ISAIA 27:11 - PATHIAN LEKHABU IRTHIANG C.L. Bible (BSI)

¹¹ Thing ônhai khom chârin a tâka, Thingtua hrangin nupanghaiin an irkhôm a ni ta. Ite inhre thei loi nam an ni hih, a siamtuin lungthunghai loi angin, anni inren ngaitu hin lungthunghai mai ta no nih.

ISAIA 27:11 ပူးပေါင်းရင်းမြစ်များ

JEREMIA 8:7

Tuichir le ivahai khomin kîr zoro an inhriata, vasuhai, pelôihai, le sâlvahaiin irthon zoro an inhriata. Khannisian ki mihaiin chu nangni rêlna hranga ki dânhai nin irnghil a ni.

ISAIA 44:24

Sul ata nangni siamtu, nang a’rtantu Rengpa’n hiang hin a ti: “Itinrêng siamtu, keima hi Rengpa chu ki nia, ki binga irvân kaiphar theitu ki ni, irnêng ki siam lai khan tu moh om sa?

ISAIA 43:7

An rêngin ki’rhming irput an ni, ki roiinpuina inlangtir hranga ki isiam an nia, Ki kut suak zit an ni.

ISAIA 43:1

Atûn chu, Rengpa’n hiang hin a ti: “Jakoba nang ki siam, Israel nang ki inding a ni, chi no ro, nang a’rtantu ki ni, Ni’rhming irlamin nang ki koi, ki ta ni nih.

ISAIA 1:3

Sehrâtin a chongpu an hriata, Sakuartungin a pu bu pêkna irkuang a inhriat angin, Israelhaiin chu inhre mahai, ki mihai hin inhre thei mahai.

JAKOBA toc2 JAKOBA 2:13

Mi chunga za’rngaina nei loia thilthotu chu za’rngaina boiin a chunga roirêl pe ni a ti; khannisian, za’rngaina hin chu roirêlna an hnê ngai.

1 THESALONIKA 2:16

Saninhringna an ni theina hranga thuhril khom an ni khapa, sual chungirchuan thoa, a hnungkhôn taka chu Pathian ningmurna an chunga a itung tâk a ni.

ROM KHUAA MIHAI KUANGA TÎRTÔN PAULA LEKHATHON 1:31

tûte uksak mahaia, milung nei loi, chonginkung insiat, izirpui lungkhamna nei loi, inrenna nei loi an ni.

JOHANA 15:6

Tukhom keimaa om loi chu ôn anga pai suakin an om ngai, ôn ipai kha a châra, an irkhôma, meia an paia, a kâng irhmang ngai.

MATHAIA 13:19

Tukhomin Pathian Ram thu chu irngaia an inhriat thiam no’n chu mi sual chu a honga, a milunga inthek sai chu ar chupui ngai.

MATHAIA 13:15

An milung a lei inmôl tâka, An mikuar a lei sêt tâk, An mit khom a lei zîng tâk sikin. khano’nchu an mitin hmu an ta, An mikuarin inhriat an ta, An milungin inhre thei an ta, Keima tiang hong irhei kîr an ta, Ki lei indamhai itinin, Pathianin a ti,’ iti kha.

MATHAIA 3:10

Atûn ata thing bul tina hreipui sia chian a ni ta. I ang thing khom ra saloi chu phûra meia tuapai chian an ti.

HOSEA 4:6

Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti.

EZEKIELA 20:47

Sim tianga rampui kuanga khan, ‘Rengpa thu irngai ro, Rengpa pathianin hiang hin a ti a ni. Irngai ro, ni sûnga hin mei sêm ki ta, ni sûnga thing hring tinrênghai chu kâng irhmang zit a ti, thing châr tinrêng khom, meichok vung vung chu chuai no nia, sim tiang ata hmâr dênin, mi tinrêng em irûthai zit a ti.

EZEKIELA 9:10

Kei khomin irhmâi no ning, inrenhai viat no ning; an sintho ang takin thuanhai ki ti,” a tia.

JEREMIA 4:22

Rengpa’n a tia, “Ki mihai chu an into ba bâka, An ni inhriat loi a ni. Nâipang into angin an oma; Inhriatthiamna nei mahai. Thil saloi tho chu an thei zapa, thil sa tho hrangin chu an hlosamna korong a ni,” tiin.

ISAIA 44:2

Rengpa’n hiang hin a ti: Nangni siamtu ki nia, sul sûnga nangni inngîrtirtu ki ni, Ki siahlo Jakoba nang ki changpui maia, ki inthang sai, Jesurun chi no roh.

ISAIA 9:17

Pathian inhre loiin, thil sual an thoa, an thu phorsuakhai lak, a nikhua ni pehai maka; khasikin an ruathartehai khom a ihôihai loi, farahai le meithâihai khom inrenhai loiin, kha dôra ni khomin Rengpa ningmur chum maka, a kut a la inlek mai a ni.

INPÂKNA HLAHAI 106:40

Khasikin Rengpa ning kha a mihai chunga an mur tâka, an tirhai tâka.

DÂN INHNINA 4:6

Hi dânhai hi uksak unglân, zôm khak roi; nam danghaiin an inhriat tika, ‘Hi nam hi nam vâr tak le changkâng tak an lei ni hi te,’ ti an ta, nin vârzia le nin changkâng bîkzia inhria an ti.

ROM KHUAA MIHAI KUANGA TÎRTÔN PAULA LEKHATHON 1:28

Khanchu Pathian inhriatna dik kha an inthâ tâk sikin an ngaituana felloi tak anga om hrangin Pathianin a’rheisanhaia, an tho loi hrang hrang khom an tho tâk a ni.

ISAIA 5:13

Ki mihaiin an inhriat nuam no sikin, sala intâng ngêt an ti. An milianhai phîngchâmin thi an ta, mipui vântânghai khom tui inhrâlin thi an ti.

ISAIA 18:5

Grep pâr a hong chila, a ra tâka, khannisian a ra a hmin mâna chil angin Ethiopia mihai chu an râlhaiin soisakhai an ti.

JEREMIA 11:16

Zoro khat chu a hnâ irbom le a ra sip oliv thing tin ki lei koihai ngai, khan atûn chu, khonri angin ar hâi neiin a hnâhai chu hâlhai ki ta, a ônhai khom ngôtpai ki ti.

JEREMIA 13:14

A tar le a vângin bêl a binga irtoka koi ngai ang hin an michal indang pehai ki ta, lungkhamna, kanna le khonzâna boi vingin ki irhmangtirhai hrang a ni,” a tia.

JEREMIA 16:5

“Lusûn omna ina ni ilêng viat hrang ni mah. Mi tûte ta hrang khomin chap no roh. Ki mihai chu irtharngamnain satvurhai mai no ninga, lungkhamna le khonzâna khom hmu ta no nihai.

JEREMIA 25:37

A ningmurin Rengpa’n ni nam le ram hoitaka omhai kha inramin insiat an ni sikin, lungzîngin khêk suak ta roi.

EZEKIELA 19:12

Khannisian, ningmurna sikin phôipaiin a oma, Irnênga an pai raka, nisua tianga phâivua’n a sêm inchâra, A ra a chil zoi tâka. A ôn liantak takhai khom chu kiakpai a hong nia, a châr tâka, meiin a kâng irhmang zit tâka.

HOSEA 4:14

Nin nâinuhaiin noti an zuara, nin moihai an uire’n hrem no ning: anni ngei khom notizuarhai le an bingin an fe sikin. Notizuarhai leh hmunkhatin irbôl suama; inhre thiam loi mipuihai kha tûk siat an ti.