ISAIA 2:20 - PATHIAN LEKHABU IRTHIANG C.L. Bible (BSI)

²⁰ Kha nikhua kha a hong tungin chu, an ibiak tangkaruaa siam millim le rângachak millim, an isiamhai chu a bong a bûiin pai suakhai an ti.

ISAIA 2:20 ပူးပေါင်းရင်းမြစ်များ

IRPHUTNA 35:4

Khanchu mi dang pathian an kut le mikuara kuarkâia an ibet ngaihai kha an sûta Jakoba an pêka; khanchu Jakoba’n Sekem kho kôla sesua thing bula a thupa.

THUHRILTU 3:6

Hmu zoro a oma, irhmang zoro a oma, hrê zoro a oma, pai zoro a om.

ISAIA 10:3

Ram hlatak ata siatna a hong tung zoro, thuan nôkna nikhuaa khan itin mo nin itho ta hrang? Tu kuang mo changpuina nin la izong hrang, khôn mo nin irchon nin isia ta hrang?

ISAIA 17:8

Kut le an isin maichâmhai chu uksak ta no nihaia, anni isin Aseri le mirimhoi hâlna maichâmhai chu a en khom en nuam ta no nihai.

ISAIA 30:22

Nin tangkarua tuamna le rângachak inluan millimhai chu intirom ti nin ta, pai nin ti, pai zoi a ni tah la ti nin ti.

ISAIA 31:7

Kha lai khan chu tukhom an sual ngai, tangkarua le rângachak millim an kut suakhai chu pai an ti.

ISAIA 40:19

Thil suk theihaiin millim an suka, Thil inluan theiin rângachakin an luana, tangkaruain ilhli hrang zîngziri an suktira,

ISAIA 46:1

Babulon-hai ibiak pathian Bela le Nebo chu, an sôlin ite châng thei ta mahai: Sakuartunghai an inpêltirhaia, sa sôl tâkhai hrang khomin rik tak an ni.

ISAIA 46:6

An hmarsa ata rângachakhai kêlsua an ta, tangkaruahai varh an ta, kut theithiamhaiin pathian illim siam an ta, kûnin chubai an mûk tâka.

EZEKIELA 14:6

“Khasikin Israel insûngkuahai kuanga, Rengpa pathian khan hiang hin a ti: Hong kîr unglân, nin sual porinchena murdi chu hong irheisan ta roi.

EZEKIELA 36:25

Tui kathâr nangni inthikkhum ki ta, nin millim murdihai ata le nangni a porinchetirtu thil tinrênghai ata kha nangni thâr irthiang ki ti.

EZEKIELA 7:19

An sumruhai chu kholaia khan dêng inthek an ta, an rângachakhai khom chu thil irthiang no ang hong ni ta a ti; an sum le rângachak khan Rengpa ningmurna nikhuaa chu anni chu saninzôk no nia, an hringnun inkhop no nia, an phîng khom khop ual no ni, anni irtettirtu sualna a ni tâk sikin.

HOSEA 14:8

Efraima khan millimhai le irnâina imo a inei ta hrang? kei hi a chongchaina sâmtu ki nia, a indingtir hrangtu khom ki ni. Kei meisâr thing hring mur ang ki nia, Ni ra sahai kha keima ata a ni.

LEVI DÂN 11:19

khânghlâi hai, dîl va chi rêng rêng, sualungvakâmkei hai le bâk hai.

ZEFANIA 2:11

An chunga khan Rengpa kha ichiom tak ni a ta; irnêng chunga pathianhai murdi kha a inboipai hrang a nia; kha khan mihriamhai khan ama kha biak ta an ta, mi tinin mâni hmun seng ata chubai mûk an ti.

LUKA 23:30

Kha zoro tika chu mihaiin tâng kuang, ‘Ni del roh,’ ti an ta, mual kuang, ‘Ni’rkhu roh,’ la ti an ti.