ISAIA 15:3 - PATHIAN LEKHABU IRTHIANG C.L. Bible (BSI)

³ Kholâi dunghaia bora puan silin in sûnga le kholâi dunghaia khom milung hoiloi takin an chapa.

ISAIA 15:3 ပူးပေါင်းရင်းမြစ်များ

2 SAMUELA 3:31

Kha hnung chu Davida khan Joaba le a kuanga mipui om murdihai kuang khan, “Nin puanhai inpotthêr unglân, bora puan sil unglân, Abnera kha sûn roi,” ti thu a pêka. Reng Davida khan irlâng kha a chela.

2 RÊNGHAI 6:30

Rengin kha thu kha a hon hriatin chu a puan an potthêra; kulbang ar fang maia, mipuiin an enin chu a puan hnuaia bora puan a sil chiana.

ISAIA 15:2

Dibon mihai chu Pathian biakna hmun irsânga chap hrangin an fea, Moab mihai chu an lu an ep inkola, hnermul an voipaia, Nebo le Medeba khua an irzuk nôk tâk a ni.

ISAIA 22:1

Inlârna irhôr chung thu chu: Imo nin ithôna inchung sîpa teh nin lui vinga?

ISAIA 22:4

Ni rotsan ving roi, ki mithihai hi, châhai hrang ki ni, tûte’n nin thâi no roi.

ISAIA 3:24

Mirimhoi irthûlin mirimsia, kongkhit irthûlin hruihrual, sam tam irthûlin sam kol, tukrivo sa irthûlin bora puan, hmêlsa irthûlin hmêlsia an dongtum ni a ti.

JEREMIA 19:13

Jerusalema inhai, Judai rama rêng inhai le irvâna ârsihai kuang mirimhoi hâla pathian danghai kuang uain an bun thuanna ngaihai kha Tofet hmun ang taka porinchetir ni a ti,” tia anni chu hril hrangin.

JEREMIA 48:37

An rêngin an lu an ep inkola, an hnerkamulhai an paia, an rêngin an kut an âta, mi tinin bora puan an sil tâka.

CHAP HLA 2:10

Zion-a ulianhai chu hnuaia dâihrekin an toia, an lu vâiphin polin bora puan an sila, Jerusalem-a dôngmatehai khom hnuai enin an kûna.

EZEKIELA 7:18

Bora puanhai sil an ta, chitnain anni chu inkhum a ta; an hmêlhai chu inzakna’n inlang a ta, an lua samhai kol zit a ti.

AMOSA 8:10

Nin kût nikhuahai kha chardongnaa le nin hlahai murdi kha chapnaa inchangtir ki ti; nin kong murdi kha bora puan diar inkaitir ki ta, lu sîp tina khan inkolna hong intungtir ki ta; mi’n a nâipa neisun a isûn angin om nin ti. Kha nikhua kha chu a mong dênin dengtheina, intakna nikhua ni a ti.

MATHAIA 11:21

“Korazin! ni chung a rik e! Bethsaida, ni chung a rik e! Nangnia sinirkhêl sinhai kha Tura le Sidon khuaa sin, ni ta sian chu bora puan silin irvut irpolin an sual ata irlet ta an ti.

DÂN INHNINA 22:8

Nin in sin kha a chung zôl kha nin irkul hrang a ni; khanchu, tu mani khom tâk palin, thi sianlân, a mô kha pêl no chin ni.

JAKOBA toc2 JAKOBA 5:1

Nangni mi irchonghaio, irngai u ta, nin chunga intak zuang tung hrang sikin chap unglân, khêkhroi ta roi.

1 SAMUELA 5:12

A thi loihai kha an popa, khanchu kha kho sûnga mihai kha changpuina zongin an pathianhai an zong ta.