ISAIA 26:3 - PATHIAN LEKHABU IRTHIANG C.L. Bible (BSI)

³ Dettaka nangma kuanga irnghathai chu irtharngam takin nin omtira.

ISAIA 26:3 ပူးပေါင်းရင်းမြစ်များ

1 THURCHI SUINA 5:20

Pathian an iama, changpui hrangin an ngêna, Pathianin an chongchaina chu a sâmhaia, Hagari hai chu an lei irsanpui namhai leh an inhnêhai tâka.

2 THURCHI SUINA 13:18

Judahaiin an irchihai Pathian Rengpa chu an irnghatna a ni sikin Israelhai an inhnêna a ni.

2 THURCHI SUINA 16:8

Ethiopia le Libua mihai khan sipai le sakor tâli tamtak le sakor chung chuang mi tamtak an inei mo ni ma? Rengpa chu ni tûnga nang a inhnêtir a ni kha.

INPÂKNA HLAHAI 119:165

Ni dân lungthunghaiin chu irtharngamna lian tak an nei ngaia; Ite’n inrîl thei ngai mah.

INPÂKNA HLAHAI 125:1

Rengpa iamtuhai chu Zion tâng, inhnîng ngai loi, Kumkhuaa om mai hrang ang kha a ni.

INPÂKNA HLAHAI 9:10

Khanchu nir hming inhretuhai chu nang iam an ti; Nangin chu, Rengpa, nang a zongtuhai chu rotsan ngai mak che.

ISAIA 12:2

Pathian chu a ni saninhringtu a ni, Ama iam ki ta, chi ta no ning. Rengpa ki Pathian chu, a nin hrâttu, ki hla a ni. A ni saninhringtu a ni.

ISAIA 26:12

Rengpa’n lungirngamna a ni pêka, kin sinthohai khom hi, nangma ni itho pe ving a ni,

ISAIA 27:5

An râlhaiin keima ihrung an nuamin chu, keima hi ni hong irngeipuihai sian.

ISAIA 31:1

Changpui hrang zonga Aigupta rama fe sakor hrâtna irnghattuhaio! sakor tâlia irnghat, an sakor chungchuanghai dârsuam a ngar sika ir-iam an ni. Israel mi irthianghai tiang irnghat nuam loiin, Rengpa lak irdon nuam mahaia.

ISAIA 32:17

Diktaka thil an tho sikin, râl irvei loiin om thei ta an ti. Irtharngam takin kumtuangin om an ti.

ISAIA 32:18

An in le loia ki mihai chu irtharngam takin, omna iamom lungngam takin om mai thei ta an ti.

ISAIA 42:19

Ki siahlo anga mitchô hi tu moh om, ki mi tîr anga kuarsêt hi tu moh om hrang? Rengpa siahlo le a mi indang anga mitcho tu moh om?

ISAIA 42:6

“Kei hi Rengpa chu ki ni, diktaka rêl hrangin nangni ki koisuak, ni bân irnak hrâtin nang ki san. Nangma hmangin mi tinhai laia thu ki thung ta. Nam tin invâr hrangin nang ki sia ta.

ISAIA 48:2

Khopui irthiang mi kin nih nin irtia, Israelhai Pathian iamtu nin irtia, ama irhming chu itinrêng Rengpa a ni.

ISAIA 49:8

Rengpa’n hiang hin a ti: “A zorotaka nang don ki ti, a zorotaka nang sansuak ki ti, nang ki hrunga, nangma sikin nam danghai leh thu kin thunga, Ni ram indingtir nôkin, nin irchon ram chuai sai nin lua thei ving nôkna hrangin.

ISAIA 50:1

Rengpa’n hiang hin a ti: “Nin nu Israel chu ki tîrpaia, irmâkna lekha mo ki pêk uala? Lâkai intâng nêkin an nâihai zuar angin, tuhai kuang moh nangni ki izuar? Nin sual sika zuar nin nia, nin sininsiatna sika a ni, nin nu ki itîrpai.

ISAIA 50:10

Nangni laia Rengpa chi ngai mi, A siahlo a thu irngaituahai ngai, vâr nei loiin inthima om ngai khom unglân, Rengpa irhming iam mai unglân, Pathiana khan irnghat roi.

ISAIA 66:12

Rengpa’n hiang hin a ti: Tui kang loi angin irngeina pe ki ti, nam dang irchongna murdihai hi, tuilian angin zuan lûttir ki ti. Nu’n a nâi irhnu pêkin a ipom ang hin, a mal chunga inper ot ot a ti.

JEREMIA 39:18

Nang inzôktir ki ta, thatin om no chi ni. Ni ni iam ngit sikin ni hringna inzôk ni ti. Keima Rengpa’n ki iti a ni,” tiin.

DANIELA 3:17

Kin Pathian a sin kin itho pe khan hâlirvômna meipui ata ni sansuak thei a ni, ni kut ata, o inlaltak ni sansuak ngêt a ti, an tia.

DANIELA 3:28

Rêng Nebukadnezara’n thu a hrila “Sadraka, Mesaka le Abednego hai Pathian chu inpâkin om ri se; ama’n irvân tirtônhai a zuang tîra; a siahlo a sinthotuhai chu a sansuaka, kha mihai khan an Pathian ti no chu pathian dang sintho loiin, chubai khom mûk loiin, an taksa an inhlan ngama.

DANIELA 6:23

Khanchu rêng kha a lôm tak taka, Daniela kha khur ata kêlsua hrangin thu a pêka, khanchu an lâksuaka, natna tuang viat loiin, Pathian a iamzoi sikin.

MIKA 5:5

Khan, hi mi hi ei irngeina ni a ta; Assuria mi kha ei rama hong a ta, ei rêng inhai a hong sir tika chu, ama doi hrangin belrapu sari le mi roiinpui kiriat inthang suak ei ti.

JOHANA 14:27

Irtharngamna nangni ki mâk pe, keima irtharngamna kêng nangni ki ipêk; rammualin a ipêk ang ni loiin nangni ki ipêk a ni. Nin milung dûk tong no ri se, chi khom chi no ri se.

JOHANA 16:33

Keimaa irtharngamna nin hmûna hrangin nin kuang hi thu hi ki insîr a ni; rammuala hin intak nin tuang ngai; khannisian hâi takin om roi! Keiin rammual kin hnê ta,” a tia.

ROM KHUAA MIHAI KUANGA TÎRTÔN PAULA LEKHATHON 5:1

Khasikin iamna sika thiam ei chang tâk sikin, ei Reng Jisua Krista zâra Pathian le irngeiin ei om ta.

FILIPI 4:7

Khanchu, mihriam inhriat phâk loi, Pathian irtharngamna khan nin milung le nin lungrîlhai kha Krista Jisuaa khan nangni enkol pe a ti.