ISAIA 26:19 - PATHIAN LEKHABU IRTHIANG C.L. Bible (BSI)

¹⁹ Ni mi lei thihai chu thoi nôk an ta, an takpumhai thoi nôk a ti. Nêngpila zâl tâkhai har nôk an ta, râifân takin zâi an ti. Hnâ chuai tâk, irdo’n a inhartir nôk ngai ang hin, a thi tâkhai khom Rengpa’n zuan harhai nôk a ti.

ISAIA 26:19 ပူးပေါင်းရင်းမြစ်များ

DANIELA 12:2

Khan an laia tamtak irnêng vâiphina zâlhai chu hong har nôk an ta, senkhat inzâna le senkhat chu kumtuanga hmumâkin.

EFESI 5:14

Khasikin Pathian thua khom: “Nang inmusu, harin lân, Mithi lai ata thoi roh, Krista khan nang êl invâr a ti,” ti a ni kha.

MATHAIA 27:52

thânhai an hong irhonga, Pathian mi tamtak a thi tâkhai, taksa kha kaithoiin an oma,

HOSEA 13:14

Seol kut ata anni kha ki irtan hrang ma ni? Thina ata ki isansuak hrang ma ni? O thina, ni hripuihai kha khôn mo a iom? O sual, ni thân kha khôn mo om? lung nang inkham viat no ning, irlet khomsian uksak no ning.

HOSEA 6:2

Sûn hni tena nin hringtir a ta; sûn thum nia ni kaithoi a ta, a makunga om ei ti.

INPÂKNA HLAHAI 71:20

Nang, charindongna tamtak le irkhêltak ni nin hmutirin chu, Nin hringtir nôk a ti, Irnêng inthûk ata ni hruai suak nôk a ti.

ISAIA 25:8

Rengpa Pathianin thinahai chu invol a ta, a mihai mitrithi hui infâi a ti; rammual pumpuia a mihai inhnêa omhai khom om ta no ni, Rengpa’n kha kha a insîr tâk a ni.

FILIPI 3:21

Itinrêng ar cham hnuaia sia theitu khan, ei taksa intem tak hi ama taksa roiinpui anga om hrangin a sinthotheina khan a ni indanglamtir hrang a ni.

ZAKARIA 8:12

Lungthi takin an loimânhai tho an ta, an grep kunghaiin ra tamtak insua a ta, irnêngin bu le bâl insua a ta, rotui khom tamtak om sa a ti. Hi satvurna murdihai hi ki nama mi la omsunhai chunga intungtir ki ti.

1 KORINTH 15:20

Khannisian, Krista chu mithi lai ata kaithoi a ni ngêta, mithihai thoinôkna mahruaitu a ni.

HOSEA 14:5

Israel hrang khan irdorfîm ang ni ki ta, ama kha lili angin sa a ta, Lebanon tâng thing irzung angin a’rzung thâk irzar a ta.

FILIPI 3:10

Thil ki inuam tak chu hi hi a ni. Krista inhriathai, a thoinôkna sinthotheina dong hai, a ituang anga tuang hai, a thina irtemtuhai hi a ni.

INPÂKNA HLAHAI 22:15

Ki hnuk hi pil bêl angin a chârkhohroi zoi ta, “Ki milei khom ki danga a kop khak tâka; Nangin thina pila hin ni ni ihruai inlût tâk a ni.

DÂN INHNINA 33:28

Jakoba irchi Israelhai kha lungthi takin an om tâka, Bu le uain tamna rama an om tîr tîra, Irvân irdo’rfîm infa inlianhai khan an iam.

TÎRTÔNHAI SINTHO 24:15

Pathian ki iama, mi fel le felloihai thoi nôkna a om tih ki iam sa; kha kha anni ngeiin an iam sa.

ISAIA 51:17

Harin lân, harin lân, Jerusalem thoi ro, Rengpa ningmurna uain chu ni in ta, inrui thei dôrin ni iin a ni ta.

DÂN INHNINA 33:13

Josefa irchihai chungchâng hiang hin an sîr: “An ram kha Rengpa khan irvân irdo irfîmin infa sianlân, Irnêng sûngrîl ata tui leh satvur ri se.

DÂN INHNINA 32:2

Ki’rchutirna hi rua angin tho a ta, ki thu hi irdo angin tâ a ti. Hloisûl irnoi chunga rua ang le sûlhnâ chunga rua tui angin:

MATHAIA 27:58

Kha mi kha Pilata kuang a va fea, Jisua ruak chu a va nghia.

INPÂKNA HLAHAI 110:3

Ni râlhai ni doi ni sûn chu Ni mihai chu mâni irchamin hong irpe an ta; Zîng irdo angin ni vânglaihai chu ni tâng irthianga khan ni kuang hong an ti.

JOBA 29:19

Ki’rzunghai chu tuia inchiain, ki ônhaia irdôtui duiin zân sôt a om ngai.

1 SAMUELA 2:6

Rengpa khan a that theia, an hring nôk thei ngai; thâna an fetira, a hong hruai nôk ngai.

INPÂKNA HLAHAI 22:29

Irnênga mi nei intam murdihai khan fâkin chubai mûk an ti: pila chum hrang murdihai chu a makunga la kûn an ti. Mâni hringna inhring mai thei loi chu.

ISAIA 18:4

Rengpa’n hiang hin ki kuang a ti, “Om chian unglân, ki omna hin thîr mai ki ti; kholum laia sûm a irthiang ang hin, bu ât zoroa irdo sûmmizun ang hin”, tiin.

JOBA 14:8

A’rzung tar hong ta khomsian, a kung hnuaihai chu irnêng irchim tena bûiin lei thi ta khomsian;

INPÂKNA HLAHAI 88:11

Ni lungkhamzia chu thâna inhriattirin, Ni iamomzia chu irhmangna hmuna inhriattirin a iom hrang ma ni?