ISAIA 2:2 - PATHIAN LEKHABU IRTHIANG C.L. Bible (BSI)

² Zoro hnungkhôna chu Rengpa in omna tâng chu, tâng roiinpui tak ni a ta, tâng tinrênghai khêl a ta, Nam tinrêng hong nuam an ti.

ISAIA 2:2 ပူးပေါင်းရင်းမြစ်များ

IRPHUTNA 49:1

Khan Jakoba’n a nâihai chu a koihaia, “Sûn hnungkhôn tianga nin chunga thil hong tung hrang nangni ki hril theina hrangin irkoibuk roi,” a tia.

JOBA 19:25

A ni’rtantu chu a hring a nih ti kin hriat, nakana chu nêngpila hin la ngîr a ti.

INPÂKNA HLAHAI 102:23

Ama khan lamlaia hin ki’rnak an chuaitira; Ki dam sûng hi an boitir ta.

INPÂKNA HLAHAI 2:8

Ni nghi roh, khanchu nam tin tin nir chon hrangin nang pe ki ta; Rammual pumpui ni ta ni zit a ti.

INPÂKNA HLAHAI 22:27

Kôlkunga mi murdi khomin inhre nôk an ti, Rengpa tiang irhei ta an ta: Nam tin chi tin ni makunga kûn an ti.

INPÂKNA HLAHAI 22:28

Ram chu Rengpa ta a nia: Nam tin chunga roirêltu a ni.

INPÂKNA HLAHAI 48:2

Zion, Pathian tâng irthiang chu ar sângin en a hoia; Reng inthangtak khopui khan rammual pumpui lômna a zuang intunga.

INPÂKNA HLAHAI 68:17

Pathian tâli chu a sîng a sîng, a sâng a sâng tamtak a ni: Rengpa chu Sinai tânga a om ang khan, Khahai laia khan hmun irthianga a om ta.

INPÂKNA HLAHAI 72:8

Ama chu tuikhanglian ata tuikhanglian dang dên khomin ircham nei sa a ti, Tuipui ata kôlkung dên khomin.

INPÂKNA HLAHAI 86:9

O Rengpa, ni isiam nam tinrênghai chu hong an ta, ni makunga hong kûn an ta; Ni’rhming chu hong chôiindôm an ti.

INPÂKNA HLAHAI 87:1

A lungphûm chu tâng irthianghaia khan a om.

INPÂKNA HLAHAI 87:2

Rengpa khan Zion kul mikothai kha Jakoba-hai omna murdi nêkin a’rngaiinhlu ual a ni.

ISAIA 11:10

Kha ni tena khan chu Jesaia irchia rêng hong suak kha nam tinhai hranga irsinsiana ni a ta, a omna hong pan an ta, chôiindôm an ti.

ISAIA 25:6

Hi tânga hin Itinrêng Rengpa’n mi murdihai hrangin hruai inthe a ta, Uain thum a sa chi le a hnînghai le, sâ khom a tui zât inzenin sinsiam a ti.

ISAIA 27:13

Kha tena chu bekul liantak tum an ta, Assuria rama irhmang tâkhai le Aigupta an imâkhai chu hong kîr an ta, Jerusalem tâng irthianga khan Rengpa chubai mûk an ti.

ISAIA 30:29

Nangni chu kût irthiang hmang phut tâk angin lômin zâi nin ta, Israelhai lungpui, Rengpa tâng panna, irhâihoi tuma an ife ang hin om nin ti.

ISAIA 49:6

Rengpa’n hiang hin a ti: Jakoba irchi inhartir nôka, Israel la damhai hruai kîr hranga ki siahlo ni hi ite ual ni mah. Hi nêka sintho hrang roiinpui ual ni nei. Rammual pumpui hi inzôk a ni theina hrang le nam tin ta hranga vâr ni ngêt ni ti.

ISAIA 56:5

Ki Tempil, ki in sûng ngêta hin, ama inhriat maina siam pe ki ta, nâinupang le pasal neituhai laia irhming sa infelhai ki ti. A’rhming dâi ngai ta no ni.

ISAIA 56:7

Ki tâng irthianga hruaihai ki ta, chongchaina hmun, ki ina chu raifân takin inomtirhai ki ti. Hâlirvôm thil irbôlnahai, ki maichâma an hong ichôi chu lei lômhai ki ti. Ki tempil hi mi tinrêng ta hrangin chongchaina hmun ti ni a ti.

ISAIA 60:3

Ni vârna hnuaia nam tin lêng an ta, Rênghai khomin ni vârna kha innang mai an ti.

ISAIA 65:11

Rengpa chu mâksana, ki tâng irthiang irnghiltuhai chu Gad-a chubai irmûkna hmun sinsiama, an bingin uain in irhlômin om an ti.

ISAIA 66:20

Rengpa hranga thil inhlan hrang an hong ichôi ang hin nam tinhai laia urênghai chu hong hruaihai an ti. Sakor chunghaia chuang an ta, tâli chunga toi an ta, a’rzônna fonga toi an ta, sakuartung le saringsei chunga chuangin. Israelhaiin khêng irthianga thil inhlan hrang an hong ichôi ang hin, ki tâng irthiang Jerusalema hong an ti, Rengpa’n a ti.

ISAIA 66:23

Tha thar le Sabat nî rikipin, chubai ni mûk hrangin mi tin ni hong pan an ti,” Rengpa’n a ti.

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JEREMIA 23:20

itho mo a itumhai a zoi mâka chu mong no ni. Zoro la hong nikhua tamtak hnunga chu a mihai khan fel takin inhrenfel ta an ti,” ki tia.

JEREMIA 26:18

“Hezekia kha Judai ram rêng a ni laiin, Moreset mi deipu Mika khan Rengpa itinrêng thothei iti kha mipuihai kha a hrila, ‘Zion chu loi anga inrît inphit chit ni a ta, Jerusalem chu thil saloi bukkhômna ang ni a ta, Tempila ruathartehai chu rampui chang an ti,’ tiin a hrila.

JEREMIA 3:17

Kha zoro kha a tung tena chu, Jerusalem chu ‘Rengpa rêngtoihmuna’ bê ni a ta, nam tinrêngin kha khan chubai ni mûk an ti. An lungrîl sual le sêtin tho hranga a ihril kha tho ta no nihai.

JEREMIA 30:24

a thiltumhai a tunga, a tho zoi mâka chu Rengpa ningmur irkhêl tak chu hek no ni, zoro hnunga chu hihai hi la hong inhre suak nin ti.

JEREMIA 31:12

Râifân taka khêkin Zion tâng sîpa hong an ta, Rengpa satna sikin an hmêl raifân takin om a ti. Buhai, uainhai, hriakhai, belra le sahai sikin lôm an ta. Anni chu inhnê taka tui leh buak ngai irhuan ang ni an ta, an chardong ta no ni.

JEREMIA 48:47

Khan zoro la hong hranga chu Rengpa’n Moab ngîrhmun siam insa nôk a ti. Hihai hi Rengpa’n Moab chunga tung hranga a iti chu a ni.

JEREMIA 49:39

Khan, zoro la hong hranga chu Elama ngîrhmun siam insa nôk ki ti. Keima Rengpa’n ki iti a ni,” a tia.

JEREMIA 51:44

Babulon rama pathian bêl chu dûk tho ki ta, a inlem tâk kha inluak suak nôk ki ta, namhaiin chubai mûk ta no nihai. “Babulon kulbanghai chu a chim tâka.

EZEKIELA 38:16

Phâivopuiin ram a isêm phît angin, ki mi Israelhai chu doihai ni ta, a zoro a hong tung tena chu, ki ram chu doi hrangin, nang tîr ki ti; tu mo ki inih ti hi nam tinhai irhmutirhaina hrang le nangma hmanga ki sinthôna hin ki’rthiangzia inlangtirna hrangin.

EZEKIELA 40:2

Pathian thil lei hmûna sikin Israel rama a ni hruaia, tâng irsângtak sim tianga khopui hoitak ki hmua, kha khan a nin sum tâka.

DANIELA 10:14

Sûnmaton tianga ni mihai chunga thil hong tung hrang inhriat theina nei hranga zuang ki ni: inlârna chu sûnmaton tiang a la ini hrang a ni,” a tia.

DANIELA 2:28

khannisian thil irthup inpuangtu Pathian chu irvâna a oma, rêng Nebukadnezara hi thil la hong om hrang a inhriattir nuam a ni hi te. Ni’rmang le ni zâlhmuna inlârna omzia chu hiang hin a ni.

DANIELA 2:35

Khanchu, thîrhai le pil, dâr, sumru le rângachakhai a rêngin a koidara, misa lum laia hruizôla bu’rsi angin an om tâka: phâivua’n a sêm indarhaia, an omna hmun inhriat thei ni ta ma: millim deltu lung chu tâng liantak a chang tâka, irnêng a sip zita.

DANIELA 2:45

Tâng tianga lung, kut ni loia tuk suakin, thîr, dâr, saihlûm, sumru, le rângachakhai a siata ni ihmu ang khan, Pathian roiinpuitak khan rêng makunga hin nakana thil hong om hrang chu inpuang a ni: khanchu irmang kha a tak ngêta, a hrilfiana khom a diktak a ni,” a tia.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

ZAKARIA 14:10

Khan ram murdi, hmâr tianga Geba ata sim tiang Rimon dênin inchamtir nih a ti. Jerusalem chu a kôlvêla ramhai chunga tôt a ta, khopui chu Benjamina mikot ata a kila mikot ten, inmâna mikot omna hmun le, Hananela in irsâng ata kha rêng uain sômna khur ten kha phâk a ti.

ZAKARIA 14:9

Khan Rengpa chu irnêng chung murdia rêngin om a ta; mi tinin Pathian angin ama chu biak an ta, ar hming khom inkhat vai ni a ti.

ZAKARIA 8:22

Mi tamtakhai le nam sinthothei takhai chu Sipaihai Rengpa biak hrangin le a satvurna zong hrangin Jerusalema la zuang an ti.

ZAKARIA 8:3

Ki khopui irthiang Jerusalem khan kîr nôk ki ta, khataka khan om ki ti. Khopui iamom tih ni a ta, Sipaihai Rengpa tâng chu tâng irthiang iti ni a ti.

MALAKIA 3:12

Khan, nam murdi’n vânnei nangni ti ta an ta, Ram inditom tak nin la ni hrang sikin, Sipaihai Rengpa’n a ti.

NAMBAR 24:14

Khan Balaama’n Balaka kuang, “Irngai ro, atûn chu ki mihai kuang kîr nôk hrang ki ni ta, khannisian ki kîr nôk mân hin, sûnmatona ni mihai chunga an itho hrang lam hi nang la irhmutir ki ti,” a tia.

TÎRTÔNHAI SINTHO 2:17

Pathianin, ‘Sûn hnungkhôna chu hi hi la tho ki ti: Mi murdi chunga Irtha la buak ki ta, Nin nâipahai le nin nâinuhaiin ki thu lan sîr an ta, Nin ruathartehaiin inlârna la hmu an ta, Nin tarhaiin irmangin phan an ti.

2 TIMOTHEA toc2 2 TIMOTHEA 3:1

Sûn hnungkhôna chu zoro intak tak la tung a ti, ti inhre roh.

HEBRAI toc2 HEBRAI 1:2

Khannisianlân, sûn hnungkhônhai hin chu ei kuanga a Nâipa thu an sîr ta. Amaa khan Pathianin irnêng le irvân a siama, khabana ama kha sûn hnungkhônhaia chu thil tinrêng dong zit hrangin a iphun a ni.

2 PETERA toc2 2 PETERA 3:3

Sûn hnungkhôna chu hmusitpuhai, mâni irzukna ang taka omhai hong suak an ti, ti inhre masa roi. Hmusit tak takin,

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 20:4

Khan, rêngtoihmunhai ki hmua, a chunga mi an toia, kha a toihai kuang khan roirêl thei hrangin irchamneina pêkin an om. Khabana, Jisua inhriatpuitu an nina sik le Pathian thu an inpuangna sika an lu an itan pehai irtha kha ki hmu sa. Anni khan sahrâng le a’rlim chubai mûk mahaia, sahrâng irsinsiana kha an michala mo an kuta mo se mahai. Khahai kha an hong hringa, kum sângkhat sûnga hrangin Krista leh roirêlin an om ta.