ISAIA 25:9 - PATHIAN LEKHABU IRTHIANG C.L. Bible (BSI)

⁹ Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

ISAIA 25:9 ပူးပေါင်းရင်းမြစ်များ

INPÂKNA HLAHAI 27:14

Rengpa kha nghâk mai roh; Hrât takin omin lân, ni milung kha inhâitir ri se; A ni, Rengpa chu nghâk mai roh.

MIKA 7:7

Keima rêkin chu Rengpa tiang en ki ta; ki saninhringna Pathian kha nghâk ki ta; ki Pathian khan a ni irngaitua hrang a ni.

IRPHUTNA 49:18

Khasikin Rengpa ni saninzôkna ki nghâk mai. Gada hi râlin doi an ta.

INPÂKNA HLAHAI 20:5

Ni saninhringnaa khan raifânin zâi ei ta, Ei Pathian irhmingin ei puan zârhai hi la zâr ei ti. Rengpa khan ni zongna murdi kha hlo nang inchuktir pe ri se.

THUPHUANG 1:7

En roi, ama kha sûm laia khin a izuang hrang a ni! Mi tinin hmu an ti, ama suntuhai ngei khomin hmu an ti. Irnêng chunga mi murdi’n ama kha châ an ti. Khaang tak khan la ni a ti! Amen.

TITA toc2 TITA 2:13

Ei Pathian roiinpui taka a zuang inlangna nikho lômom ei isabei hi hlo’nchuk zoro ei inghâk a ni.

ISAIA 35:2

Rama pâr sahai angin pâr suak an ta, râifân takin zâi an ti, Lebanon tâng angin roiinpui a ti. Karmel le Saron phâi angin enhoi a ti. Rengpa roiinpuina chu hmu an ta, kin Pathian satnahai le.

THUPHUANG 22:20

Hi thu inhretuhai hin, “A ni tak tak! Ki izuang hrang tâk kêng!” a ti. Amen, zuang ta roh, Rengpa Jisua!

2 PETERA toc2 2 PETERA 3:12

Pathian sûn tep nghâkhmo taka nin thîr mai lai hin mi irthiang, Pathian ta hranga irpêk mi nin ini hrang a ni. Kha tika chu irvân khi kâng irhmang a ta, a lum sikin ârsihai khom zôi zit an ti.

ISAIA 40:9

Tâng irsânghaia lui maiin lân, Zion kuanga thu lômom chu inring takin hril ro, Jerusalem kuanga thu lômom chu inpuang ro, indîn loiin Judai ram khopuihai chu hrilhaiin lân, “Nin Pathian chu a hong tung ta,” ti roh.

ISAIA 35:10

Rengpa irtanhai hong kîr an ta, zâipumin Zion pan an ta kumtuang lômna changin om an ti. Râifân lômin sip an ta, beidong le chapna om ta no ni.

INPÂKNA HLAHAI 100:1

Ram murdihaio, Rengpa chôiindômin raifân takin khêk roi.

INPÂKNA HLAHAI 9:14

Nangma inpâkna murdi chu kin hriattir theina hrangin; Zion nâinu mikothaia chu, Ni ni saninhringna hin râiinfân ki ti.

1 PETERA toc2 1 PETERA 1:8

Ama hmuloi khomin lung nin thunga, atûn ama nin hmu ual no khomin nin iama, raifânna irkhêl insîr thei loi le roiinpuina’n nin isip a ni;

1 PETERA toc2 1 PETERA 1:6

Fiana tinrêng nin tonga, nin lunginzîng khomin raifân takin om roi.

LUKA 2:25

Jerusalema khan mi inkhat, ar hming Simeona a oma. Ama kha mi fel le sakhua mi tak a nia, Israelhai irtharngamtir hrangtu kha a thîr maia; a chunga Irtha Irthiang a om.

ISAIA 35:4

Lungrîl sôlhai chu, “Ei Pathianin phuba la a ti, Nin milung inngar unglân, chi viat no roi, nangni thuan a ta, nangni saninhring ngêt a ti,” ti roi.

ISAIA 8:17

Keima’n chu Rengpa hi ki nghâk maia, Jakoba irchihai laia a ni la irbîk pe viat a ni hi; keima’n chu ki sabeina hi ama vai hin ki’rnghat maia.

FILIPI 3:1

A mongna taka chu ki urênghaio, Rengpaa khan lôm roi. Thu pangai dên irziak nôk hi ki ta hrangin ihnông om ni mah, nin ta hrangin inlâp a ti.

ISAIA 60:16

Nam danghai le an rênghaiin, nang inpâm an ta, an irhnuhai nan netir an ti, mi inzôktu chu, kei Rengpa hi ki ni, Jakoba mi hrât, a’rtantu chu ki nih ti inhre ta ni ti.

ISAIA 33:22

Rengpa chu roi ni rêl pe hrang ni a ta, Rengpa chu ei hruaitu a nia, Rengpa chu ei rêng a ni, Ama’n ni hrung mai a ti.

FILIPI 3:3

Eini Pathian Irtha zâra Pathian biak le Krista Jisua songa pên tiang thila irnghat loihai hi sertan dik tak ei ni ual a ni.

INPÂKNA HLAHAI 95:1

O hong roi, Rengpa chôiindômin raifân takin zâi ei ti. Ei saninhringna lungpui chôiindômin raifân takin khêk ei ti.

INPÂKNA HLAHAI 21:1

O Rengpa, rêng kha ni hrâtnaa hin raiinfân a ta, Ni saninhringnaa hin a raiinfân hrang bâka!

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

ISAIA 33:2

Rengpa kin chunga ni khonzâna insumin lân, nang kin nghâk mai, a ni tin kin hrâtna ni pe’n lân, beidong nia ni san inzôk ngai roh.

ISAIA 35:1

Ramchâr le tânghai chu lôm an ta, Ram kol têt tût chu raifânin om a ti.

ISAIA 37:20

Rengpa atûn hin a kut ata ni sansuakin lân, khanchu rammual murdia mihaiin nang vai hih Rengpa chu ni nih ti nan hre ving an ti,” a tia.

ISAIA 41:16

Zâp ni ta vuang inlêng a ta, kêllaiherin sêm irhmang zoi a ti. Rengpaa khan lôm ni ta, Israel mi irthianghai chu chôiindômin om an ti.

ISAIA 49:23

Renghai chu ni pahai ni an ta, rêngnuhai dônhai an ti. Irnênga khûksadelin chubai nang mûk an ta, ni kea vâiphin kop chu inliak an ti. Keima hi Rengpa ki nih ti nin hriat theina hrangin, a ni nghâktuhai tûte mualphoi irla no nihai.

ISAIA 51:3

Rengpa’n Zion khua chu lung a thunga, A khua chîn sûnga omhai irtharngam a sakhaia; a ram ite sa thei ta loihai khom, Eden irhuan angin siam a ta, a ram siat tâk chu Rengpa’n irhuan inchangtir a ti. Kha khan râifânna le lômna om a ta, lômthu hrilin inpâkna hla sak an ti.

ISAIA 52:10

Mi tin mithmua Rengpa’n a bân irthianga khan a râi an fân ta, rammual pumpui khom hin, Pathian saninhringna chu hmu thei an ti.

ISAIA 61:10

Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

ISAIA 64:4

Nangma nang innanghai ta hrangin mita hmu ngai loi le mikuara inhriat ngai loi, sintho ngaitu Pathian chu nangma vai ni nih.

ISAIA 65:18

Ki thilsiam thara chu, lômin râifân kumkhua ta nin ti. Lômna’n Jerusalem ki siam inthara, a mihai khom lôm mai an ti.

INPÂKNA HLAHAI 33:20

Ei hringna hin Rengpa a nghâk maia, ama kha ni changpuitu le ei phô a ni.

INPÂKNA HLAHAI 33:21

Amaa khan ei milung hi raiinfân a ta, A’rhming irthiang ei iam sikin.

INPÂKNA HLAHAI 40:17

Kei chu inriang le invâi tak ki nia, Khannisianlân Rengpa’n a ni ngaitua ngaia: Nang chu ni changpuitu le ni saninzôktu ni nia; O ki Pathian, ir-ial viat no roh.

HABAKUKA 3:18

Rengpaa khan raiinfân ki ta, ki saninhringna Pathiana khan lôm ki ti.

ZAKARIA 10:7

Israel mihai chu sipaihai angin hrât an ta, Uain intu angin raifân takin la om an ti. An irchi suanpârhaiin hi inhnêna hi inhre mai an ta, Rengpa sinthohai sikin an râi la fân a ti.