ISAIA 15:2 - PATHIAN LEKHABU IRTHIANG C.L. Bible (BSI)

² Dibon mihai chu Pathian biakna hmun irsânga chap hrangin an fea, Moab mihai chu an lu an ep inkola, hnermul an voipaia, Nebo le Medeba khua an irzuk nôk tâk a ni.

ISAIA 15:2 ပူးပေါင်းရင်းမြစ်များ

2 SAMUELA 10:4

Kha hnung chu Hanuna khan Davida mihai kha a chela, an hnerkamulhai a ep inkolpai pehaia, an silkaihai khom a chimrip an zer bul tena hin a tan inbongtir pehaia, a tîr paihaia.

1 THURCHI SUINA 19:4

Davida palaihai chu Hanuna’n a chelhaia, an hnermul a voipai pehaia, an songkol irfualhai khom an kong tena a tanpai pehaia, an fetirhaia.

JOBA 1:20

Khanchu Joba kha a thoia, a songkol irfual an pot thêra, a lu a voi inkola; hnuaia inbokin Pathian a biaka.

ISAIA 14:31

Filistia kho tina mihaio, khêk unglân, nin rêngin chi ta roi; hmâr tiang ata kêllaiher a hong khû so, sôl inhre loi sipaihai so,

ISAIA 15:3

Kholâi dunghaia bora puan silin in sûnga le kholâi dunghaia khom milung hoiloi takin an chapa.

ISAIA 16:12

Khanchu hiang hin ni a ti, Moab a hor lang tena chu bozôla nuama sôlin chongchai hranga a hmun irthianga a hong tena khom hlochuk no ni.

ISAIA 16:7

Khasikin Moabhai chu Moab mihai chunga khêk an ta; Kir-hareseth grep inhrolhai chu milung hoi loi pumin la an ti.

ISAIA 22:12

Kha ni khan chu, Rengpa itinrêng Rengpa chapa khêk hrang le lu ep inkola, bora puan sil hranga titu khan;

ISAIA 3:24

Mirimhoi irthûlin mirimsia, kongkhit irthûlin hruihrual, sam tam irthûlin sam kol, tukrivo sa irthûlin bora puan, hmêlsa irthûlin hmêlsia an dongtum ni a ti.

JEREMIA 3:21

Tâng sîp ata irhâi inhriat a nia, Israelhai chap irhâi le an ni ingênna irhâi, sualnaa sip hringnun an hmanga, Rengpa an Pathian an irnghil tâk sika a ni.

JEREMIA 47:2

“En roh hmâr tiang tui ar sôna, ivadung tuilian angin a hong iluang zut hrang a ni. Irnêng le a sûnga thil om murdi irkhu zit a ta; khopuihai le a sûnga mi a om murdi ngîmhai a ta; khopui le a sûnga mi omhai an rêngin. Lungzîngin mihai khêksoi an ta. Irnêng chunga mi tin inrung tatak an ti.

JEREMIA 47:5

Gaza mihai hrangin ngaisiatna irkhêl a hong tunga, Askelon mihai chu an inthim ngeng tâk. Phâizôla a la dam sunhaio, idôr ten mo nin la ichûl hrang?

JEREMIA 48:1

Hi hi Moab chungthua Rengpa Itinrêngthothei iti chu a ni: “Nebo mihai lungkham an om e, an khopui chu a isiat tâk a ni! Kiriathaim chu lâkpai a ni tâka, a kul roiinpuihai khom insimtir a ni tâka. A mihai chu mualphoiin an oma;

JEREMIA 48:18

Nangni Dibona omhai, nin hmun roiinpui tak ata zuang chum unglân, irnênga pil chunga hin toi rak ta roi. Moab insiatchittu chu hin a om tâka, a kul tamtakhai a ram zoi tâka.

JEREMIA 48:31

Khasika khan Moab khuaa omhai ta hrangin le Kir Heres khuaa omhai ta hrangin mitrithi sôm ki ti.

JEREMIA 48:35

Moab mihai chu an hmun irsânghaia hâlirvôm thilinhlan le an pathianhai kuang irbôlna an inhlanhai, ki irngamtirhai hrang a ni. Keima Rengpa’n ki iti a ni.

JEREMIA 49:3

Hesbon mihaio, khêk suak roi! Ai khua chu a siatchit ta! Reba nupanghaio, chap hrangin irsiam ta roi. Bora puan sil unglân, chap ta roi. Lungzîngin chai sup ta roi. Nin pathian Milkoma chu a ochaihai le hruaituhai leh khan sala intâng hrangin an ihruaihai hrang a ni.

JEREMIA 7:29

“Châ roi, O Jerusalem mipuihai, Nin sam ep inkol unglân pâi roi; Tâng sîphaia mithi chûl hla sak roi. Keima Rengpa chu ki ning an mura, ki mihai ki hnôl tâk sikin.

EZEKIELA 27:31

Nangma ta hrangin an sam ep an ta, bora puanin irvo an ta; an chap lia an milung la na pehai liain om an ti.

EZEKIELA 30:2

“Mihriam nâipa, Rengpa Pathianin hiang hin a tih tiin hrilin lân, inpuang ro; hi thuhai hi khêkin hril roh. Sûn ichiom tak a tung ta!

EZEKIELA 7:18

Bora puanhai sil an ta, chitnain anni chu inkhum a ta; an hmêlhai chu inzakna’n inlang a ta, an lua samhai kol zit a ti.

LEVI DÂN 13:40

A tukburung tiang le a michal tianga sam chil sianlân, lukol papai a nia, a irthiang a ni.

LEVI DÂN 21:5

Ochai tukhomin lusûn entîrna hrangin a lu kiangkhat a ivoi inkol hrang ni ma, a hnerkamul a ivoi hrang ni ma, a ir-ât irphop hrang ni ma.

AMOSA 8:10

Nin kût nikhuahai kha chardongnaa le nin hlahai murdi kha chapnaa inchangtir ki ti; nin kong murdi kha bora puan diar inkaitir ki ta, lu sîp tina khan inkolna hong intungtir ki ta; mi’n a nâipa neisun a isûn angin om nin ti. Kha nikhua kha chu a mong dênin dengtheina, intakna nikhua ni a ti.

NAMBAR 21:28

Khan voikhat chu Hesbon khopui ata Sihona sipaihai chu mei angin an suaka, Moab rama Ar khopui kha an insiata, Arnon sak tianga tâng chu an lâkpaia.

NAMBAR 21:30

Khannisian atûn chu an irchi suanpârhai chu Hesbon ata Debon Nashim ata Medeba kôl Nofa dên rakin inboipaiin om an ti,” an tia.

NAMBAR 32:3

“Atarot, Dibon, Jazer, Nimra, Hesbon, Elealea, Sebam, Nebo le Beon ramhai kha sa vâina hranga satak a lei nia.

NAMBAR 32:38

Nebo, Baal-meon (a’rhminghai hi thûl a ni ta) Sibma hai an indinga; an kho siamhai chu irhming dang an phuaa.

DÂN INHNINA 14:1

Rengpa nin Pathian mihai nin nia, khasikin, mithi nin sûnin ir-ât phop no unglân, nin michal sam epinkol sa no roi.

DÂN INHNINA 34:1

Khan, Mosia kha Moab phâia irthokin Jeriko irdîna Nebo tâng, Pisga tâng sîpa khan a hong kâia. Rengpa khan Gilead ram murdi Dan dênin an entir;