ISAIA 20:2 - PATHIAN LEKHABU IRTHIANG C.L. Bible (BSI)

² Kum thum lei fe tâka khan Amoza nâipa Isaia chu kekok bun loiin, bora puan sil ta loi hrangin Rengpa’n thu a pêka, a iti angin a thoa; korongin kekok bun loiin a oma.

ISAIA 20:2 ပူးပေါင်းရင်းမြစ်များ

2 SAMUELA 15:30

Davida chu chap pumin oliv tâng kha a luia, a beidong inlangtirna hrangin a lu a’rkhûa, ke leh ngot a fea. A kôla mihai khan an lu an khum chita, chap pumin an lui sa tâka.

2 SAMUELA 6:20

Kha irzoiin chu Davida kha a insûng mihai satvur hrangin a kîr nôk tâka. Saula nâinu Mikali kha Davida don hrangin a hong suaka, “A vuana Israel rêng chu a roiinpui vang na! Mi chanlamboi inzakna inhre viat loi, korongboia om ang dôra a vuan hin a zuitu dôngmatehai mithmua korongboiin a iom kha na!,” a lei tia.

2 RÊNGHAI 1:8

Anni khan, “Pa mul tamtak nei mi a ni; savun kongkhit ar buna,” an tia. Ama khan, “Tisbe mi Elija ni a ti,” a tia.

INPÂKNA HLAHAI 30:11

Ki mithi irngaina chu ki hrangin lômna nin changtir tâka; ki bora puan chu ni hlîkpaia, raifânna’n ki konga ni ni khit tâka;

FESUAKNA 3:5

Hong nâi no ro; ni kea kekok kha khek ro, ni ngîrna hmun kha hmun irthiang kêng a ni,” a tia.

ISAIA 1:1

Uzia hai, Jothama-hai, Ahaza hai, le Hezekia-hai Judai rama an inlal laia Amoza nâipa Isaia’n Judai ram le Jerusalem khuaa inlârna a ihmu thurchi chu;

ISAIA 13:1

Babulon chungchâng chu, Amoza nâipa Isaia ihmu chu:

ISAIA 37:2

rêng sûngkua enkoltu Eliakima hai ziaktu Sebna hai le Ochaihai laia ulianhai chu bora puan silin Amoza nâipa deipu Isaia kuang a tîra.

JEREMIA 48:37

An rêngin an lu an ep inkola, an hnerkamulhai an paia, an rêngin an kut an âta, mi tinin bora puan an sil tâka.

EZEKIELA 24:17

Ni irhniak irhâi khom inhriat hrang om no ri se, ni ichûlpuina lukhum loiin mani, ni ke rong khomin fe no roh. Ni hmâi hîp no’n lân, khanchu a chûlpuihaiin thil an ifâkhai khom fa sa no ro,” a tia.

EZEKIELA 24:23

Lukôm loiin mani, ke rongin mani, chûlpuiin mani, chapin mani om ta no chin ni. Nin sualnahai sikin irhmang nin ta, chûlpui irhlômin om nin ti.

EZEKIELA 4:1

Khan Pathianin, “Nang, mihriam nâipa, irnêngpila siam lung phêk lan lân, ni hmâi makunga sia’n lân; Jerusalem khopui illim irziak roh.

EZEKIELA 4:5

An kum khat sual sik kha sûn khat nang intuangtir ki ti, sûn sôm irzathum le sûn sômkuak sûng Israelhai sual chu tuang ni ti.

MIKA 1:11

O Safir hmuna omhaio, silkaiboi le inzak takin fe irhmang roi: Zanan hmuna omhai chu hong suak ngam no nihaia, Beth-ezel mihai chu kamangin an inhrûma, kha kha nin inhriatin chu zôk thei ual bîk chi ni mah ti inhria nin ti.

MIKA 1:8

Hi sika hin chap ki ta, khêk rak rak ki ta, irkhek le silkai boiin om ki ti; sihalhai angin inrung ki ta, va ringseihai angin inhrâm ki ti.

ZAKARIA 13:4

Kha zoro kha a hong tung tena chu, deipu tukhomin inlârna a ihmuhai sika khan lârirpâk ta no nia, deipu ang khomin om ta no nia, mipuihai huangna hrangin deipu silkaihai irbel ta no nihai.

MATHAIA 16:24

Khanchu Jisua’n a irchutirhai kuang, “Tukhomin ni zui a nuamin chu mâni intak ngaitua loiin a kros irputin ni zui ri se.

MATHAIA 3:4

Johana khan saringsei mul songkolin an nghâka, savun kongkhit a khita, a bu chu khâihmimse le ram khuaihlutui a ni.

JOHANA 21:7

Irchutir, Jisua’n lung a ithung khan Petera kuang, “Rengpa a ni so te,” a tia. Simon Petera’n Rengpa a nih ti an hriatin chu puan a sila, (puan boia om a ni sikin) dîla khan ar chôm thâk tâka.

TÎRTÔNHAI SINTHO 19:16

Khanchu, a sûnga ramilhli neitu khan a hong inboa, an hnê zit tâka, kha in ata kha pop iliam le an puan chet chitin an intân zit tâka.

TÎRTÔNHAI SINTHO 21:11

Kin kuang a zuanga, Paula kongkhit kha a lâka, a ke le a kut ar khita, “Jerusalem Judahaiin hiang hi kongkhit neitu hi khit an ti, Jentailhai kuta pe an ti, Irtha Irthiangin a ti,” a tia.

JOSUA 5:15

Rengpa sipaihai hruaitu’n Josua kuang, “Ni kekok kha khek ro, ni ngîrna kha hmun irthiang a ni,” a tia. Josua’n a kekok a khek tâka.

THUPHUANG 11:3

Ki inhriatpuihai inhni bora puan silin tîr ki ta, sûn sângkhat irzahni sômruk sûnga khan Pathian thu insîr an ti,” a tia.

1 SAMUELA 19:24

Khanchu ama khomin a silkaihai a’rkheka, Samuela makunga khan a lâma, thu an sîr sa tâka. Kha nî sûn intuanin le kha zân intuanin korongin a zâl tâka. (Khasika khan, “Saula khom kha deipu a ini sa tâk ma ni?,” iti hi an isôn tâk a ni.)