ISAIA 26:8 - PATHIAN LEKHABU IRTHIANG C.L. Bible (BSI)

⁸ Rengpa khasikin ni nuam lam anga fe hrangin lampui zongin nang ki nghâk. Ni’rhming inhriat mai hi ki inuamtak a ni.

ISAIA 26:8 ပူးပေါင်းရင်းမြစ်များ

2 SAMUELA 23:5

“Khaang khan Rengpa’n ki’rchihai hi sat a ivur hrang a ni, kumtuanga thuthung kha keima kuang a tung tâk sikin, thuthung inkhiak thei loi. A ni, chonginkung danglam thei loi ngêt kha, ama kha ki saninhringna irkip le ki lungdo irkip a nia. Rengpa’n intungtir ngêt a ti.

INPÂKNA HLAHAI 106:3

Roirêlna vong insahai chu an vân a sa e, Itiklai khoma fel taka thotu leh.

INPÂKNA HLAHAI 130:5

Rengpa chu ki nghâk maia, ki hringna hin a nghâk maia, A thu chu ki iam nasan a ni.

INPÂKNA HLAHAI 18:23

Ama ata sêlnaboi ki ni saa, Ki porinchêna ata ki’rkhâipai ngaia.

INPÂKNA HLAHAI 42:2

Ki hringna hi Pathian irzukin, Pathian hring irzukin, a tui a inhrâl a ni: Itika mo Pathian makunga tungin, Ki inlang hrang o?

INPÂKNA HLAHAI 65:6

Sinthotheinaa konga khita, Mâni hrâtnaa tânghai indet ngaitu chu ni ni;

INPÂKNA HLAHAI 73:25

Irvâna khin nang no chu tu mo ki ini? Irnênga khom hin nang no chu ki inuam tûte om mahai.

INPÂKNA HLAHAI 84:2

Ki hringna hin Rengpa biak in hualsûng kholaihai chu ar ngai tak taka, a ni; a sôl sa raka; Ki milung le ki taksa hi Pathian hring kuanga khan a khêk suaka.

FESUAKNA 3:15

Khanchu Pathianin Mosia kuang khan, “Nangin Israel irchihai kuanga khan, Rengpa nin irchibulhai Pathian Abrahama Pathian, Isaka Pathian le Jakoba Pathianin nin laia hin a ni zuang itîr a ni, hi hi kumtuanga ki’rhming hrang chu a ni, nin irchihai tenin nin nin hriat mai hrang a ni ti roh.

HLAHAI HLA 5:8

O Jerusalem nâinuhai, nangni ki ngên, chonginkungna nei roi, ki lungdi kha nin hmu’n chu lungkhamnain a na a ni, ti hi ama kha ni hril pe roi.

ISAIA 12:4

Kha ni khan chu hiang hin ti ta nin ti: Rengpa inpâk unglân, ar hming chôiindôm roi, A sintho chu a mihai hril unglân, A’rhming inthang lam hi inpuang roi.

ISAIA 24:15

Nisua tianga mihai khomin Rengpa chôiindôm an ta, Israelhai Pathian Rengpa irhming chu tuipui kôla omhai khomin inpâk an ti.

ISAIA 25:1

O, Rengpa, ki Pathian ni ni, nir hming chôindômin nan pâk ki ti, Thilirkhêl tamtak ni thoa, Tianlai ata ni lei irfûktir chu, Iamom takin hlo a chuk ngaia.

ISAIA 25:9

Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

ISAIA 26:13

O, Rengpa kin Pathian, rêng dang kin chunga hin an inlal ngaia, khannisian nang vai hi kin rêng chu ni nih.

ISAIA 30:18

Rengpa inrenna’n nangni a la nghâka, a khonzâna’n nangni a la hrung lai hin, Rengpa’n diktakin roirêl a ti. Ama nghâktuhai chu hoi pehai a ti.

ISAIA 33:2

Rengpa kin chunga ni khonzâna insumin lân, nang kin nghâk mai, a ni tin kin hrâtna ni pe’n lân, beidong nia ni san inzôk ngai roh.

ISAIA 49:23

Renghai chu ni pahai ni an ta, rêngnuhai dônhai an ti. Irnênga khûksadelin chubai nang mûk an ta, ni kea vâiphin kop chu inliak an ti. Keima hi Rengpa ki nih ti nin hriat theina hrangin, a ni nghâktuhai tûte mualphoi irla no nihai.

ISAIA 51:4

Ki mihaio, ki thu hi irngai unglân, ki nam chanpuihai hi an mikuar sung ri sehai, dân thu ki kuang ata a hong suaka, ki mihai vârna hrangin roirêlna dik siam pehai ki ti.

ISAIA 56:1

Rengpa’n hiang hin a ti: Diktakin roirêl unglân, diktakin sintho roi, nangni sansuak lat hrang ki ni ta, ki fel lam chu hong inlang ta a ti.

MIKA 4:5

Nam tinin mâni pathian seng biak an ta, eini khom Rengpa ei Pathian kha kumkhua’n biak ei ti.

MIKA 7:7

Keima rêkin chu Rengpa tiang en ki ta; ki saninhringna Pathian kha nghâk ki ta; ki Pathian khan a ni irngaitua hrang a ni.

MALAKIA 4:4

“Israelhai murdi ta hranga Horeb tânga ki ipêk, roirêlna le thu’nkunghai, ki siahlo Mosia dân kha inhre mai roi.

NAMBAR 36:13

Hihai hi Rengpa’n Mosia hmanga dân le thupêk Israel irchihai kuanga Jeriko irdîna Jordan râla Moab phâizôla a ipêkhai chu a ni.

LUKA 1:6

An ruaiin Pathian mit hmua fel takin an oma, sêlna boiin Rengpa dân le a thu zômin an om ngaia.

TÎRTÔNHAI SINTHO 1:4

An laia a om laiin “Jerusalem khua suaksan no roi Pa inkung nangni ki ihril kha lei nghâk roi, a tia.

ROM KHUAA MIHAI KUANGA TÎRTÔN PAULA LEKHATHON 8:25

Ei ihmu loi kha ei sabeiin chu ei inghâk zâm zâm ngai a ni.

2 THESALONIKA toc2 2 THESALONIKA 3:5

Rengpa khan nin milunghai kha Pathian lungthungna inhre nôk ual hrang le Krista anga tuangdiarna nei hrangin kaihruai ri se.