ISAIA 24:16 - PATHIAN LEKHABU IRTHIANG C.L. Bible (BSI)

¹⁶ “Kôlkil ata, mi dikhai chu chôiindômhai roi,” tia hlasak irhâi inhria ei ti. Ki’rzal ta, ki’rzal ta, ki lu chung a rik! a ni hnôltu’n a ni hnôl maia, a ni ihnôl dân khom a irkhêl a ni.

ISAIA 24:16 ပူးပေါင်းရင်းမြစ်များ

ISAIA 21:2

Intângna in ichiom tak a ni’rhmutira, kâng inzôina tui a’rsok but buta, inrûk ngaituhaiin an inrûka, Elam sipaihai, imo nin la ien mai, Media sipaihaio, kulhai kha doi ta roi ba, mi dang charindongtirtuhai chu inhek paihai ki ti.

JEREMIA 5:11

Israel le Juda mihai khan an ni idoi a ni,” Keima Rengpa hin ki itih a ni ta.

ISAIA 33:1

Thil la’rhmang ngai loi, mi ta rok pehai ngaio! Mi ihuang ngai loi, mi huanghai ngai hin, nin rok zoiin chu inrûkna tong nin ti, nin huanghai zoiin huangin om nin ti.

JEREMIA 3:20

Khan iamom loi dôngma ang taka, ki ta hrangin iamomin lei om ngai mak chea,” ti hi keima Rengpa’n ki iti a ni.

THUPHUANG 15:3

Pathian suak Mosia hla le Belrate hla an saka, “Rengpa Pathian Itinrêngthothei, Ni sinthohai chu a roiinpuiin ar khêl tak tak! Nangma chu nam tinhai laia Inlaltak, Ni lampuihai chu a felin a dik tak tak!

TÎRTÔNHAI SINTHO 13:47

Khaanga tho hrangin Rengpa’n thu a ni ipêk a ni. ‘Jentailhai invâr hrangin nang kin kung, kôlkil dêna mihai Saninhringna hrangin,’ ti irziak ang khan,” an tia.

MARKA 13:27

Kha tikin chu kôlkung ata kiang tianga kôlkung dêna rammual kil minli sûng ata Pathian mi inthanghai bûm hrangin vântîrtônhai tîr suak a ti.

HABAKUKA 1:3

Ithoa mo pualoinahai ni nin entira, thil dik loi takhai hi ni ien mai? irrokna le irmanêpna hai, ki makunga an om maia: Irkhalna le irngônahai a hong isuak a ni.

MIKA 5:4

Ama kha chu ngîr a ta, Rengpa hrâtna’n a sâ rual kha infâ a ta, Rengpa a Pathian irhming roiinpuina ngei khan: khan, anni kha zôkin om mai an ta; ama kha irnêng mong dênin a iroiinpui hrang a ni.

HOSEA 6:7

Khannisianlân, Adama angin thuthung kha an tho’nsuala, khataka khan vâr irlet takin ki chunga an itho a ni.

HOSEA 5:7

Rengpa chunga vâr irlet takin an ichai a ni, nam dang nâihai an neia; tha thar khan an loihai le ileh irhmangna tung a ti.

CHAP HLA 1:2

Zâna khom chap khovârin, A bianga mitrithi irte don don a luanga. Ama irngaiirsânga lungkhamtu dang nei loiin a rualhai huangin, a râl an chang zoi ta.

JEREMIA 12:6

Ni irzirpui ni in mihaiin nang an phiara, nang doi hrangin an irrual a ni. Satakin nang an chongpui khomin, anni chu iamhai no ro,” a tia.

ISAIA 60:21

Ni mihai chu mi dik ni ving an ta, ram chu lua mai ta nin ti. Keima iphun ki kut suak a ni sikin, ki roiinpuina mi tin mithmua kin langtirna a ni.

ISAIA 52:10

Mi tin mithmua Rengpa’n a bân irthianga khan a râi an fân ta, rammual pumpui khom hin, Pathian saninhringna chu hmu thei an ti.

ISAIA 48:8

Nin la inhriat ngai loi, nin la ihmu ngai loi, matona khan mikuar khoma nin inhriat thei loi, mi huang ngai ni nih ti kin hriat, nin suak ata tehel lei zong ngai mi nin nia.

ISAIA 28:5

Kha ni tena chu Itinrêng Rengpa’n, a thi zoi loi la om, a mihai hranga rênglukhum roiinpui sil le kai satak ang ni a ti.

ISAIA 26:15

Rengpa’n ei nam a nin pungtira, a nin liantira, ei omna ramri a ni’rzatir pea, nangma chôiindômin ni iom a ni ta.

ISAIA 17:4

Kha ni tena chu Jakoba roiinpuina irhmang a ta, ar chonga, khannisian hon riang ok nôk ta a ti.

ISAIA 10:16

Khasikin, itinrêng Rengpa ngêtin mi mar takhai khom kôngna hri irveitirhai a ta, mei angin an phîng inlumtir pehai a ti.

INPÂKNA HLAHAI 106:15

An thil ngên a pêkhaia, Khannisianlân, an chunga khan hri tamtak khom a tîr pehai saa.

INPÂKNA HLAHAI 98:3

Israela insûng mihai chunga a lungkhamzia le a iamomzia kha an hriat maia: Kôlkunga mi murdi khomin ei Pathian saninhringna kha an hmu tâka.

INPÂKNA HLAHAI 67:7

Pathianin sat ni vur a ta, Kôlkunga mi murdi khomin ama chi an ti.

INPÂKNA HLAHAI 58:10

Mi felin chu phuba lâkna a hmu’n lôm a ta: Mi pualoi thisena khan a ke chu irsûk a ti.

INPÂKNA HLAHAI 2:8

Ni nghi roh, khanchu nam tin tin nir chon hrangin nang pe ki ta; Rammual pumpui ni ta ni zit a ti.

FESUAKNA 15:11

“O Rengpa nangma anga Pathianhai laia tu mo a om? Tu mo nangma anga irthiangna tianga roiinpui? Tu mo sinirkhêl le sin roiinpui ni isin anga sin thei?

JEREMIA 12:1

Rengpa ni chunga hin chiar mai khom inlân, nang chu ni dik mai ngai a ni. Khan ni roirêlna dân hi nang ki irdon a ni. I lo hrangin mo, mi pualoihai chung an tuar bâka; mi dik loihai hlo an ichuk ngai.

LEVI DÂN 26:39

Nin râlhai rama la dam sun omhai khom nin sualna sik le nin pahai sualna sikin zui irhmang nin ti.

INPÂKNA HLAHAI 65:8

Kôlkung monga omhai khom khan ni inhriatnahai kha an chi ngaia: Zîng le khohloi suaknahai kha raifânin an khêktir ngai.

INPÂKNA HLAHAI 119:158

Vârirlethai chu lunghoi loi takin ki ena, Ni thu an zôm no sikin.

ISAIA 11:12

Nam tinrênghai mithmua irsinsiana târsuak a ta, Israel an inhnotsuakhai le Juda a rothai khom kôlkil minli ata hruai suakhai a ti.

ISAIA 42:10

Rengpa inpâkin hla thar ngêt sak unglân, rammual pumpui hin inpâk ri sehai; Tuikhangliana fehai le a sûnga omhaiin, chômbunga omhai le a sûnga omhai khomin inpâk ving ri sehai.

HABAKUKA 1:13

Nang chu sualna hmûna ngai nêpa mit irthiang ual nei ni ni, irtheimâkna kha ni ien theiloi a ni, Khasikin, pualoi taka thotuhai kha hmu chianin, Mi siain ama nêka fel ual a inlem zoi lai khomin, itho sika ni idâisan hrek ngai mo?

ISAIA 6:5

Keima’n chu, “E hei! ki ithi a ni ta! hmûr saloia sip, hmûr porinchea siphai laia om, Anchungtak itinrêng Rengpa chu ki mitin ki hmu ta,” ki tia.