ISAIA 17:10 - PATHIAN LEKHABU IRTHIANG C.L. Bible (BSI)

¹⁰ Nangni saninhringtu Pathian nin irnghila, nin zôkna lungpui chu inhre nuam loiin. Enhoi takin irhuan nin sinhaia, nam dang pathian biak nin uara,

ISAIA 17:10 ပူးပေါင်းရင်းမြစ်များ

1 THURCHI SUINA 16:35

O, Rengpa kin Pathian, ni sansuakin lân; nam danghai lai ata ni hruai nôk roh. Ni’rhming irthiang inpâkin roiinpui takin nang chôiindôm kin ti.

INPÂKNA HLAHAI 106:13

Khannisianlân a sinthohai kha an irnghil nôk zôi zela; A roizêk chu nghâk zôt mahaia:

INPÂKNA HLAHAI 106:21

Pathian an saninhringtu an irnghil tâka, Aigupta rama thil roiinpui tak tak le

INPÂKNA HLAHAI 18:2

Rengpa chu ki lungpui le, ki kulpui le ni saninzôktu a ni; Ki Pathian, ki lungpui dettak a nia, amaa khan iamna irnghat ki ti; ki phô le, ki saninhringna irki le, ki kulpui irsâng a ni.

INPÂKNA HLAHAI 31:2

Keima tiang hin ni mikuar zuang do’n lân; ni saninzôk lat roh:

INPÂKNA HLAHAI 65:5

O a ni saninhringtu Pathian, Thil irkhêlhaiin fel takin ni sâm ni ta; Nang chu kôlkunga mi murdihai le, Tuikhanglian chung hlataka omhai iamna chu ni ni:

INPÂKNA HLAHAI 79:9

O ni saninhringtu Pathian, nir hming roiinpuina hrangin ni changpuiin lân: Ni’rhming sikin ni saninhringin lân, Kin sualhai hi infâitir roh.

INPÂKNA HLAHAI 85:4

O ni saninhringtu Pathian, nir heikîrtirin lân, Kin chunga ni ninginmurna chu inmong roh.

INPÂKNA HLAHAI 9:17

Mi siahai chu Seol-ah kîr nôk an ti, Nam tin Pathian irnghil ngai murdihai chu.

ISAIA 12:2

Pathian chu a ni saninhringtu a ni, Ama iam ki ta, chi ta no ning. Rengpa ki Pathian chu, a nin hrâttu, ki hla a ni. A ni saninhringtu a ni.

ISAIA 17:9

Israelhai makunga Hiv mi le Amor mihai khopui mâksanhai ang khan an khopui satakhai chu rotsan an ta, a ram zoro tung a ti.

ISAIA 18:5

Grep pâr a hong chila, a ra tâka, khannisian a ra a hmin mâna chil angin Ethiopia mihai chu an râlhaiin soisakhai an ti.

ISAIA 25:4

Inriang le changpui innanghai hranga kul ni nia, An char a dongin chu an hor bîk ngaia, Sûn misa luma dâihlîm ni chang pehaia.

ISAIA 26:4

Rengpa chu kumtuangin iam mai roi, Rengpa chu kumtuanga zôkna lungpui a ni,

ISAIA 30:29

Nangni chu kût irthiang hmang phut tâk angin lômin zâi nin ta, Israelhai lungpui, Rengpa tâng panna, irhâihoi tuma an ife ang hin om nin ti.

ISAIA 33:2

Rengpa kin chunga ni khonzâna insumin lân, nang kin nghâk mai, a ni tin kin hrâtna ni pe’n lân, beidong nia ni san inzôk ngai roh.

ISAIA 44:8

Inlâi no unglân chi viat no roi, tianlai ata nangni ki lei insîr pe sai mo ni ma? Ki thu inhriattu nin ni, keima ta no hi Pathian dang moh an la om? Ki inhriat zoi loi Pathian roiinpui an la iom ma ni?

ISAIA 51:13

Irvân kaiphar theia, irnêng irnghatna phûm theitu, nangni siamtu Pathian hi nin irnghil ma ni ta? Dengintheitirtu ningmurna le an siat tumtuhai chi di dîpa nin iom mai hi? An ningmurna chu tuang zoi no chin ni.

ISAIA 61:10

Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

ISAIA 62:11

Nam tin inhriatin Rengpa’n an puang ta. Zion nâihai chu hril ro, “Rengpa’n nangni a hong san ta, a isansuakhai a hong hruaihaia. A irtan saihai an fâhai ta,” tiin.

JEREMIA 12:13

Ki mihai chu bu an inrîtin, hloisûl an irtika; an sinsôl bâk ngaia, khannisian ite an ra om ngai mah. Ki ningmur irkhêl tak sika khan, an chîmuhaiin ra an insua thei loi a ni,” a tia.

JEREMIA 17:13

Rengpa, nangma chu Israelhai isabei tak ni nia; Nangma nang mâktuhai chu mualinphoi an ti. Rengpa hringna tuihnâr thar tak chu nang an mâk sikin. Pil kâra irhming irziak angin irhmang an ti.

JEREMIA 2:32

Dôngmate’n a’rvônahai irnghilin, moiin mo, a’rneina tukrivo a irnghil thei hrang ma ni? Ki mihai rêkin chu tep zoi thei nêka sûn, a tam ual an irnghila.

JEREMIA 3:21

Tâng sîp ata irhâi inhriat a nia, Israelhai chap irhâi le an ni ingênna irhâi, sualnaa sip hringnun an hmanga, Rengpa an Pathian an irnghil tâk sika a ni.

EZEKIELA 22:12

Ni mi senkhathai khan mi thatna hrangin tangka sumhai an lâka, senkhatin an Israel chanpuihai kuang a pung omin sum an inpûktirhaia, nuamninga lohaiin irchon an bûma. Keima an ni’rnghil tâka,” Rengpa Pathianin a ti.

EZEKIELA 23:35

Atûn chu Rengpa Pathianin hiang hin a ti, “Keima chu ni’rnghilin, hnung ni ni songsan sikin ni taksa irzukna le ni notizuarna sika khan dengthei tuang ni ti,” a tia.

HOSEA 4:6

Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti.

HOSEA 8:14

Israel khan a siamtu a’rnghil paia, in roiinpuihai a sina; Juda khan khopui kulhai an pungtira, khannisian a khopuihaia khan mei tîr ki ta, a in roiinpuihai kâng zoi a ti.

JOELA 1:17

Chîmuhai kha irnêng châr hnuaihaia khan a hmona; panghai kha a rama, fasiarhai kha insiatin a oma; a bu kha a thêm tâk sikin.

LEVI DÂN 26:16

hiang hin nangni hrem ki ti: chamairakin nangni inomtir ki ta, inkhurpui, dam thei loi hri irvei nin ta, nin mit dolde suak a ta, hring suakpui no chin ni.

LEVI DÂN 26:20

Môk sin sosôl ni nin ti, nin loia ât hrang om no nia, nin thei kunghai khom ra ual no ni.

AMOSA 5:11

Khasikin mi’nrianghai sirpha’n nakhrâtin bu nin lâkpai pea: lung irchuan inhai nin sina, khannisianlân a sûnga lêng no chin ni; grep irhuan hoihai nin siama, khannisianlân a uain in no chin ni.

HABAKUKA 3:18

Rengpaa khan raiinfân ki ta, ki saninhringna Pathiana khan lôm ki ti.

ZEFANIA 1:13

Khan, an sumhai kha râllâk hong chang zoi a ta, An inhai kha ram a ta; a ni, inhai sin an ta, Khannisian lua no nihai; Grep irhuanhai siam an ta, khannisian a uain kha in no nihai.

DÂN INHNINA 28:30

Dôngma hual nin ta, mi’n nangni neipai pe an ti, in sin nin ta, lua no chin ni; grep irhuan siam nin ta, a ra fa no chin ni.

DÂN INHNINA 32:15

Israelhai kha an hong irchonga, a sân an hong irhniang tâka, an mar tel tul tâka, Siamtu, an Pathian kha an rotsana, saninhringtu, an lungpui kha an ngainêpa.

DÂN INHNINA 32:18

Anni neitu lungpui kha uksak mahai, annihai siamtu Pathian kha an rotsana.

DÂN INHNINA 32:31

An râlhai khomin an Pathian kha Israelhai Pathian nêkin chu a nêp ual ti an inhriat.

DÂN INHNINA 32:4

Itinrêng sataka thotu, lungpui a ni, Dik takin roi a rêl ngai, Pathian iamom le dik, thil sa le dik tho ngaitu a ni.

DÂN INHNINA 6:12

A sân irdîn roi, suak nin nina, Aigupta ram ata nangni hruaisuaktu Rengpa hi irnghil viat no chin ni.

DÂN INHNINA 8:11

A thupêkhai, om hrang dân a itihai, a thu’nkunghai a vuana nangni ki ihril hi zôm nuam loiin Rengpa nin Pathian hi irnghil pal nin ti, irdîn roi.

DÂN INHNINA 8:14

nin lârirpâk lungrîlin Aigupta suak ata nangni hruai suaktu Rengpa nin Pathian kha irnghilna nin ti.

DÂN INHNINA 8:19

Rengpa nin Pathian kha irnghil viat viat no roi, pathian danghai uksakin chubai mûksan ual no roi; khaang khan a ni, irhmang ngêt ngêt nin ti.