thil saloi bukkhômna ang ni a ta, Tempila ruathartehai chu rampui chang an ti,’ tiin a hrila.

JEREMIA 26:6

Thuzôm loia nin la om maiin chu hi tempil chunga hin, Silo chunga ki itho ang khan ki itho hrang a nia, khanchu rammuala nam tinin hi khopui irhming hi khomâk irsâmna’n hmang an ti,” tiin.

JEREMIA 4:13

En ta, sûmphâi angin râl an hong so. Irdoina tâlihai chu phâivua angin mipuihai nêkin sakorhai so intân an hrât ual. Ei hrangin intak a ti! ei isiat zoi a ni ta.

JEREMIA 44:3

A sûnga mihaiin thil saloi an thoa, ki ning an inmurtir sikin, anni mo, nangni le nin irchibulhaiin chubai an imûk ngai loi pathianhai kuang irbôlnahai inhlanin pathian danghai sin an itho pehai a ni.

CHAP HLA 1:9

A porinchena a silkaia kopin, thup thei ta loiin a om. A zoro hek hrang ngaitua ta loiin a oma, a siatna irkhêl hrai sikin, Irtharngam pêktu tûte nei ta loiin; En ro, Rengpa kin ngîrhmun siat lam hi, râlhai an ihrât a ni ta,

EZEKIELA 8:12

Khanchu ki kuang, “Mihriam nâipa, Israel in sûngkuaa upahaiin inrûka thil an itho hi ni hmu mo? Mi tinin mâni chontan chita millim an biak hi, Rengpa’n ni hmu ma, Rengpa’n ram hi a suaksan tâk kêng an ti,” tiin.

EZEKIELA 9:9

Khanchu ama’n ki kuang, “Israel le Juda in sûngkuahai sualna chu a sân a lûminna tak taka, ram chu thisenin a sipa, khopui sûng chu roirêlna uksak loina’n a sipa, Rengpa’n ram chu a mâksan ta, Rengpa’n ite hmu ta ma, an tia.

HOSEA 5:5

Israel kôkpoploihai khan a makunga an inhriattira, khanchu Israel le Efraima kha an pualoinaa tûk an ta, Juda khom an kuang tûk sa a ti.

HOSEA 7:16

An irheikîra, anchung taka kuang ni loiin; thal ngul mirûl ang an ni, an milianhai kha an chong per pur sikin, khandaiin tûk an ti. Hi hi Aigupta rama innuisan an inina ni a ti.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.

MIKA 6:12

khataka mi irchonghai kha manêpnain an sipa, khataka omhai khan milak an thoa, an bâi sûnga an milei kha huangna’n an ihmang a ni.

HABAKUKA 1:13

Nang chu sualna hmûna ngai nêpa mit irthiang ual nei ni ni, irtheimâkna kha ni ien theiloi a ni, Khasikin, pualoi taka thotuhai kha hmu chianin, Mi siain ama nêka fel ual a inlem zoi lai khomin, itho sika ni idâisan hrek ngai mo?

1 KORINTH 10:22

Rengpa chu ning ei inmurtir hrang ma ni? Ama nêkin ei ihrât ma ni?

JUDA 1:15

Pathian uksakloi mi murdihaiin Pathian chi loia an thil tho murdihai le ama doia thu ngar ta tak an insîr murdi chungchânga Pathian uksakloi mi sualhai thiamno inchangtir hrang le mi murdi chunga roirêl hrangin zuang a ti,” tiin.