ISAIA 18:3 - PATHIAN LEKHABU IRTHIANG C.L. Bible (BSI)

³ rammuala om murdi irnêng chunga siphaio, tâng sîpa irsinsiana an itâr lei thîr mai unglân, bekul irhâi le’rngai roi.

ISAIA 18:3 ပူးပေါင်းရင်းမြစ်များ

INPÂKNA HLAHAI 50:1

Pathian, itinrêngthothei, Rengpa khan thu an sîra; Irnêng hi misa suakna ata a tâkna dênin a koia.

ISAIA 1:2

Rengpa’n thu a hril hi, “Irvânhaio, irngai unglân, irnêng khom ni mikuar lei sung roh. Nâi le te kin fâhaia, kin liantirhaia, khannisian, an ni tehel pe zoi ta.

ISAIA 11:12

Nam tinrênghai mithmua irsinsiana târsuak a ta, Israel an inhnotsuakhai le Juda a rothai khom kôlkil minli ata hruai suakhai a ti.

ISAIA 13:2

Tâng irsângna hmuna irsinsiana târ unglân, sipaihai koisamhai unglân, kho lârirpâk tak kul mikot chu doi hrangin nin kut leh inthem roi.

ISAIA 13:4

Tânga irhâi omhai khi irngai roi, ram tin ata nam tinrêng honghai, irhâi a ni duah; itinrêng Rengpa’n a sipai râl doi hranga a ibukhai a ni.

ISAIA 26:11

Ni kut nir lek khomin hmu nuam ngai mahai, ni mihai ni inren lam hi irhmutirhai roh. Hmuhai sian mualphoi irla ri sehai, ni râlhai hranga meiri-al laia khan, kâng irhmang ri sehai.

ISAIA 31:9

Beidong takin an rêng thi a ta, a zîngbupa sipai hruaituhaiin an puan irsinsiana intânsan an ti. Rengpa thusuakin hiang hin a ti. Zion tânga a mei ir-al mai a ta, Jerusalema a lungthu khom hring mai a ti.

ISAIA 49:22

Rengpa Pathianin hiang hin a ti: “Nam tin mithmua ki bân phar ki ta, irsinsiain, ni nâihai pomhai an ta, ni nâinuhai pohai an ti.

ISAIA 5:26

Rengpa’n ram hlataka omhai hrang, irsinsiana a târ suaka, kôlkil dêna mi ikoi irhâiin a koia, irhnot takin a hong ta so.

ISAIA 7:18

Kha nikhuaa khan chu Rengpa’n Aigupta rama tui, Nail vadung hnâr ata irrualin luang suak a ta, Assuria ram ata khom khuaipâl koihai a ti.

JEREMIA 22:29

O ram, o ram, o ram, Rengpa iti hi irngai ro:

JEREMIA 51:27

“Irdoi hrangin inhriattirna pe roi! Namhaiin an inhriat theina hrangin bekul tum roi! Babulon ram ta hrangin namhai chu irvôtir unglân, Ararat, Mini le Askenaza ramhai, ama doi hrangin inhrilhai roi. A doi hranga hruaitu’n mi bê unglân, khâi puang anga tamin sakor bûmhai roi.

MIKA 1:2

Nangni nam murdihaio, nin rêngin inhre unglân; O irnêng le a sûnga om murdihaio, irngai roi: Rengpa pathian, Rengpa kha a biak in irthiang ata nangni doiin nin chungthu inhretu ni ri se.

MIKA 6:2

O tâng lianhaio, Rengpa sêlna kha irngai unglân, nangni irnêng irnghatsan dethaio, irngaitua roi. Rengpa kha a mihai leh an irsêla, Israelhai kha dem a ti.

MIKA 6:9

Rengpa khan khopui kha a insam a ni, vârna nei mi khan nir hming kha chi a ti: hêmvuak leh a sinsiamtu kha inhre mai roi.

ZAKARIA 9:14

Rengpa chu a mihai chunga inlang a ta, a thalhai chu kôlirtêk angin la kâp suak a ti. Rengpa Pathianin bekul lan ringtir a ta, Sim tiang ata kêllaiher kâra hong a ti.

MATHAIA 13:16

“Nangni chu, nin vân a sa bâka na! Nin mitin a hmua, nin mikuarin a inhriat a ni.

MATHAIA 13:9

Irngaituana mikuar nei murdi’n chu irngai ri sehai,” a tia.