ISAIA 24:18 - PATHIAN LEKHABU IRTHIANG C.L. Bible (BSI)

¹⁸ Thil ichiom hmua intânhai chu, irnêng chim siatnaa tâ an ta, khatak ata la hong suakhai chu, an omna hmun hmîmin kai pehai mai a ti. Irvân tukver irhongin ruapui hong tho zut zut a ta, irnêng pumpui inhnîng a ti.

ISAIA 24:18 ပူးပေါင်းရင်းမြစ်များ

IRPHUTNA 19:24

khan Rengpa’n Sodom le Gomora khua chunga khan irvâna Rengpa kuang ata meiri-al ropuivânsâng angin an thotira;

IRPHUTNA 7:11

Nova chu kum 600 a ni kum, tha hni le sûn sôm hleisari nî chu, tuipui inthûk tak sipin a sinthônaa omin, irvân tukver a’rhong pe tâka.

2 RÊNGHAI 7:2

Reng hrung ngaitu sipai hruaituin, Pathian mi chu hiang hin a sâma, “Rengpa’n irvân tukver inhongin rua inthotir khomsian, khaang khan chu tung ual le irhoi ma!” a tia. Elisa’n, “A hmu chu hmu thei ni ta, fa thei ual no chi ni,” a tia.

JOBA 20:24

Thîr ufei chiin intân khomsian, Dâr thalin kâp irhlet a ti.

INPÂKNA HLAHAI 18:15

Kha tika chu, O Rengpa, ni halna sikin, Ni hnâra phûk suak khan a sêm rak sika khan, Tui luangnahai a hong inlanga, Irnêng irnghatnahai kha inlangin a om tâka.

INPÂKNA HLAHAI 18:7

Kha zoro lai khan irnêng hi an hnînga, an thing tâka.

INPÂKNA HLAHAI 18:8

A hnâr ata meikhu an ding ngut ngut tâka, A bâia suak mei khan a kâng zuak zuak tâka, Kha khan meihol khom a’raltir zur zur tâka.

THUHRILTU 9:12

Khan, mihriamin zoro chu itika mo a hong tung hrang ti inhre viat mah. Ngahai chu lêna khum le, vahai chu chânga khit angin, mihriamhai khom zoro saloiin irningloiin a khumhai ngai.

ISAIA 13:13

A ningmur a hong tung tena chu Itinrêng Rengpa’n irvân khi inhnîngtir a ta, irnêng khom nok a ta, a omna hmun ata nok a ti.

ISAIA 2:19

Irnêng nok inhnîng hranga a zuang tena chu, Rengpa inzak omna roiinpui le chiomna khêl hrangin, rôl ir-ônghaia lût an ta, khurpadopa irbi zoi an ti.

ISAIA 2:21

Irnêng nok inhnîng hranga a zuang tena chu, Rengpa inzakna roiinpui le ichiomna khêl hrangin rôl le lung ir-ônga irbi zoi an ti.

ISAIA 42:22

(Khannisian hi mihaiin rokna le longhai an tonga, Sirhupa an tâka, intângna ina an intâng zoia; Sala hrangin chel an nia, a san hrangtu tûte om mahai.

ISAIA 8:14

A’rthiang hrai sikin Israel in sûng mi inhnihai hrangin irfûina hrang lung, irfûia irtetna hrang chu a ni. Jerusalema omhai hranga tâkna hrang khur an khitna hranga châng a ni.

JEREMIA 48:43

Ichiom, khurpadop le chângin Moab mihai chu a lei inghâkhai chian a ni. Rengpa’n a iti a ni.

JEREMIA 48:44

Ichiom ata laizâm thotuhai kha khurpadopa tâk an ta, khurpadop rengata la hong suak nôkhai kha chânga khit an ta, Rengpa’n Moab siatchitna zoro ar fûktir sika khan.

CHAP HLA 3:47

Thil irkhêl tak le tuang theiloi rakin kin iom a ni ta.

EZEKIELA 11:8

Nin ichi tak, khandai chu nin chunga hong intungtir ki ti, Rengpa pathianin a ti.

EZEKIELA 12:13

Ama chu ki lênin khum ki ta, ki chânga khit a ti: Kaldai rama Babulon-a khan hong hruai ki ta, kha khan thi hrang ni khom sianlân, hmu chu hmu no ni.

EZEKIELA 15:7

Anni chunga ki hmâi irnghat ki ta; mei ata fesuakhai khom sian mei ngêtin anni chu kâng irhmang ngêt a ti. Meia khan anni tiang ki hmâi ki’rnghat tikin Rengpa chu ki nih ti nin hre ta an ti.

AMOSA 5:18

Rengpa nikhua nuamhaio, nin chung a zîng e! Ithoa mo Rengpa nikhua kha nin inuam? vâr ni loiin inthim a ni ual.

AMOSA 5:19

Kâmkeibaknei rotsana, savom tong mi ang le ina lûta, bang chunga kut irnghata, mirûlin a inchuk ang a ni.