ISAIA 24:23 - PATHIAN LEKHABU IRTHIANG C.L. Bible (BSI)

²³ Tha le misahai khom inzak an ta, Zion tânga Jerusalem, Tinrêng Rengpa chu rêngtoihmuna toi a ta, ulianhaiin a roiinpuina hmu ngai an ti.

ISAIA 24:23 ပူးပေါင်းရင်းမြစ်များ

ISAIA 60:19

Sûna misa chu ni vârna ni ta no nia, Zâna tha khom ni meiser ni no nia, Rengpa kha kumtuanga vâr nang ni pe ta a ti, Pathian roiinpuina khan nan vârtir pe ta a ti.

THUPHUANG 21:23

Khopui êl hrangin misa le tha nang ta mah, Rengpa roiinpuina khan a êla, Belrate kha a meiser a ni.

ISAIA 13:10

Irvâna ârsi le sikhovârhai khi, an vârna tôm a ta, misa suak khom inthim a ta, tha khom vâr ta no ni.

THUPHUANG 22:5

Zân om ta no nia, meiser le misa khom nang ta no ni; Rengpa Pathian khan êl invâr ta a ta, kumtuang kumtuangin rênghai angin roirêl ta an ti.

HEBRAI toc2 HEBRAI 12:22

Nangni chu Zion Tâng, Pathian hring khopui, vân Jerusalem le Vântîrtôn sâng tamtakhai omna nin ingîr a ni.

MIKA 4:7

Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.

ISAIA 30:26

A mihai sâbe tuam pehai a ta, an popnahai a dam zoi tena chu, tha khi misa nêkin vâr a ta, misa khom vâr irkhêlin hapta khat vâr irthûl sûn khatin vâr hrât a ti.

ISAIA 12:6

Zion tânga omhmun khuarhaio, Râifân takin zâi unglân, khêk suak roi; Nin laia om, Israel mi irthiang chu a roiinpui ok a ni.

THUPHUANG 19:6

Khanchu, mipui tamtak hnukirhai angin le tuitâk irhai angin le khonripui irhai angin, “Haleluia, Rengpa ei Pathian Itinrêngthothei khan roi a rêl ta!

THUPHUANG 19:4

Khanchu, upa sômhni minlihai le thilhring minlihai khan inbokin, “Amen! Haleluia,” tiin Pathian, rêngtoihmuna toitu kha chubai an mûka.

THUPHUANG 14:1

Khan ki hong ena, Belrate kha Zion Tânga, mi 144,000 (Nuaikhat sîngminli sângminli) an michala ar hming le a Pa irhming irziakhai leh ngîrin ki hmua.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

JOELA 3:15

Misa le thahai an inthima, ârsihaiin an vârna an thupa.

JOELA 2:31

Misa inthim a ta, tha thisena chang a ta, Rengpa nikhua roiinpui tak le irkhêltak kha a zuang tung mân.

DANIELA 7:27

Khan ram le roirêlna, irvân pumpui hnuaia ram roiinpuina chu inchungtak mi irthianghai kuanga pêk ni a ti: a ram chu ramhlu a ni sikin, a iop ram murdi’n a sintho an ta, ama iam an ti.

DANIELA 7:18

Khannisian inchungtaka mi irthianghaiin ram chu chang an ta, kumtuangin kumkhontuanga ta hrangin.

ISAIA 52:7

Zion kuang, “Ni Pathianin roi a rêl ta,” a tia. Suaka zôkna thu lômom hmun tina inpuanga, irngeina Thurchi Sa intungtuhai ke chu en a hoi vang na!

INPÂKNA HLAHAI 97:1

Rengpa chu rênga a toia; irnêng hi raifân takin om sianlân; Chômbung tamtak takhai chu lôm takin om ri sehai.

FESUAKNA 15:21

Miriami’n, anni hrang hla a sak pehaia: “Rengpa chu inpâkin hla sak roi, ama khan inhnêna roiinpui takin an hnê tâk sikin; sakor le a chunga chuang murdi’n tuipuia an pai lût tâka.

MATHAIA 6:10

Ni nuamlam irvâna mi’n an isin angin, irnênga mi’n sin ri se.

MATHAIA 6:13

Thêmnaa ni hruai inlût no’n lân, mi sualhai ata ni saninhring roh,’ tiin.

MATHAIA 24:29

“Khan, kha dengthei zorohai kha ar zoi le chu misa inthim a ta, tha vâr ta no ni, irvân ata ârsihai tâk a ta, irvân sinthotheinahai kha inhnîng a ti.

ISAIA 33:17

Reng inditom tak hong hrang, nin mitin hmu nin ta, ram irzattak chunga roirêl a ti.

ISAIA 60:1

Thoiin lân, vâr suak ta ro, ni vâr a hong tung ta, Rengpa roiinpuina khan nang an vâr pe ta.

ISAIA 60:20

Nangma hrangin chu misa tâk ta ngai no nia, tha khom inlang loi nî om ual no ni. Rengpa kha ni kumtuang vâr ni a ta, lusûnna nei ta no chi ni.

EZEKIELA 48:35

A’rhîlin mûk sîngkhat sângriat ni a ta; kha khopui irhming kha, kha nî rengata chu, “Jehova Sammah ni a ti,” tiin.

ZAKARIA 14:6

Kha zoro kha a hong tung tena chu, a dâi le izil om ta no nia,

ZAKARIA 14:7

inthim khom om sa ta no ni. Zâna khom vâr mai ta a ti. Rengpa vaiin hi zoro tung hrang hi a inhriat a ni.

ISAIA 33:22

Rengpa chu roi ni rêl pe hrang ni a ta, Rengpa chu ei hruaitu a nia, Rengpa chu ei rêng a ni, Ama’n ni hrung mai a ti.

OBADIA 1:21

Zion tânga khan Esaua tâng rêl pe hranga sansuaktuhai hong kâi an ta; Khan, ram kha Rengpa ta ni a ti.