ISAIA 26:20 - PATHIAN LEKHABU IRTHIANG C.L. Bible (BSI)

²⁰ Ki mihaio, in sûnga lûtin, in irkhâr khum unglân, Pathian ningmur a chum mâka chu lei irbi viat hi roi.

ISAIA 26:20 ပူးပေါင်းရင်းမြစ်များ

INPÂKNA HLAHAI 30:5

A ninginmur kha mitkhap kâr vai a nia; A indit bîknaa khan hringna a om ngai: Chapna hi riak hrangin khohloi tiang a hong lût theia, Zînga chu raifânna a zuang tung ngai.

INPÂKNA HLAHAI 27:5

Lunginzîng nia chu a riakbuka nir bîktir a ta; A saninzôkna puan ina khan ni thup a ti: Lungpui chunga nin dom inkhâi a ti.

MATHAIA 6:6

Nangni’n chu nin chongchai zoro’n, nin chontan sûngrîla lût unglân, in khâr unglân, nin Pa mita hmu theiloi kuanga khan chongchai roi. Khanchu, inrûka nangni hmu ngaitu khan nangni thuan a ti.

INPÂKNA HLAHAI 91:4

A mitha’n nang irkhû a ta, A mithâ hnuaia tûk lût ni ti; A thutak chu pho chîn le pho lian a ni.

THUVÂRHAI 18:10

Rengpa chu kulpui det tak ang kha a nia, mi felhai an intân lûta an zôk ngai.

INPÂKNA HLAHAI 17:8

Mi sia nin siattheitu, Ni doi hena ni hual vêltuhai ata chu mitlailên angin vong insa’n lân, Ni mitha hnuaia ni thup roh.

2 KORINTH 4:17

Sôtnote sûnga kin intakna tuang nêp taka hin kumtuang roiinpuina, tetûk inruk loi dôra irkhêl, a ni siam pe a ni.

ISAIA 10:25

Zoro sôtnotea chu ki ningmurna hek a ta, an chunga thuanhai ki ti.

INPÂKNA HLAHAI 32:7

Nang chu ki’rbîkna hmun ni nia; Nangma’n lungzîngna ata ni sansuak ni ta, Saninzôkna hlahaiin nir hualtir ni ti.

ISAIA 51:4

Ki mihaio, ki thu hi irngai unglân, ki nam chanpuihai hi an mikuar sung ri sehai, dân thu ki kuang ata a hong suaka, ki mihai vârna hrangin roirêlna dik siam pehai ki ti.

INPÂKNA HLAHAI 91:1

Anchungtaka irbîkna hmuna omna chu Itinrêngthotheia irhlîma khan om mai a ti.

INPÂKNA HLAHAI 31:20

Anni kha mihriam hnôlna ata khan ni saninzôkna mithmua thuppai ni a ti:

EZEKIELA 11:16

Khasikin, Rengpa pathianin hiang hin a ti, “Hlataka namhai laia nangni ki thonpaia, ram tamtaka nangni ki inthekindarh nâkin, zoro sôtloite sûngin an hong tungna rama khan an ta hrangin hmun irthiang ni ki ti,” a tia.

ISAIA 51:16

Irvân khi ki kaiphara, irnêng irnghatna ki phûma, Zion mihai kuang, “Ki mihai nin ni, nin hmûra ki thu ki sia ta, ki kut zapha laia ki sia insa ta,” ki iti kha.

INPÂKNA HLAHAI 143:9

O Rengpa, ni doituhai ata chu ni sansuakin lân; Ni ni thup hrangin ni kuang ki hong intân a ni.

INPÂKNA HLAHAI 57:1

O Pathian, lung nin kham ro, lung nin kham ro; Ki hringna hi nangmaa khan a tûk lûta: A ni, ni mitha hnuaia khan lômna zong ki ti, vânduainahai hi ar kiang mâka chu.

IRPHUTNA 7:1

Khan Rengpa’n Nova kuang khan, “Nang le ni in mi murdi chu irkuanga khan lût roi, nang vai kêng atûn lai thoithar laia chu ki mithmua mi fela nang ki ihmu a ini.

JEREMIA 31:14

Ochaihai chu bu tui tak leh vâihai ki ta, ki mihai chu ki satna khan khop sa an tih ti hi Rengpa thu suak a ni.

IRPHUTNA 7:16

Khanchu a lûthai chu Pathianin thu a ipêk angin an lût zoiin chu irkuang a khâra.

MATHAIA 23:37

“O Jerusalem, Jerusalem! Deipuhai thattu, Pathianin ni kuanga itîra omhai lei dêng thattu! Ârpuinu’n a têhai a mitha hnuaia a iop khôm angin ni nâihai voi iza mo op khôm ki tuma, nuam mak che?

JEREMIA 7:23

Khan, an Pathian ki nia, ki mihai an ni theina hrangin le ki thu zôm thei hrangin chu, thu ki ipêk an ni. Khante an ta hranga thil a fe insa mai theina hrangin ki thupêk ang taka, innun hrangin ki ihrilhai an ni.

JOBA 14:13

O, Seol-ah khan ni thup thei tan lân ki tia; Ni ningmur a hek mâka chu ni thupin lân, khannisianlân zoro inkung bîk ni siam pe’n lân, ni nin hriat maina hrangin.

THUVÂRHAI 22:3

Mi bengvârin chu siatna hong tung hrang a lei hmua, a lôi ngaia; inmôl rêkin chu ar chôm duma, a tuangna kai a ni ngai.

ISAIA 10:5

Assuria rêng chunga ningmurin that ki itum mai a ni, ki ningthik insumna’n ki hmanga.

ISAIA 13:5

Kôlkil ata hong an nia, irvân irsângna ata zuang chum an ni, Rengpa’n a ningmurna hriamhreiin ram pumpui insiat a ti.

ISAIA 34:2

Nam tin chunga Rengpa ning an mura, an sipaihai laia a ning an mur pe a ni. Thathai ving hrangin a siahai ta, that hrangin ar fûktir zoi ta.

ISAIA 66:14

Ama kha nin hmu tena chu lômin hong har thei nin ta, ilhling incher thar angin irnoi nutin om nin ti. Kei Rengpa hin ki siahlohai ki changpuihai ngaia, ki râlhai chunga ki ning an mur ngai ti inhre ta nin ti.

DANIELA 11:36

Reng khan a nuamlam takin tho a ta; ama chôiirsângin, Pathian tinrêng chunga a lian irti a ta, pathianhai Pathian sêlin thil irkhêl hril a ti: khan a ningmurna a hek pe ving mâka chu hlochuk a ta, a iti chu tho ngêt hrang a nia.

ZEFANIA 2:3

Nangni irnênga mi thuhnuairôl murdi, a thu zômtuhaio, Rengpa kha zong roi; Felna zong unglân, thuhnuairôl tum roi: Rengpa ninginmurna nikhuaa khan ithupin nin om thei itinin.

INPÂKNA HLAHAI 57:2

Pathian Anchungtak chu insam ki ti; Pathian itinrêng ni tho petu chu.

INPÂKNA HLAHAI 94:13

Mi sualhai tâkna hrang sirhup choi zoi mâka chu, Lungzîng nia sôl ni’rngamtir hrang a ni.