ISAIA 2:4 - PATHIAN LEKHABU IRTHIANG C.L. Bible (BSI)

⁴ Nam tin chunga roirêl a ta, Irngeitirhai a ti, an khandaihai bu tûna hrangin incher an ta, an ufeihai khom theipui ôn tanna hrangin sin an ti. Nam dang chunga nam danghaiin chem hrei inlek ta no nihaia, irdoi dân khom irchu ta no nihai.

ISAIA 2:4 ပူးပေါင်းရင်းမြစ်များ

INPÂKNA HLAHAI 110:6

Nam tin laia roirêl a ta, Irsual hmunhai chu ruakin sip a ta; Ram tina lu chu sât rem rum a ti.

INPÂKNA HLAHAI 46:10

Dâihrek unglân, Pathian ki nih ti hi inhre roi: Nam tin laia chôiindômin om ki ta, irnênga hin chôiindômin om ki ti.

INPÂKNA HLAHAI 46:9

Ama’n chu irdoinahai kôlkung dênin an boitir ngaia; Thal ngul chu a khiaka, ufei chu a sât inbong ngaia; Tâlihai chu meia a rô irhmang ngai.

INPÂKNA HLAHAI 82:8

O Pathian, thoiin lân, irnêng roi hi rêl ro: Nam tinrêng hi ni ta an ni.

INPÂKNA HLAHAI 96:13

Rengpa makunga khan: ama chu a izuang hrang a ni; Irnênga roirêl hrangin a izuang hrang a nia: Rammual hi fel takin roi rêl pe a ta, Mi tinhai chu a thu takin roi rêl pe sa a ti.

ISAIA 32:17

Diktaka thil an tho sikin, râl irvei loiin om thei ta an ti. Irtharngam takin kumtuangin om an ti.

ISAIA 32:18

An in le loia ki mihai chu irtharngam takin, omna iamom lungngam takin om mai thei ta an ti.

ISAIA 33:22

Rengpa chu roi ni rêl pe hrang ni a ta, Rengpa chu ei hruaitu a nia, Rengpa chu ei rêng a ni, Ama’n ni hrung mai a ti.

ISAIA 42:1

En ro, ki siahlo nang ki chel mai, ki indittak kin thang a ni; a chunga ki’rtha kin sipa, nam tinrênghai chunga diktakin roirêl a ta,

ISAIA 42:3

Lâiluang châng no nia, meiser chok vi viat khom sêmthat ual no ni, diktakin roirêl a ti.

ISAIA 9:5

Sipai hongna rup rupa kekokhai chu, an tukfam thisen kâi neng nungin hâl a nia, a kâng zoi ta.

ISAIA 9:7

A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.

HOSEA 2:18

Kha nikhua khan ramsahai, chunglêng vatehai, irnênga thilhringhai leh an ta hrangin thuthung siam ki ta; thal ngulhai khandai mani le irdoinahai hi irnênga irthokin irhmangtir ki ta, hoi takin inom hmunkhattir ki ti.

HOSEA 2:20

Iamomna’n ki ta hrangin hual ki ta, khanchu Rengpa kha inhria ni ti.

JOELA 3:10

Nin irnêng âlkaina hmor irzumhai khandaiin incher unglân, nin thei kung tanpaina chemtehai kha ufeiin incher roi: mi hrât loi khomin, “Ki hrât a ni,” ti ri se.

JOELA 3:12

Namhai kha irphût irhlômhai sian, Jehosafata khurpadopa khan hong kâi ri sehai: kha khan a vêla nam murdi chunga roirêl hrangin ki itoi hrang a ni.

MIKA 4:3

Khan, ama khan chi tamtak kâra roirêl a ta, hlataka nam hrât tak khom halirchu a ti; khan, an khandaihai kha âlkaina hmor irzumhai incher an ta, an ufeihai kha thei kunga tanna chem kolhaia incher an ti: nam dangin nam dang chunga khandai irlek ta no nihai, irdoi dân khom irchu ual ta no nihai.

ZAKARIA 9:10

Khan Rengpa’n hiang hin a hrila, “Irdoina sakor tâlihai chu Israel rengata sonpai ki ta, Jerusalem ata sakorhai chu lapai ki ta, Irdoinaa sâihli hmanga omhai chu lan siatpai ki ti. Nam tinhai laia ni rêngin irngeina la siam a ta; Tuikhanglian ata tuikhanglian dênin roi la rêl a ta, Eufrates dung ata irnêng mongna tena,” a tia.

TÎRTÔNHAI SINTHO 17:31

Nikhua a khita, kha nia khan a mi phuntu kha rammuala mi murdihai roi dik takin inrêltir a ti. Kha thu kha chu Pathianin ama kha thina irthoka kaithoiin mi murdi kuang an hriattir ta,” a tia.

THUPHUANG 19:11

Khan, irvân irhong ki hmua, sakor ngoi le a chunga chuang iamom le dik taka an iti ki hmu sa. Ama khan fel takin roi a rêla, a râl a doi ngai.

1 SAMUELA 2:10

Rengpa doituhai chu koi irnôi chit an ta, Irvân ata khonri’n doi a ti. Rengpa khan rammual pumpui chunga roirêl a ta; a rêng kha hrâtna pe a ti. A hriak irthu ngai hrâtna kha chôiirsâng a ti,” a tia.