ISAIA 3:11 - PATHIAN LEKHABU IRTHIANG C.L. Bible (BSI)

¹¹ Mi sualhai chung chu a rik, an siat hrang sikin. An itho angin an chunga khom tho ni a ti.

ISAIA 3:11 ပူးပေါင်းရင်းမြစ်များ

THUHRILTU 8:13

khannisian mi pualoi ta hrangin chu sa no nia, an dam sûng nikhuahai khom kha misa a tâka irhlîm ang a nia, Pathian chitna an nei no sikin.

JAKOBA toc2 JAKOBA 2:13

Mi chunga za’rngaina nei loia thilthotu chu za’rngaina boiin a chunga roirêl pe ni a ti; khannisian, za’rngaina hin chu roirêlna an hnê ngai.

INPÂKNA HLAHAI 62:12

O Rengpa, lungkhamna hi ni ta ngêt a ni: Mi tin an sintho ang taka ni thuan ngai a ni.

INPÂKNA HLAHAI 28:4

An sintho ang zêl le, an thilthohai a sualzia ang dênin thuanin lân; An kuta an itho ang dênin thuanin lân; An sualna man irhmutir roh.

ISAIA 65:20

An dam sûng kumhai sôt a ta, tar kûna boka fein dam an ta; kum irza dam loi chu, vânglaia thi, ti an ti. Mi sual kum irza damloia thi chu, “Khosâlna a itong a ni,” ti an ti.

ISAIA 48:22

Mi sualhai hrangin irtharngamna rêng om no ni,” Rengpa’n a ti.

THUVÂRHAI 1:31

Khasikin nin irhoi lam ang takin hmu nin ta, nin sinthohai ngei khan nangni zêm a ti.

2 KORINTH 5:10

Mi tinin taksaa sinthohai, a sia mo, a sa mo, ei itho ang taka ei hmu theina hrangin Krista roirêlna toihmun makunga khan inlangin ei iom zit hrang a ni.

IRPHUTNA 18:25

nangma’n chu khaanga mi felhai mi suala an lût thei loina hrangin, mi felhai hi a sualhai le thathai hrangin chu tak nang sôn ma unga; irnêng chunga roirêltu’n fel takin a irêl ngai mo ni ma?” a tia.

2 THURCHI SUINA 6:23

nangin irvân ata le’rngaiin lân, mi sual chu a sualna man thei loi inchangtirin lân, mi fel chu a felna thiam inchangtirin ni siahlohai roirêl pehai ro.

JOBA 10:15

Mi pualoi ni ta inlân, Ki vânsiat hrang dân chu! Mi fel ni khom inlân, irsong thei ual no ning. Mualinphoiin ki oma, ki ituang ngôi ngôi a ni.

THUVÂRHAI 12:14

Mi’n a ichong lam ang takin lômman hmu a ta; ama kuta a sintho ngei kha a kuang inhlan ni a ti.

ISAIA 13:11

Hnuai hi a sual sikin hrem ki ta, mi sualhai khom an sual sikin hremhai ki ti; mi lârirpâkhai irsongna chu inboi ki ta. Mi nunsia le irpâkhai chu irhnuai an ta.

ISAIA 65:6

Dâisanhrekhai ta no ning, ki ihrem hrang dân irziak infel a ni zoi ta. An mal chunga buak khumhai ki ti.

ISAIA 65:7

An sualna chu, an irchihai sualna le a rêngin anni chunga thuanhai ki ti. Rengpa’n a ti. Tânghaia mirimhoi an hâl ngaia, mualhaia an ni hmusitna an inlangtir ngai; an sintho nuam ngai sikin hremna an chunga chum hrang chu ki zêk zoi ta,” tiin.

JEREMIA 21:14

Khan ni thil thohai sika khan dûk nang ki itho hrang a ni. Nin rêng in chu mei leh hâl ki ta, a kôla om murdihai khom mei khan kânghai a ti,” ti hi keima Rengpa’n kin iti tâk a ni.

JEREMIA 31:30

Mi tinin mâni sualna thipui an ta, tukhom grep thûr fâkhai kai chu an ha kim a ti,” a tia.

EZEKIELA 2:10

Kut bongin lekhabu irzuat chu a sûta, a pên tiang le a sûng tiang chu irziakin a sip zita. Thu om chu chapna thuhai, sûnna thuhai le inrûmna thuhai a ni.

EZEKIELA 18:20

Thil sual thotu chu thi ngêt a ti, nâipa khan a pa sualna mô pêl no nia, pa khomin a nâipa sualna chu pêl no ni; mi dikin a dikna man hmu a ta, mi sualin a sualna man hmu a ti.

EZEKIELA 24:14

Kei Rengpa Pathian hin ki iti a ni, ki chângna hrang zoro chu a hong tung thiai ta. Ni sualnahai chu hnôlpai no ninga, inrenna mani, khoza’rngaina mani ni chunga inlangtir no ning, ni sinthohai sika khan hremin om ngêt ni ti,” Rengpa Pathianin a ti.

EZEKIELA 33:8

Khan mi pualoi chu thi hrangin kin puanga, khannisian nangma’n a hringna saninzôka a om theina hrangin a lampuihai masan hrangin nin hril noa ni’n chu ama sualna khan thi a ta, khannisian a thisen mô chu nangma kuang zong ki ti.

MIKA 3:4

Kha tika chu Rengpa insam an ti, khannisianlân anni kha sâm no ni: a ni, kha tika chu an thil thoa an itho insa loizia ang takin, annihai ata a hmâi thup a ti.

MIKA 7:13

Khaang dôra khom khan ram kha, a sûnga lênghai sik le an thiltho ra sika khan inramtir ni an ti.

NAMBAR 32:23

Khannisian nin thu inkung kha nin pom maia ni’n chu, irngai roi, nangni ki hril hi, Rengpa chunga nin insual ni a ti. Khasikin nin inchâi viat hrang ni ma, khano’nchu nin sualna sikin hremin om nin ti.

ROIRÊLTUHAI 9:57

Sekemmihai khom an thilinsual thôna sikin, Pathianin a intuangtirhaia, Gideona nâipa Jothama khomâksâm chu anni chunga a tung tâk a ni.

2 SAMUELA 3:39

Reng hranga Pathian sahriak irthutir ni khomin lân, a vuan hin ki irzal zap a ni. Hi mi Zeruii nâipa hai hi ki ta hrangin an ivîk hrai a ni. Rengpa’n thil saloi thotuhai kha an sual lam ang takin thuanhai ri se,” a tia.

1 RÊNGHAI 21:21

Ni chunga siatna zuan tungtir ki ti. Nin in sûngkuaa patung nâi murdi chu nâipang le tar khom, nangma le nin rêngin nangni inhekpai ving ki ti.

THUVÂRHAI 11:31

Mi fel ka chu hi irnêng chung ngeia hin lômman pêk an ni ngaia, mi sia le thil tho’nsualtu khom dengtheina tong ngêt an ti.

THUVÂRHAI 26:27

Tukhom mi dang in-ôkna hrang châng kamhai chu anni in-ôk an ti.

EZEKIELA 16:59

Khanchu Rengpa pathian khan hiang hin a ti: “Thuthung insiatin, chonginkung nir ngaisak loizia ang zêlin ni chunga ki itho hrang a ni.