ISAIA 26:21 - PATHIAN LEKHABU IRTHIANG C.L. Bible (BSI)

²¹ A omna irvân ata Rengpa chu zuang a ta. an sual sikin hnuai mihriamhai hremhai a ti. Inrûka mi thathai irphuang an ta, an ruakhai khom pil irkhu zoi ta no nihai.

ISAIA 26:21 ပူးပေါင်းရင်းမြစ်များ

JOBA 16:18

O irnêng ki thisen hi irkhu no’n lân, ki beidong chapnahai hi irngam hmun nei no ri se.

JOBA 20:27

Irvânhaiin a sualna chu inlangtir an ta, irnêng khomin theiloi inchangtir an ti.

ISAIA 10:3

Ram hlatak ata siatna a hong tung zoro, thuan nôkna nikhuaa khan itin mo nin itho ta hrang? Tu kuang mo changpuina nin la izong hrang, khôn mo nin irchon nin isia ta hrang?

ISAIA 13:11

Hnuai hi a sual sikin hrem ki ta, mi sualhai khom an sual sikin hremhai ki ti; mi lârirpâkhai irsongna chu inboi ki ta. Mi nunsia le irpâkhai chu irhnuai an ta.

ISAIA 18:4

Rengpa’n hiang hin ki kuang a ti, “Om chian unglân, ki omna hin thîr mai ki ti; kholum laia sûm a irthiang ang hin, bu ât zoroa irdo sûmmizun ang hin”, tiin.

ISAIA 22:14

Itinrêng Rengpa’n ki kuang a ihril, “An dam sûng chu, hi thil sual thôna sika hin ngaidamhai no ning, kei Rengpa itinrêng Rengpa’n ki ihril tâk hi chu,” tiin.

ISAIA 29:6

Phâivuapui le hnîngnu le irhâi siat tak takhai le kêllaiher-hai le, kâng irhmang thei mei ir-al zun zunhai le, Itinrêng Rengpa chu zuar thok a ti.

ISAIA 65:6

Dâisanhrekhai ta no ning, ki ihrem hrang dân irziak infel a ni zoi ta. An mal chunga buak khumhai ki ti.

ISAIA 65:7

An sualna chu, an irchihai sualna le a rêngin anni chunga thuanhai ki ti. Rengpa’n a ti. Tânghaia mirimhoi an hâl ngaia, mualhaia an ni hmusitna an inlangtir ngai; an sintho nuam ngai sikin hremna an chunga chum hrang chu ki zêk zoi ta,” tiin.

ISAIA 66:6

Khopui sûnga irhâi om chu, Tempil sûnga irhâi chu imo a inih ta? Rengpa phuba lâk irhâi a ni, a râlhai a ithuanna a ni.

EZEKIELA 8:6

Ama’n ki kuang, “Mihriam nâipa, an sintho hi ni hmu mo? Israel in sûngkuahaiin thil porinche liantak tak an itho hi ni hmu mo? ki hmun irthiang rengata hlataka ki fe irhmang pat theina hrangin. Hi nêka thil porinche ual la hmu nôk zêl ni ti,” a tia.

LUKA 11:40

Nin invêt bâka! pên tiang siamtu, Pathianin a sûng tiang khom a isiam mo ni ma?

LUKA 11:50

Khasikin, rammual irsiang ata deipuhai an lei that sikin, atûnlaia mihai hi denginthei ni an ti.

THUPHUANG 16:6

Mi irthianghai le deipuhai thisen insuatuhai kha thisen ni in intir lik tâk hi; an dongtum an ihmu kêng,” a iti kin hriat.

THUPHUANG 18:24

A sûnga deipuhai le Pathian mihai le irnênga ithat murdihai thisen suakna a ni sikin Babulon kha ihrem a ni.