ISAIA 19:18 - PATHIAN LEKHABU IRTHIANG C.L. Bible (BSI)

¹⁸ Kha ni tena chu Aigupta ram kho ringa sûnga Hebrai chong hmang an ta, itinrêng Rengpa irhming sâmin chonginkung an ti. Anni laia khua inkhat chu, “Haheres” ti an ti.

ISAIA 19:18 ပူးပေါင်းရင်းမြစ်များ

ZEFANIA 3:9

Kha tika chu mipuihai kha hmûr irthiang irputtir nôk ki ta, Rengpa irhming kha an inzaa anni tiang inthuruala a sin an tho suam theina hrangin,

ZAKARIA 2:11

Kha nikhuaa khan nam tamtakin Rengpa kha hong zom an ta, ki mihai ni an ti: khan, ni kuanga khan lêng ki ta, khanchu, sipaihai Rengpa khan ni kuang a ni itîr a nih ti nin hriat tâk nin ti.

ISAIA 19:21

Rengpa chu Aigupta mihai kuanga inlang a ta, hâlirvôm thil inhlan le irbôlnahai inhlanin chubai mûk an ta, Rengpa makunga chonginkung an ti.

JEREMIA 12:16

Ki mihai chu Baal irhming songin chonginkung an lei irchutir ngaia, khaang takin, ‘Rengpa mihring’ irhming songin chonginkung an irchu tika ki mihai omdân lan lang a ta, an laia kop sa an ti.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 27:13

Kha tena chu bekul liantak tum an ta, Assuria rama irhmang tâkhai le Aigupta an imâkhai chu hong kîr an ta, Jerusalem tâng irthianga khan Rengpa chubai mûk an ti.

ISAIA 19:19

Kha ni tena chu Aigupta ram sûnga Rengpa hrang maichâm siam an ta, Aigupta ramria lung phun an ti.

ISAIA 2:11

Mihriamhai mualphoina hong dâi a ta, an irngaiirsângnahai hor hnuai a ti. Kha ni tena chu Rengpa vai hi chôiindôm ni a ti.

DÂN INHNINA 10:20

Rengpa nin Pathian kha chi unglân, a sintho unglân, ama kha chel khak roi; inkungna hrangin a’rhming vai sâm ngai roi.

INPÂKNA HLAHAI 68:31

Aigupta ram ata milianhai hong suak an ta; Ethiopia-hai chu an kut Pathian tiang phar hrangin irhnot an ti.

NEHEMIA 10:29

an urênghai, an milian hai kha mahai loiin Pathian siahlo Mosia pêk Pathian dân zôm hranga, Rengpa kin Rengpa thupêk murdi le a roirêlnahai le a thu’nkung chu zôm le vonga,

IRPHUTNA 11:1

Khanchu irnêng chunga mi murdi hi chong hmunkhat, thuhril lam hmunkhat an ni vinga.

ISAIA 65:16

Ram sûnga mi satvurna zongtuhaiin, Pathian iamom irhming sâmin khuasâl an ti. Matona buainahai a hek zoi tâka, ki ihmu loina rama an om zoi ta.

ISAIA 14:1

Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.