ISAIA 19:3 - PATHIAN LEKHABU IRTHIANG C.L. Bible (BSI)

³ Aigupta mihai chu irzûlhai ki ta, an irfûktirhai chu insiat pehai ki ti, millimhai, dôitheihai, mithi châ theihai, tasân theihai inpathai an ti.

ISAIA 19:3 ပူးပေါင်းရင်းမြစ်များ

2 SAMUELA 15:31

Mi tu’n mani, Davida kha, Ahithofela kha Absaloma tianga kopin a thupêktuhai laia a kop sah ti an hrila. Davida khan, “O Rengpa Ahithofela roizêk kha chanlamboi inchangtir pe ro,” tiin a chongchaia.

2 SAMUELA 17:14

Khanchu Absaloma le Israelhai khan, “Ark mi Husaia roizêk kha Ahithofela roizêk nêkin a sa ual,” an ti tâka. Absaloma chunga thil saloi a tung theina hrangin Rengpa khan Ahithofela roizêk satak kha zôm loi hrangin a lei inkung sai tâk a ni.

2 SAMUELA 17:23

Ahithofela’n a roizêk kha zôm mah ti an inhriatin chu, a sakuartung an irfûka an suaka, an khuaa a fe tâka. A in sûngkuahai roizêk dân hrang a’rfûk pehai diama, a’rkhâithat tâka. Khanchu an in mihai thâna an phûm tâka.

2 RÊNGHAI 1:2

Reng Ahazia chu Samari khuaa a omna in chung sîpa a tâka, a na oka a dam le damloi hrang thua Filistia Ekron khuaa pathian Baalzebuba irdon hrangin mi a tîra.

1 THURCHI SUINA 10:13

Rengpa ata an sin insiatna sikin Saula chu a thi tâka, Rengpa thu a zôm no sikin.

INPÂKNA HLAHAI 107:27

Zû’nrui angin an hong pêm an va pêm an hong irhnor rem ruma, Om lam dân rêng rêng inhre ngai mahai.

INPÂKNA HLAHAI 33:10

Rengpa’n nam tinhai thiltum chu hmang hmunboi an chang pehaia; Mi tin ngaituanahai chu ite inlâpna boiin a siam pehai ngai.

INPÂKNA HLAHAI 76:12

Ama khan roirêltuhai hâina chu sât inbong a ti: Ama chu irnênga rênghai hrangin chi a iom a ni.

THUVÂRHAI 21:30

Mihriam vârnahai, inhriatnahai le thiamnahai hi Rengpa doina a niin chu chanlamboi a ni.

ISAIA 14:27

Itinrêng Rengpa’n tho a nuam ta. Tu mo a sût ngam hrang? soisak hrangin a kut a lâng ta, tu mo la dan thei hranga?

ISAIA 15:2

Dibon mihai chu Pathian biakna hmun irsânga chap hrangin an fea, Moab mihai chu an lu an ep inkola, hnermul an voipaia, Nebo le Medeba khua an irzuk nôk tâk a ni.

ISAIA 19:1

Aigupta ram chungchâng thu: sûm irsâtak laia chuangin Rengpa chu Aigupta ram a pana. A makunga khan Aigupta rama millimhai inthing an ta, Aigupta mihai rot an ti.

ISAIA 44:25

Deipu dolhai thu hlochuk loiin tasân theihai mualinphoitirin, mi vârhai thu ki thuan paihaia, an inhriatna chanlamboi kin hriattirhaia,

ISAIA 47:12

Ni dôi theina hai, ni dôi bûrhai, Ni nâipang lai ata ni ihmang ngai kha masan no ro, tuhai lai ata mani chu sin sain lan lâppui thei ni ti.

ISAIA 57:16

Ki mihai chu demhai mai ta no ninga, ki ning khom inmur mai ta no ni. Ki kuang chu sôlhraiin om an ti, keima isiam an ni sikin.

ISAIA 8:19

Mithi chongpui theihai, dôi theihai, itin anga irkhek hranga a theihai irdon hrangin nang ti a ti. Ama’n chu, “Irthahai hi irdon hrang a nia, a thihai khom hi a la damhaiin irdon hrang an ni,” lei ti an ti.

JEREMIA 46:15

Itho sika nin pathian hrât Afis kha a inrîl tâk ma ni? Rengpa’n ama kha a naminrîl tâk sika a ni.

EZEKIELA 21:7

Khan, ‘Ithoa mo ni inrûm?’ an ti’n chu, ‘A thurchi chu a hong tung tâk sikin ki irzal a ni. Mi murdi lungrîl zâm irzal a ta, an kut sahai kim a ta, thâiindôpin om an ta, irlo’nthingin om an ti,’ ti roh. Irngai ro, a zoro a hong tung tâk a ni,” Rengpa pathian thusuakin a ti.

EZEKIELA 22:14

Ngam takin mo om theiin? Nang hrem hranga ki zuang tena ni’rnak nei mo lan hre theiin? Kei Rengpa hin ki iti a ni, ki iti tâk chu ki itho ngêt hrang a ni.

DANIELA 1:20

Khanchu, vârna le inhriat thiamna thu tinrêng, rêngin a hor donhaiin, a ram pumpuia dôi tin theihai le tasân theihai nêkin a lêt sômin a dik le a sa ti an hriat suak tâka.

DANIELA 2:2

Khan rêngin a’rmang hrilfia hrangin dôitheihai, mitphil le tasân theihai Kaldai mihai koi hrangin thu a pêka. An honga, rêng kôla an ngîra.

DANIELA 5:7

Rêng chu Mitvai dôithei Kaldai mi tasân theihai hruai hrangin a khêka. Rêng khan Babulon mi vârhai kuang; “Mi tukhom hi irziak hi tepa a hrilfiana ni hril thei chu puan senduk insiltir ni a ti, a ringa rângachak zîngziri inhlitir ni a ta, a ram sûnga roirêltu inthumhai laia thuneitu tak ni a ti,” tiin a hrila.

1 SAMUELA 25:37

Kha hnung chu zîng tiang Nabala inrui kha a hong harin chu, a dôngma khan kha thu kha a hong hrila; a lungrîl an thing pe raka, a hnang zuak tâka.