ISAIA 2:11 - PATHIAN LEKHABU IRTHIANG C.L. Bible (BSI)

¹¹ Mihriamhai mualphoina hong dâi a ta, an irngaiirsângnahai hor hnuai a ti. Kha ni tena chu Rengpa vai hi chôiindôm ni a ti.

ISAIA 2:11 ပူးပေါင်းရင်းမြစ်များ

2 SAMUELA 22:28

Mi irngaiintôm theihai chu ni saninzôk ngaia, khannisian lârirpâkhai chu nin temtir ngai.

INPÂKNA HLAHAI 18:27

Intak tuang mihai chu ni isaninhring hrang a nia; Mi lârirpâkhai chu irhniamtir ni ti.

INPÂKNA HLAHAI 18:28

Nangin ki meiser hi ni hâl pe ni ta; Rengpa ki Pathian khan kin thimna hi nin vârtir a ti.

INPÂKNA HLAHAI 20:8

Annihai kha an kûna, an tûk tâka: Eini rêk chu ei thoia, ei ingîr intuan tâk a ni.

INPÂKNA HLAHAI 46:10

Dâihrek unglân, Pathian ki nih ti hi inhre roi: Nam tin laia chôiindômin om ki ta, irnênga hin chôiindômin om ki ti.

INPÂKNA HLAHAI 46:11

Sipaihai Rengpa chu ei kuang a oma; Jakoba Pathian chu ei kulpui irsâng a ni.

INPÂKNA HLAHAI 94:2

Nang irnênga roirêltu, sinin lân: Lârirpâkhai chu an sual man thuan roh.

THUVÂRHAI 16:5

Lungrîla lârirpâk murdi chu Rengpa hranga intirom an ni; dengtheina tuang loiin insua no ni.

THUVÂRHAI 30:13

Mi senkhat anni irngaia sa oka irbe an oma, o, i dôra sa’n mo an irbe tâkna!

ISAIA 10:12

Rengpa’n hiang hin a ti, “Zion tâng le Jerusalem khua chunga ki itho nuam ki tho zoi tika chu, Assuria chu a lârirpâkna le a’rsongna sikin soisak ki ti,” a tia. Assuria rêngin:

ISAIA 12:1

Kha ni tena chu hiang hin ti ni ti: “O Rengpa, nang kin pâk, ki chunga hin ni ning an mura, Khannisian ni ningmur insum mak chea, Irtharngam ni ni saka.

ISAIA 12:4

Kha ni khan chu hiang hin ti ta nin ti: Rengpa inpâk unglân, ar hming chôiindôm roi, A sintho chu a mihai hril unglân, A’rhming inthang lam hi inpuang roi.

ISAIA 13:11

Hnuai hi a sual sikin hrem ki ta, mi sualhai khom an sual sikin hremhai ki ti; mi lârirpâkhai irsongna chu inboi ki ta. Mi nunsia le irpâkhai chu irhnuai an ta.

ISAIA 14:15

Khan, nikhomsian seol irvân irsâng kôla om khan hruaiin om ni ti.

ISAIA 2:17

Mihriam irpâkna om ta no nia, An irngaiirsângna khom irhniamtir ni a ti.

ISAIA 23:9

Itinrêng Rengpa’n a ti a ni, an irsongpui ngai roiinpuina a heka, an mi inzakomhai chu mualinphoiin an om ta.

ISAIA 24:21

Kha tena chu chung tianga sinthotheinahai le irnênga rênghai Rengpa’n hremhai a ti.

ISAIA 25:9

Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

ISAIA 26:1

Kha zoiin chu hi hla hih Judai rama sak an ti: “Khopui iamom taka ei lênga, ei zôkna hrangin kul bang a ni siam pea.

ISAIA 28:5

Kha ni tena chu Itinrêng Rengpa’n, a thi zoi loi la om, a mihai hranga rênglukhum roiinpui sil le kai satak ang ni a ti.

ISAIA 29:18

Kha ni tena chu kuarsêthaiin lekha an itep irhâi inhria an ta, a zîng laia om mitchohai chu, an mit meng an ta, hmu thei an ti.

ISAIA 30:18

Rengpa inrenna’n nangni a la nghâka, a khonzâna’n nangni a la hrung lai hin, Rengpa’n diktakin roirêl a ti. Ama nghâktuhai chu hoi pehai a ti.

ISAIA 30:23

Loia nin chimûhai chu rua inphâtir a ta, a ra satakin hong tam a ti.

ISAIA 37:23

Tu mo ni innuisan, imo nang ar fê pe na? Tu chunga mo ni ikhêk? Tu chunga moh mualphoi ni irlâk? Israel mi irthiang chunga moh ni mah.

ISAIA 4:1

Kha zoro tena chu nupang sariin pasal inkhat chel an ta, “Fâk nêk le silkaihai tum ving kin ta, kin irhming siat loina hrangin, dôngma’n ni lua ro,” la ti an ti.

ISAIA 40:23

Rêng roiinpuihai an lômtira, irnênga roirêltuhai ite innitirhai maka,

ISAIA 52:6

Khasikin ki mihaiin ki’rhming inhriat thei an ta, kha tena chu keima ihril a nih ti inhre thei ta an ti,” ti hi ki ihril a ni.

JEREMIA 12:9

Ivadung inthim laia muhâite an ichi ngai angin, ki mi inthanghai chu an ni. Hong saa hruaithênaa om sa hrangin, ramsahai chu koibûmhai roi.

JEREMIA 9:24

Mi tukhom irpâk a nuamin chu, mi’n hrilin nin hril infelin inpâk ri se, ki lungthungna chu a det a ni sikin, thildik le thil fel tho ngaitu ki ni. Hi thilhai hin a nin lômtir ngai a ni,” ti hi keima Rengpa hin ki iti a ni.

EZEKIELA 38:14

Khasikin Rengpa Pathianin Gog chu hi thu hi hril hrangin a ni tîra, “Ki mipuihai chu lungthi tak le hoitaka an om laia doihai hrangin nang chu hong ni ta.

EZEKIELA 38:19

Ki ninginmurna sikin ki lei hril tâka, kha nî sûn khan Israel rama hnîngnupui tho a ti.

EZEKIELA 39:11

Khan Rengpa’n, “Kha thilhai kha a tung tena chu Gog chu Israel rama tuipui thi nisua tianga khualinzinhai irhôr an itihna hmun kha thân hmunin pehai ki ta, khataka khan Gog le a sipai murdihai chu phûm ni an ta, khanchu irhôr kha Gog sipaihai irhôr ti ni ta a ti.

EZEKIELA 39:22

Khanchu kha rengata kha Israelhaiin kei chu Rengpa an Pathian ki nih ti inhre suak ta an ti.

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

HOSEA 2:16

Khan, Rengpa thu suak khan hiang hin a ti: Kha nikhuaa khan hiang hin ni a ti, ki pasal ni ti a ta, Baal ni ti ta no ni.

HOSEA 2:18

Kha nikhua khan ramsahai, chunglêng vatehai, irnênga thilhringhai leh an ta hrangin thuthung siam ki ta; thal ngulhai khandai mani le irdoinahai hi irnênga irthokin irhmangtir ki ta, hoi takin inom hmunkhattir ki ti.

HOSEA 2:21

Kha nikhua khan hiang hin ni a ta, changpui ki ta Rengpa thu suak khan a ti. irvânhai chongpui ki ta, khan anni’n irnêng chongpui an ti.

JOELA 3:18

Kha nikhuaa khan hiang hin hong ni a ta, tâng irsânghai khan uain thum inzungtir a ta, tânghai kha irhnutuiin luang a ta, Judai ram vadungte murdihai kha tuiin luang a ta: Rengpa in ata tuihnâr zuang pût suak a ta, Sitim irhôr irziltir a ti.

AMOSA 9:11

Hi thil thotu Rengpa thu suak khan hiang hin a ti, “Kha nikhuaa khan Davida kairêng chim kha indingtir ki ta, a pophai kha tuam ki ta; a siathai kha irfûktir nôk ki ta, tianlaia a iom angin sin nôk ki ti.

OBADIA 1:8

Kha nikhuaa khan Edom ata mi vârhai inboipai ki ti, Esaua tâng ata inhriat thiamna ki inboipai loi hrang ma ni? Rengpa’n a ti.

MIKA 2:3

Khasikin Rengpa’n hiang hin a ti: irngai ta hi in sûngkua chunga hin thil saloi ki ingaitua a ni, khatak ata khan nin ring la sonpai mak chêia, lârirpâk takin fe ta no chin ni: zoro saloi a ini hrang a ni.

MIKA 4:6

Rengpa’n hiang hin a ti, “Kha nikhuaa khan ke’nbâi bukkhôm ki ta, irzûlpaia om le ki intaktira om kha buk ki ta;

MIKA 5:10

Kha nikhuaa khan hiang hin ni a ti, Rengpa’n a ti, nangma ata ni sakorhai inboipai ki ta, ni tâlihai insiat ki ti:

ZEFANIA 3:11

Kha nikhuaa khan ki chunga ni tho’nchâina thiltho sikhaia khan inzak ta no chi ni, kha tika chu ni sûng ata ni mi, lârirpâkna raiinfânpuituhai kha la pai ki ta, ki tâng irthianga hin lârirpâk hrangin om ta no chi ni.

ZEFANIA 3:16

Kha nikhua khan Jerusalem kuang, chi no roh, O Zion, Ni kut khom irzal no ri se, ti an ti.

ZAKARIA 9:16

Kha nikhua kha a hong tung tena chu, Belrapuin a belrahai ichiomna ata a isaninzôkhai angin, Rengpa’n a mihai chu saninzôkhai a ti. Renglukhuma lunghluhai angin anni chu a rama khan la chok an ti.

MALAKIA 4:1

Irngai u ta, nikhua a zuang tung e, hâl inzôina mei angin a kâng a ni; mi lârirpâk murdihai le sual thotu murdihai kha fapôl ni an ta: kha nikhua zuang tung khan anni kha kâng a ti; a’rzung le a ôn dênin hôi no ni, Sipaihai Rengpa’n a ti.

LUKA 18:14

“Jisua’n nangni ki hril, a masapu nêkin hi pa hi thiam changin a in tiang a kîr tâka. Tukhom irngaiinhlu murdi’n irhniam an ta, irngaiintôm murdi’n chôiindôm ni an ti,” a tia.

2 KORINTH 10:17

Khannisianlân, Pathian Thu’n a iti angin, “Tukhomin a song nuam murdi’n chu Rengpa sintho kha song ri se,” ti a ni.

2 KORINTH 10:5

Pathian inhriatna dân hranga lârirpâkna lamchâina tinrênghai kha kin seta, ngaituana tinrêng suaka hruaiin Krista thu kin zôm ngai.

2 THESALONIKA toc2 2 THESALONIKA 1:10

A mi’rthiang, ama iamtuhai kuang ata roiinpuina le chôiindômna dong hranga a zuang tika chu, kin thuhril nin lei iam sikin nangni chu kha iamtuhai laia khan kop sa nin ti.

1 PETERA toc2 1 PETERA 5:5

Khaang dênin nangni vânglaihai, ulian kuanga irpêklût roi. Sin nin irsanirhlôm theina hrangin thuhnuairôlna irbelin sin tho roi. Pathian Thubu’n, “Pathianin lârirpâkhai a doia, irngaiintômhai chu a lunginkham ngai,” ti a nia.