ISAIA 20:3 - PATHIAN LEKHABU IRTHIANG C.L. Bible (BSI)

³ Asdod khua an lâk kumin Rengpa’n, “Ki siahlo Isaia chu kum thum sûng kekok bun loiin korongin a oma, ama hi Aigupta le Ethiopia chungchânga irsinsiana le thilirkhêl ni a ti.

ISAIA 20:3 ပူးပေါင်းရင်းမြစ်များ

ISAIA 19:4

Aigupta-hai chu hruaitu pualoi tak kuta pehai ki ta, rêng sual takin an chunga roirêl a ti, Rengpa itinrêng Rengpa thusuakin a ti.

ISAIA 37:9

Ethiopia rêng Tirhaka thurchi chu Assuria an hrila, Ama doi hrangin a hor siam ti an hriatin, Hezekia kuanga palai a tîra.

ISAIA 43:3

Kei Rengpa hi ni Pathian chu ki ni, Israel mi irthiang ni saninhringtu chu, nangma irtanna’n Aigupta ki pêka, nangma le irthûlin Ethiopia le Seba ki pêka.

ISAIA 8:18

En ro, keima le Rengpa ni ipêk nâipanghai hi, Zion tânga om tinrêng Rengpa’n Jerusalem mihai hranga irsinsiana thil irkhêl tak ni hrangin a ni ti a ni.

JEREMIA 13:1

Rengpa khan a va fea, ki ta hrangin diar irphân irchôka kai hrangin tuia khom phûm loi hrangin a ni hrila.

EZEKIELA 12:6

An mithmu ngeia khan ni puak chu ni dârsuama irput ni ta, inthim kâra ni isuakpui hrang a ni. Irnênga lampui ni hmu thei loina hrangin ni mit kha puan leh tuam ro; Israelhai ta hrangin irsinsianaa nang ki isiam hrang a ni,” a tia.

EZEKIELA 30:4

Aigupta rama irdoi om a ta, ram chu longindarin om a ta, insiat chita mâksanin om a ti.

EZEKIELA 30:6

Khan, Rengpa Pathianin hiang hin a hrila, “Hmâr tianga Migdol ata le sim tiang Aswan ata Aigupta hrungtuhai chu thatpai ving ni an ta, khanchu Aigupta ram ata sipai omlianhai chu inboipai ni an ti. Kei Rengpa Pathian hin ki iti a ni.

EZEKIELA 4:1

Khan Pathianin, “Nang, mihriam nâipa, irnêngpila siam lung phêk lan lân, ni hmâi makunga sia’n lân; Jerusalem khopui illim irziak roh.

EZEKIELA 4:3

Khan, thîrphêk lan lân, nang le khopui kâra khan bang angin intung ro. Ni hmâi chu khopui tiang irheiin lân, ni irhual angin siam ro, hi hi Israel in sûngkuahai irsinsiana ni a ti.

ZEFANIA 2:12

Nangni Ethiopia mihai khom ki khandaia thatin om nin ti.

ZAKARIA 3:8

Atûn irngai ta, O Josua ochai inlaltak: Nang le ni rualhai ni makunga toihai leh irngai roi, thil sa hong tung lei entîrna an nia: irngai roi, ki siahlo incher irnôi kha ki hong insua hrang a ni.

NAMBAR 14:34

Ram nin va enirchikna sûn dôr, sûn sômminli chu, sûn khat irthûla kum khat angin, kum sômminli chu nin tho’nsualna sikin kum sômminli tuang nin ta, khanchu keima nin ni idoina hi a omzia inhre suak ta nin ti.