ISAIA 28:7 - PATHIAN LEKHABU IRTHIANG C.L. Bible (BSI)

⁷ Deipu le ochaihai khomin, uain inruiin an khêka, uain le rakzu an in intama, an inrui buaia, an hong irtet an va irtet zoi ta. Deipuhaiin inlârna an ihmu ite donsui thei loi rakin an inruia, ochaihai khom ite rêl thei loiin an inruia.

ISAIA 28:7 ပူးပေါင်းရင်းမြစ်များ

LUKA 21:34

“Khanchu, nuam le ninga omhai, zu’nrui hai, a nitin om dân ngaituana hai, nin lungrîla a sip nona hrangin irdîn roi.

MATHAIA 24:29

“Khan, kha dengthei zorohai kha ar zoi le chu misa inthim a ta, tha vâr ta no ni, irvân ata ârsihai tâk a ta, irvân sinthotheinahai kha inhnîng a ti.

ISAIA 19:14

Rengpa’n an lungrîl inchong an siat pehaia, Aigupta mihaiin ite tho theina nei mahai; ikhêkin an khêk mai ta, zu’nruia miluaka irpol ang hi an ni.

THUHRILTU 10:17

khannisian, rêngin a bingin thutûknahai a siama, roirêltuhai khoma a zoro taka fâk nêk an zonga ni’n chu, ram chu vânnei tak a ni.

THUVÂRHAI 20:1

Zu in hi nuizabûr mi siamtu a nia; zû’nrui hi invêtna a ni.

MIKA 2:11

“Uain le zu luang a ti,” tia milak hril deipu irvâk vêlhai kha, hi mihai deipu ni le irhoi an ni.

JEREMIA 23:16

Rengpa itinrêng sinthei khan Jerusalem mihai kuang a ti pea, “Deipuhai chong irngai no ro; tûngna dik loihaiin nangni an infâ a ni. Keima iti ni loiin an lungrîla an ingaitua kha nangni an ihril ngai a ni.

JEREMIA 14:14

Khan Rengpa’n a iti chu, “Deipu khan ki’rhmingin minlak a tho a ni, anni chu tîrhai ma unga, thupêkin an laia chongbâi khat lua ki iti loi a ni. Inlârna thu an ihrilhai kha keima ata suak ni maka; an thu inpuanghai chu hlutna nei loi, an lungrîla an ingaitua lik a ni.

ISAIA 3:12

Ki mihai hrungtu chu nâipang an nia, nupanghaiin an chunga roi an rêla; an ihruai irhmangtir a ni, fena hrang lampui inhre loiin, nin ibuai a ni ta.

INPÂKNA HLAHAI 107:27

Zû’nrui angin an hong pêm an va pêm an hong irhnor rem ruma, Om lam dân rêng rêng inhre ngai mahai.

EFESI 5:28

Pasalhai khan mâni takpum lung an ithung angin mâni dôngmahai lung an ithung hrang a ni. Mâni dôngma lungthungtu chu ama lung a irthung a ni.

EZEKIELA 44:21

Khanchu ochaihai khan tualzôl sûnginta uala an lût mânin uain an iin hrang ni mah.

EZEKIELA 13:7

Inlârna zuang chum mai nin hmu’n thu leihrilna dik loi nin ihril mo ni ma? Rengpa thusuak a ni, nin la ti nôk maia, keiin khaang khan ite lak hril ma unga.

CHAP HLA 2:4

Râl angin a thal irchuan nei a kâpa, A ihmu hnông ngailoi nâi le tehai a that zoi ta. Zion khua in sûnghaia khom, a ningmurna meipuia lûtin ar al ta.

JEREMIA 23:13

Samari khan deipuhai sualna chu ki hmua; Baal irhmingin thu an inpuanga, ki mihai an ihruai insualhai tâk a ni.

ISAIA 29:11

Nangni hrangin chu hi inlârna thu hih lekhabu irmanna sûnga kop ang a ni. Lekha tep theihai kuanga, “Hong tep ro,” tia pêk an nih. “Inkhop khak a ni sikin tep thei ma ung,” a lei tia.

ISAIA 24:2

A sûnga omhai hi kai thekpai ving a ti. Mi papai le deipu, siahlo le a pu, siahlonu le a pi, ar chôktu le a zuartu, an pûktirtu le a pûktu, an tângtirtu le an tângtu, an tuang tum chu irang ving a ti.

ISAIA 22:13

khannisian innuipumin nin râi a fâna, sehrât le belra thatin bu khalâi nin doa, zu buala nin oma, “Fâkin in ei ti, nangtûk chu thi hrang ei ni,” nin tia.

ISAIA 5:22

Zu ina pasal sa! zu sangol irveia hrânghai chu, an chung rik pehai a ti.

ISAIA 5:11

Zînga zu hrût phutin, zân sôta inrui ngaihai chu, intak pehai a ti.

ISAIA 24:20

Zu’nrui angin hon hnîng van hnîng a ta, irnak irvun boi angin om a ti. Sualnahai hi irkhêl takin irtetpui a ta, thoi ta no ni.

ISAIA 28:1

Phâi hoitak kôla om, Efraima inrui thal âka om chu an tak pe. Zû’nrui pâr beta a ichuai angin an ichuan khopui, rênglukhum sa chu, chuai a ti.

ISAIA 43:27

Nin pa matontakpu khan thilsual a thoa, nin hruaituhai lak tehel an ni zong pea.

HOSEA 7:5

Ei inlaltak nikhuaa khan mi lianhai kha uain irhâi takin an inruitira; ama khan hmusittuhai pâlin a kut a phara.

HABAKUKA 2:15

A tualbômhai kuanga in hrang pêka, khataka khan a tûr kha pola a silkai boi kha a hmu theina hranga inruitirtu chung chu a rik e!

HABAKUKA 2:16

Roiinpuina hranga inzaknaa sip ni ni tâka, Nang khomin inin lân, silkai boiin om sa chian ro; Rengpa kut chang tiang khilât kha ni kuang zuang irlet a ta, Ni roiinpuina chunga porinche inzakna intirom kha om a ti.

ISAIA 5:23

Fâkinrûk lâkin mi sual a sa inchangtir nuamhai ngai, mi sahai chu saloi an inchangtir ngai.