ISAIA 17:1 - PATHIAN LEKHABU IRTHIANG C.L. Bible (BSI)

¹ Damaska chungchâng chu: Damaska chu kho sûnga tep khom ni ta no nia, thil saloi omna ang mai ni a ti.

ISAIA 17:1 ပူးပေါင်းရင်းမြစ်များ

IRPHUTNA 14:15

Khan zâna chu anni doi hrangin ama le a mihai kha a’rsempuihaia; an thathai ta. Hoba khua dênin an irzûlhaia. (Hoba chu Damaska khua hmâr tianga om a ni.)

IRPHUTNA 15:2

Khan Abrama’n, “O Rengpa Pathian, imo ni ni ipêk hrang, nâi nei loiin ki oma, ki’rchonhai khom hi Damaska khua mi Eliezera’n mo a ilua hrang ni ma?” a tia.

1 RÊNGHAI 11:24

Irhel pôlhai hruaitu a chang tâka, hi hi Davida’n Hadadezera an hnêa, a râlhai le a mihai chu an suaka, Damaska khuaa an oma, a zuituhai khan Suria ram rêng hrangin an inkunga,

2 RÊNGHAI 16:9

Assuria rêngin Ahaza ingên angin Damaska khua chu a sipaihai leh an doia, a lâka, Rezina chu a thata, a mihai chu a khopui Kir khuaa suakin a dônhaia.

1 THURCHI SUINA 18:5

Suria mi, Damaska rêngin Hadadezera chu san hrangin sipai a tîra. Davida’n a lei doia, sipai sînghni le sânghni a lei thatpai pea.

2 THURCHI SUINA 28:23

Ama inhnêtu Suriahai pathianhai chu chubai a mûkhaia, Suria pathianhai hin Suria rêng an changpuia, khasikin an kuang thilinhlan hrangin ni changpui ngêt a ti, iti a ni. Kha kha a mihai leh an isiatpui nôkna chu a ni.

2 THURCHI SUINA 28:5

Ahaza’n thilsual a tho sikin, Suria rêng kuta Pathian Rengpa’n a pêka; Damaska khuaa Juda mi tamtak Suria rêngin a hruaia.

ISAIA 10:9

Karkhemis khua angin Kalno khuahai khom ki inhnê mo ni ma? Hamath khua angin Arpad khua khom? Samari khua chu Damaska khua angin ki soisakhai kha.

ISAIA 13:1

Babulon chungchâng chu, Amoza nâipa Isaia ihmu chu:

ISAIA 15:1

Moab chungthu chu zân khat sûngin Ar khua soisakin a oma, Moab chu a dok taa, zân khat sûngin Kir khua khom soisak a nia, Moab chu a dok nôk ta.

ISAIA 19:1

Aigupta ram chungchâng thu: sûm irsâtak laia chuangin Rengpa chu Aigupta ram a pana. A makunga khan Aigupta rama millimhai inthing an ta, Aigupta mihai rot an ti.

ISAIA 25:2

Khopuihai chu nin siattir theia, A kulhai khom nin chimtira, Nam dang khopuihai ram zoiin, siam insa ni ta no ni.

ISAIA 37:26

Tian ata ki lei itumtak a nih ni tia, lan hre mak che mo? Atûna thil hong tung hi tiana ki lei irêl sai a ni. Kul nei khuahai nin siatpaia,

ISAIA 7:16

kha nâi khan a siat chu hnôl a ta, a sa a inthang thei mân khomin, mi ichitakna ram chu inkhêktir a ti.

ISAIA 7:8

Suria lu chu Damaska a nia, Damaska lu chu Rezina hi a ni. Kum sômruk ringa sûng chu, Efraima namhai chu hek ving an ta.

ISAIA 8:4

Nâisen khan, “Ka nu, ka pa a ti thei mân Damaska irchongna le Samari khua ata râllâk sum an lâk hrang chu Assuria rêng kuanga tung a ti,” a tia.

JEREMIA 49:2

Nikhua chu a hong itung thiai a ni, kha ni khan chu Raba khopuia mi omhai chu irdoina irhâi inhretirhai ki ta, mâkin om an ta, a khuahai chu hâlpai ni an ti. Khanchu Israelhai khan an kuang ata a lâk pehaia irthokin an ram chu lapai nôk an ti.

MIKA 1:6

Khasikin, Samari kha sûla thil siat om khôm angin siam ki ta, grep irhuan hmun ang dênin: khan, kha hmuna lunghai kha ivadung rôl tiang inhlumpai ki ta, a lungphûmhai kha inlang ki ti.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.

ZAKARIA 9:1

Hi hi Rengpa thuhril chu a ni: Hadrak ram chunga le Damaska khopui chunga hremna chu an kunga. Israel namhai vai hi ni loiin, Suria mihai khopui khom hi Rengpa ta a ni.

TÎRTÔNHAI SINTHO 9:2

Rengpa Lampuia zui mihai, nupang pasal, a ihmu murdi chela Jerusalama, a hong hruai theina hrangin Damaska khuaa Sinagok hruaituhai pêk hrang lekha Ochai inlal tak a va ngêna.

DÂN INHNINA 13:16

An thil nei murdihai nin ilâkhai kha khopui tual zôl irzat taka buk khôm nin ta, an khua le sum nin ilâkpai pehai kha nin ihâl zit hrang a ni; Rengpa ta hranga ser tâk kha tûte’n la no ri sehai; Rengpa nin Pathian ta hrang hâlirvôm thilinhlana hâl irhmang zit hrang a ni; kumkhuaa thil chim siat chit ang ni a ta, tûte’n an inding nôk hrang ni ma.