ISAIA 19:2 - PATHIAN LEKHABU IRTHIANG C.L. Bible (BSI)

² Aigupta mihai chu, Aigupta mihai ngêtin indoitirhai ki ta, ulenâi irhuang an ta, urênghai irdoi an ti. Khua le khua bial le bial irdoi an ti.

ISAIA 19:2 ပူးပေါင်းရင်းမြစ်များ

1 RÊNGHAI 16:21

Israel mipuihai chu pôl hniin an irsema, a chimriphaiin Ginata nâipa Tibnia chu rêng inchang nuam pôl an oma, a chimripin Omria zui pôl an om nôka.

2 THURCHI SUINA 15:6

Nam le nam deng an irthei irhlôma, kho sûng le kho sûng deng an irthei irhlôma. Pathianin buaina le chardongna a intungtir a ni.

ISAIA 3:5

Mipui ir-ep sup sup an ta, pasal le pasal irsual an ta, rual le rual irdoi an ti. Ruatharhaiin an ulianhai chitna nei no nihaia, mi chîntehaiin mi inzakomhai ite bêin bê no nihai.

ISAIA 9:21

Manasea le Efraima mi an irdoia, Juda irchihaiin an tuang uala, khaang dôr a ni tâk khomin Rengpa ningmurna chum loiin, a kut a la inlek mai a ni.

JEREMIA 46:12

Nam tinhaiin ni mualinphoina an inhriata, mi tinin ni chap irhâi an inhriat a ni. Sipai inkhatin a dang kha ar pal raka, an ruaiin hnuaia an inrîl tâka.

JEREMIA 51:46

Chong papai nin iam sika hin thâiindôpin om no roi. A kum tin ram buaina in mani, aninole rêng dang idoi tia chong vuang inthang a indarh ngai.

EZEKIELA 38:21

Gog chu siatna chi tinrêng leh insîtir ki ti, kei Rengpa Pathian hin ki iti a ni. A mihai chu an khandaihai leh irthat irhlôm an ti.

ZAKARIA 8:10

Kha nikhuahai khan chu mihriam ta hrangin irhlofâkna hrang hi om maka, sâ ta hrang khomin irhlofâkna hrang rêng rêng hi om mah; mi tin chu mâni tualbôm seng doiin kin omtirhaia.

MATHAIA 10:21

“Urêng khomin that hrangin a urêngpa lan cheltir a ta, pa khomin a nâihai lan cheltir sa ta, nâihai khomin an nu le pahai doi an ta, that an ti.

MATHAIA 10:36

Mi a râl hrang chu a in sûngkua mihai ngêt ni an ti.

MATHAIA 12:25

Jisua’n an ingaituahai kha an hriata, an kuang, “Kho rama khom mâni le mâni irdoi chu an chiam ngai; kho khuaa khom, sûngkua khom, mâni le mâni irdoi ka chu inding suak no nihai.

MATHAIA 24:7

Nam le nam irdoi an ta, ram le ram irdoi an ti. Hmun tina châm tâk a ta, hnîngnu inhnîng a ti.

MARKA 3:24

Ram khom, mâni le mâni an irdoiin te, kha ram kha ngîr thei no ni.

ROIRÊLTUHAI 7:22

Gideona mihaiin bekul irzathum kha an tuma; Rengpa’n râlhai murdi chu anni le anni a’rtuktirhaia; Zarethan tiang Beth-sita dêna rot intân an oma, Tabat bul Abel-mehola ramri dêna rot intân khom an om.

ROIRÊLTUHAI 9:23

Abimeleka le Sekem mihai chu Pathianin a’rdoitirhaia, Sekem mihaiin Abimeleka chu vârirlek takin an doi tâka.

1 SAMUELA 14:16

Khan, Benjamina ram Gibea khuaa Saula râl hrungtuhaiin an hong thîrhaia. Filistia-hai chaninvâia intânhai kha an hmuhaia.

1 SAMUELA 14:20

Kha hnung chu Saula le a kôla mipui omhai murdi kha an irbûma, Filistia mihai buaia lungzîng taka an binga irdoi, khandaia irthathai doi hrangin irdoina bual panin an suak tâka.