ISAIA 27:10 - PATHIAN LEKHABU IRTHIANG C.L. Bible (BSI)

¹⁰ Khopui kul neihai chu a chim zoi ta, kho ram a ni tâka, ramchâr hmun a chang ta. Khatak khan sâhai an lênga, an riakbuk, an lêngna a chang zoi ta.

ISAIA 27:10 ပူးပေါင်းရင်းမြစ်များ

ISAIA 17:2

Aroer khua khom rotsanin om a ta, kêlbelra omna khua ni ta a ti. Irtharngam takin sâhai om an ta, tûte’n inhnotpai thei ta no nihai.

ISAIA 17:9

Israelhai makunga Hiv mi le Amor mihai khopui mâksanhai ang khan an khopui satakhai chu rotsan an ta, a ram zoro tung a ti.

ISAIA 24:10

Khopuihai khom a siatin a ngûi zoi ta, an inhai an kala, lût thei ni ta mah.

ISAIA 25:2

Khopuihai chu nin siattir theia, A kulhai khom nin chimtira, Nam dang khopuihai ram zoiin, siam insa ni ta no ni.

ISAIA 32:19

Kha tena chu rampuihai kha dâiruamin om a ta, khopui khom hmun hoitaka om thei ta a ti.

ISAIA 35:1

Ramchâr le tânghai chu lôm an ta, Ram kol têt tût chu raifânin om a ti.

ISAIA 49:21

Hi mihai hi tu mo nin neitira? Ki nâi neihai ki sûnhai zoi tâka, sala intângin kin vâia, hihai hih tu mo a nin liantir pe a ini tâk? Ki bing vaiin an ni mâka, hihai hi kho tianga mi mo an ini? la ti ni ti.

ISAIA 64:10

Ni kho irthianghai chu ramchâr a chang zoi ta, Zion khua chu ramchârna hmun a chang zoi ta, Jerusalem khua chu a ram zoi ta.

ISAIA 7:21

Kha nikhua kha a hong tungin chu, sehrâtpui le kêlpui inhnina nei thei an ti.

ISAIA 7:25

Tutho leh an ichuan infâi ngai, mual tin tâng tinhai chu, hloitharpa le ilhlingneia bit tûte lût ngam loina khan, sehrât pâl insua a ta, belrahai hranga satna ni a ti.

JEREMIA 25:37

A ningmurin Rengpa’n ni nam le ram hoitaka omhai kha inramin insiat an ni sikin, lungzîngin khêk suak ta roi.

JEREMIA 26:18

“Hezekia kha Judai ram rêng a ni laiin, Moreset mi deipu Mika khan Rengpa itinrêng thothei iti kha mipuihai kha a hrila, ‘Zion chu loi anga inrît inphit chit ni a ta, Jerusalem chu thil saloi bukkhômna ang ni a ta, Tempila ruathartehai chu rampui chang an ti,’ tiin a hrila.

JEREMIA 26:6

Thuzôm loia nin la om maiin chu hi tempil chunga hin, Silo chunga ki itho ang khan ki itho hrang a nia, khanchu rammuala nam tinin hi khopui irhming hi khomâk irsâmna’n hmang an ti,” tiin.

JEREMIA 52:27

Hamath ram hual sûnga om Ribla khuaa khan a fepuia, kha khan rêngin anni chu dûk a thoa, a that tâka. Khaangin Juda mihai chu sala intâng hranga hruaiin an om tâka.

CHAP HLA 1:4

Zion panna lampui chu a ping khaka, Kût hmang hrang khom tûte om ta mahai, An khopui mikothai khom a siat zoi tâka, Changpân a ap zoi ta. Hla sak thei dôngmatehai khom an irzal zoi ta, An deipuhai khom khêkin an inrûm a ni ta.

CHAP HLA 5:18

Zion tâng chu a chuai tâk sikin, sihalhaiin a sûnga an lênga.

EZEKIELA 36:4

kei Rengpa Pathian hin nangni mual le tânghai, ivadung le irhôrhai nangni khoram mâksana omhai le khopui longindara mâksana omhai, a kôlvêla nam murdihai hmusita omhai hi nangni ki hril.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.