ISAIA 29:3 - PATHIAN LEKHABU IRTHIANG C.L. Bible (BSI)

³ Doi hranga irvo angin nangni hnôl ki ta, pil nang burkhumin dâi nang sung del ki ti.

ISAIA 29:3 ပူးပေါင်းရင်းမြစ်များ

EZEKIELA 21:22

Jerusalem tiang irnghain, tasânna thal chu a kut chang tiangin a chela; irkâpna hmunhai siamna hrang le, thattuhai ta hranga bâi kak hrang le, khêka rôl insua hrang le, dâi mikothai epa irkâp hmunhai siam hrang le, irnêng inpônghai siama, kulhai siam hrang chungchâng thu tasânna khan an langa.

MATHAIA 22:7

Reng kha a sân a ning an mura, khasikin a sipaihai a tîra, kha mi thathai kha an thata, an khua khom an hâl pehai tâka.

2 RÊNGHAI 19:32

Khasikin Assuria rêng chungchânga Rengpa’n hiang hin a ti, “Hi khopuia hin lût no nia, sîrkhat khom sir no nia, pho leh khom doi no nia, irnêng irkulna khom tuk ual no ni.

2 RÊNGHAI 18:17

Assuria rêngin Jerusalema Hezekia doi hrangin sipai tamtak a tîra, sipai hruaitu lian inthum, Tartana, Rab-saria le Rab-sakea hai a hruaihaia. Jerusalem an hong tungin chu dîl sak tiang ata tui lama puan irsûkna hmun fena lama khan an oma.

DÂN INHNINA 20:20

Khannisianlân thingkung danghai a ra fa ngai loi chu, phûrpai nin ta, nangni a doipuhai khopui kha a siat mâka chu kha thinghai kha hmangin nin idoihai hrang a ni.

ISAIA 1:8

Jerusalem khua vai a la zôka, an irhual hrai sikin, kul nei loia, grep irhuan a irpuk angin, fanghma irhuana a’rzâmtirna ang ma maiin.