ISAIA 23:11 - PATHIAN LEKHABU IRTHIANG C.L. Bible (BSI)

¹¹ Rengpa’n Tuikhanglian chunga khom a kut a thâk, Reng ram tamtak a hril insiata, Kanaan mihai hmunpui, insiatpai hrangin Rengpa’n thu a pêka.

ISAIA 23:11 ပူးပေါင်းရင်းမြစ်များ

FESUAKNA 14:21

Mosia’n Tuipui chunga a kut a phara; Rengpa’n zân sôtin nisua tianga phâivua a hong inhrângtira, Tuipui kha a sêm inkîrtira, khanchu Tuipui kha irnêng châr a hon changtira, Tuihai kha irsen chitin a oma.

JOHANA 2:16

Khanchu phervali zuartuhai kuang khan, “Hi hi la suak roi, Ka Pa in hi bazar hmunin siam no roi,” a tia.

MARKA 11:17

Khanchu, an kuang, “ ‘Ki in chu nam tin ta hranga chongchaina in ti an tih,’ ti irziak a ini loi ma ni? Nangni rêkin chu inruhai chêng inbualna’n nin isiam hi,” tiin a’rchuhaia.

ZAKARIA 14:21

Jerusalem le Judai ram murdia bêl le bûrhai chu Rengpa Pathian biakna hranga ison ni ta a ti. Thilinhlan inhlantuhaiin thilinhlan hmêhai suangna hrangin hmang an ti. Kha zoro kha a hong tung tena chu Rengpa Pathian tempila khan Kanaan mihai rêng rêng om ta no nihai.

HAGAIA 2:7

Nam tinrênghai kha inhnîngtir ki ta, nam tinrêng thil inuamhai kha hong tung a ta, hi in hi roiinpuina’n insiptir ki ta, sipaihai Rengpa khan a ti.

NAHUMA 1:14

Rengpa khan ni chungchânga thu a pêka, nir hming irput hrang irchi nei no chi ni. ni pathianhai in ata millim siam chop le millim sûnhai kha inboipai ki ta; ni thân siam ki ta; ni sual sikin,” tiin.

EZEKIELA 31:16

Mithi khuaa ki tîr tena chu, a’rtetna irhâi khan nam tinhai chu inthingtir a ti. Khan Edena thingkung murdihai le, Lebanon-ah thing sa, tui leh donsui inliana omhai, irnêng hnuai tianga fe tâkhai kha a’rtetna sika khan an râiinfântir an ti.

EZEKIELA 26:10

An sakorhai vâiphin inkhû khan nang bôm a ta, khopui siat dâi mikothaia an lût tena chu, an sakor thilkai irhâi le an tâlihai leh khan ni banghai chu inhnîngtir an ti.

JEREMIA 47:7

Hi sintho hrang ki pêk laiin, ama chu itin mo irngam thei a ta? Ama chu Askelon doi hrangin thu ki pêka, tuipui kôla mi a omhai khom kha,” a tia.

ISAIA 25:2

Khopuihai chu nin siattir theia, A kulhai khom nin chimtira, Nam dang khopuihai ram zoiin, siam insa ni ta no ni.

ISAIA 23:3

Sihor phâia bu, Nail vadung kôla vâng chu nin zu’rchôka, ram dang tiang nin zuar nôka,

ISAIA 10:6

Pathian inhre loihai nam doi hrangin ki tîra, ki ninginmurtirhai thatpaihai hrangin, va huanga van ru pe hrangin, kholâi dialdôk anga sirpol hrangin.

ISAIA 2:19

Irnêng nok inhnîng hranga a zuang tena chu, Rengpa inzak omna roiinpui le chiomna khêl hrangin, rôl ir-ônghaia lût an ta, khurpadopa irbi zoi an ti.

INPÂKNA HLAHAI 71:3

Ki ta hrangin omna lungpui, ki fe mai theina hrang lei ni ro: Nangin ni saninhringna hrangin thu ni pêka; Ki kulpui le ki lampui ni nia,

INPÂKNA HLAHAI 46:6

Nam tin an irse mur mura, ramhai chu an hnînga: Ama chu ar hâi a suaka, irnêng hi a hong zôi tâka,

IRPHUTNA 9:25

Khanchu, “Kanaana chu khosâl tongin om ri se; a urênghai siahlohai siahlo ni ri se,” a tia.

ISAIA 5:25

Khasika khan a nih Rengpa ningmurna chu mihai chunga a zuang itung a ni. A kut irlekin a vîkhaia. Khanchu tânghai hi inhnîng a ta, mithi ruak chu sahrok angin, kholaidunga irthek rumin, kha dôr khom khan a ningmurna hek ual maka, a kut a la thâk maia.

ISAIA 13:13

A ningmur a hong tung tena chu Itinrêng Rengpa’n irvân khi inhnîngtir a ta, irnêng khom nok a ta, a omna hmun ata nok a ti.

ISAIA 14:26

Rammual pumpui ta hrangin hi hi ki itho tum chu a ni. Nam tinrênghai laia ki kut ki’rlek a ni ta hi,”

ISAIA 19:5

Nail vadung chu kang a ta, lizôlhai khom inlang ving a ti.

ISAIA 23:10

Nail vadung kôl angin nin ramhai tukirlet unglân, Tarsis mihaio, irkuang irngamna nei ta mak chêi.

ISAIA 50:2

Ki hong lai khan tûte’n ni uksak mak chêia, Nangni ki koi lai khan tûte’n ni sâm mak chêi; sansuakna hrangin ki kut a ibong mo nin isôn? Sansuak hrangin ki ihrât loi mo nin isôn? tuipui khom ki hala, a kang theia, Tuipuihai khom kin chârtir thei, tui a om no sikin nga an thia, an thu zoi ta.

EZEKIELA 26:4

Ni khopui banghai insiatpai an ta, ni in irsânghai insiatpai an ti. Khanchu keima’n vâiphin murdi chu phîtinfâi ving ki ta, lungpui inchangtir ki ti.